भागलपुर ।होली के मौका प गत एतबार क आयोजित कवि सम्मेलन मँ लोगो क आगाह करलौ गेलै कि ई  मौसम  चुनाव के छेकै । ई लेली सोची-समझी क वोट डालिहो ।

भागलपुर केरौ ईशाकचक स्थित ईश्वरनगर केरौ कालीस्थान परिसर मँ ईश्वरनगर विकास समिति केरौ बैनर तले होली के अवसर प आयोजित इ भव्य कवि सामारोह मँ विविध भावौ के कविता पाठ करलौ गेलै ।

कवि सम्मेलन केरौ अध्यक्षता श्री प्रीतम कुमार विश्वकर्मा कवियाठ नँ आरू संचालन श्री सुधीर कुमारा प्रोग्रामर नँ करलकै ।

कवि सम्मेलन केरौ शुरूआत गीतकार राजकुमार द्वारा गैलौ सरस्वती वंदना सँ होलै ।ओकरौ बाद उपस्थित कवि सिनी नँ आपनौ -आपनौ कविता के पाठ करलकै ।

कवि गौतम सुमन नँ अंगिका भाषा मँ कविता पाठ करतें कहलकै कि लोहा जबै गरम होय छै तभिये चोट करलौ जाय छै । हुनी कहलकै कि मौसम अभी चुनाव के छै ई लेली सोची-समझी क वोट करना छै । रामावतार राही, लक्ष्मीनारायण मधुलक्ष्मी, त्रिलोकीनाथ दिवाकर, प्रीतम कुमार विश्वकर्मा कवियाठ, सुधीर कुमारा प्रोग्रामर, डॉ. जयंत जलद, माध्वी चौधरी, डॉ. भूपेन्द्र मंडल, शेलेश कुमार, सोहन मंडल, रथेन्द्र विष्णु नन्हें, शेषावतार मनमौजी कर्ण अंगपुरी, धीरज पंडित, जावेद अख्तर, दिनेश बाबा तपन आदि कवियो नँ कविता पाठ करी क कार्यक्रम मँ चार-चाँद लगाय देलकै ।

Comments are closed.

error: Content is protected !!