4 weeks ago
अंगिका भाषा क संविधान केरौ ८मो अनुसूची आरू बिहार केरौ दोसरौ राज्यभाषा के श्रेणी मँ शामिल करबाबै ल मुख्यमंत्री, विधि मंत्री सँ माँग
4 weeks ago
जनगणना मँ अपनौ नामौ सथें मातृभाषा के कॉलम मँ अंगिका जरूर दर्ज करैइयै : अंगिका निवेदन पत्र, नेपाली गीत गोष्ठी
4 weeks ago
अंगिका क संविधान केरौ ८मो अनुसूची मँ डलबाबै आरू बिहार केरौ दोसरौ राजभाषा के रूपौ मँ मान्यता दिलाबै तलक जारी रहतै संघर्ष – प्रीतम विश्वकर्मा कवियाठ
1 month ago
अंगिका क संविधान केरौ ८ मो अनुसूची मँ आरू बिहार केरौ दोसरौ राज्यभाषा के श्रेणी मँ सूचीबद्ध करबाबै लेली नेपाली गीत-गोष्ठी आयोजित करतै कार्यक्रम
1 month ago
अपनो माय भाषा अंगिका क संविधान केरौ ८ मो अनुसूची मँ डलबाय क संवैधानिक दर्जा दिलाबै लेली हजारों के भीड़ नँ बनैलकै मानव श्रृंखला

नई दिल्ली / सुलतानगंज । अंगिका भाषा क॑ संविधान केरऽ आठमऽ अनुसूची म॑ शामिल कराबै लेली भारत केरऽ राष्ट्रपति क॑ पत्र सौंपलऽ गेलऽ छै । अखिल भारतीय अंगिका साहित्य कला मंच केरऽ प्रदेश महसचिव सुधीर कुमार प्रोग्रामर द्वारा २२ जनवरी क॑ महामहिम राष्ट्रपति श्री रामनाथ कोविंद क॑ सौंपलऽ गेलऽ पत्र म॑ आग्रह करलऽ गेलऽ छै कि करोड़ों लोगऽ के भाषा अंगिका क॑ यथाशीघ्र संविधान केरऽ आठमऽ अनुसूची म॑ शामिल करलऽ जाय ।  राज्यसभा केरऽ माननीय सांसद श्री संजय सिंह क॑ भी पत्र लिखी क॑ अंगिका भाषा क॑ यथाशीघ्र संविधान केरऽ आठमऽ अनुसूची म॑ शामिल करै के आग्रह करलऽ गेलऽ छै ।

साथ ही दिल्ली केरऽ माननीय मुख्यमंत्री श्री अरविंद केजरीवाल क॑ पत्र लिखी क॑ मंच द्वारा आग्रह करलऽ गेलऽ छै कि दिल्ली सरकार केरऽ मैथिली-भोजपुरी अकादमी म॑ अंगिका केरऽ नाम जोड़ी क॑ एकरऽ नया नामकरण  अंगिका-मैथिली-भोजपुरी अकादमी करलऽ जाय ।

ई बीच अखिल भारतीय अंगिका साहित्य कला मंच केरऽ प्रदेश महसचिव सुधीर कुमार प्रोग्रामर न॑ गत २१ जनवरी क॑ दिल्ली सरकार केरऽ मैथिली-भोजपुरी अकादमी द्वारा आयोजित राष्ट्रीय कवि सम्मेलन म॑ भाग ल॑ क॑ अंगिका कविता आरू गीत प्रस्तुत करी क॑ उपस्थित जनऽ के मऽन मोही लेलकै ।

महामहिम राष्ट्रपति श्री रामनाथ कोविंद क॑ सौंपलऽ गेलऽ पत्र म॑ कहलऽ गेलऽ छै कि अंगिका लगभग पाँच करोड़ लोगऽ के भाषा छेकै । जेकरा पढ़ाय भागलपुर विश्वविद्यालय केरऽ स्नातक व स्नातकोत्तर विभाग म॑ होय रहलऽ छै । झारखंड लोक सेवा आयोग केरऽ परीक्षा म॑ भी अंगिका क॑ शामिल करलऽ गेलऽ छै । आकाशवाणी व दूरदर्शन द्वारा भी अंगिका म॑ कार्यक्रम केरऽ लगातार प्रसारण होय छै । बिहार राष्ट्रभाषा परिषद आरू साहित्य अकादमी द्वारा अनेकों पुस्तक केरऽ प्रकाशन आरू कार्यक्रम केरऽ आयोजन होलऽ छै । साथ ही बिहार म॑ अंगिका अकादमी केरऽ गठन भी करलऽ गेलऽ छै । एकरऽ उपरांत आग्रह करलऽ गेलऽ छै कि करोड़ों लोगऽ के भाषा अंगिका क॑ यथाशीघ्र संविधान केरऽ आठमऽ अनुसूची म॑ शामिल करै के कृपा करलऽ जाय ।

अखिल भारतीय अंगिका साहित्य कला व मंच द्वारा महामहिम राष्ट्रपति श्री रामनाथ कोविंद क॑ लिखलऽ चिट्ठी
अखिल भारतीय अंगिका साहित्य कला व मंच द्वारा महामहिम राष्ट्रपति श्री रामनाथ कोविंद क॑ लिखलऽ चिट्ठी

हुन्न॑ दिल्ली केरऽ माननीय मुख्यमंत्री श्री अरविंद केजरीवाल क॑ पत्र लिखी क॑ अखिल भारतीय अंगिका साहित्य कला व मंच द्वारा आग्रह करलऽ गेलऽ छै कि दिल्ली सरकार केरऽ मैथिली-भोजपुरी अकादमी म॑ अंगिका केरऽ नाम जोड़ी क॑ एकरऽ नया नामकरण  अंगिका-मैथिली-भोजपुरी अकादमी करलऽ जाय । कैन्हेंकि दिल्ली राज्य म॑ रही रहलऽ अंगिका भाषा भाषी केरऽ जनसंख्या लाखों म॑ छै ।अखिल भारतीय अंगिका साहित्य कला व मंच द्वारा दिल्ली केरऽ माननीय मुख्यमंत्री श्री अरविंद केजरीवाल क॑ लिखलऽ चिट्ठी

अखिल भारतीय अंगिका साहित्य कला व मंच द्वारा दिल्ली केरऽ माननीय मुख्यमंत्री श्री अरविंद केजरीवाल क॑ लिखलऽ चिट्ठी

Comments are closed.

error: Content is protected !!