देवघर: देवघर मं॑ झारखंड केरऽ पहलऽ आरू देश केरऽ सबसं॑ बड़ऽ मोटर ड्राइविंग ट्रेनिंग स्कूल खुलतै ।  एकरा लेली जसीडीह म॑ जमीन चिह्नित करी लेलऽ गेलऽ छै । ई ड्राइविंग ट्रेनिंग स्कूल केरऽ आधारशिला दू अप्रैल क॑ महामहिम राष्ट्रपति रखतै ।  ई बात केरऽ जानकारी केंद्रीय कौशल विकास राज्यमंत्री(स्वतंत्र प्रभार) राजीव प्रताप रूड़ी द्वारा देलऽ गेलऽ छै ।  केंद्रीय मंत्री श्री रूडी दू अप्रैल क॑ प्रस्तावित महामहिम राष्ट्रपति केरऽ आगमन के तैयारी केरऽ जायजा लै लेली देवघर पहुंचलऽ छेलै ।
केंद्रीय मंत्री न॑ कहलकै कि ई स्कूल म॑ युवक-युवती सिनी क॑ लाइट मोटर व्हीकल, हैवी व्हीकल, जेसीबी ड्राइविंग आदि के ट्रेनिंग देलऽ जैतै । प्रशिक्षण आवासीय व नि:शुल्क होतै ।  प्रशिक्षण स॑ दक्ष ड्राइवर बनला के बाद देश ही नै विदेश म॑ भी ई प्रशिक्षित  युवा सिनी क॑ ड्राइविंग केरऽ क्षेत्र मं॑ रोजगार केरऽ अवसर मिलतै ।

Comments are closed.