अंग जल -७ | अंगिका गजल | सुधीर कुमार प्रोग्रामर

अंग जल

गजल -७

— सुधीर कुमार प्रोग्रामर —

मौत केरोॅ डोॅर केकरा
ऊंठलै हिलोर केकरा।

सब हँसी मजाक मेॅ रहै
डबडबैलोॅ लोर केकरा।

मार सब जहाज लेॅ करै
खेत, बैल, होॅर केकरा।

झोपड़ी में ढूकलै इनोर
पेट मॅ मड़ोर केकरा।

आग खेत में लगाय केॅ
हाँक जोर-जोर केकरा।

Angika Poetry / Gazal : Ang Jal / अंग जल

Poet : Sudhir Kumar Programmar / सुधीर कुमार प्रोग्रामर

Angika Gazal Collection / अंगिका गजल संग्रह – अंग जल