2 months ago
COVID-19 : बाहर सँ लानलौ तरकारी व समान के उपयोग के सुरक्षित तरीका की छेकै ?
3 months ago
अंगिका भाषा क संविधान केरौ ८मो अनुसूची आरू बिहार केरौ दोसरौ राज्यभाषा के श्रेणी मँ शामिल करबाबै ल मुख्यमंत्री, विधि मंत्री सँ माँग
3 months ago
जनगणना मँ अपनौ नामौ सथें मातृभाषा के कॉलम मँ अंगिका जरूर दर्ज करैइयै : अंगिका निवेदन पत्र, नेपाली गीत गोष्ठी
3 months ago
अंगिका क संविधान केरौ ८मो अनुसूची मँ डलबाबै आरू बिहार केरौ दोसरौ राजभाषा के रूपौ मँ मान्यता दिलाबै तलक जारी रहतै संघर्ष – प्रीतम विश्वकर्मा कवियाठ
3 months ago
अंगिका क संविधान केरौ ८ मो अनुसूची मँ आरू बिहार केरौ दोसरौ राज्यभाषा के श्रेणी मँ सूचीबद्ध करबाबै लेली नेपाली गीत-गोष्ठी आयोजित करतै कार्यक्रम

अंगिका भाषा मँ काँवरिया क देलौ जैतै जानकारी | सुलतानगंज श्रावणी मेला – २०१९ | Information shall be delivered to Kanwaria in Angika language | Sultanganj Shravani Festival.

सुलतानगंज (भागलपुर, बिहार) । ७ जूलाई, २०१९ ।आबै वाला १६ जुलाई, २०१९ क विश्वप्रसिद्ध सुलतानगंज श्रावणी मेला शुरू भ रहलौ छै । जेकरा मँ देश-विदेश सँ रोजाना लाखों लोग सुलतानंगज पहुँची क यहाँकरौ उत्तरवाहिनी गंगा मँ जल भरी क बूली क लगभग १०० किलोमीटर दूर स्थित बाबाधाम के यात्रा करी क वहाँकरौ बैजनाथ भोलेबाबा प जल चढ़ाबै छै ।  काँवरिया सिनी के सुविधा लेली अंगिका भाषा मँ काँवरिया क जानकारी देलौ जैतै  ।

नगर परिषद क्षेत्र मँ काँवरिया के सुविधा लेली निरंतर माइकिंग होतै रहतै, जेकरा मँ अंगिका, हिंदी, नेपाली,भोजपुरी, बंगाली, मैथिली भाषा मँ जानकारी आरू सूचना प्रसारित करलौ जैतैं रहतै ।

सुलतानगंज पधारै वाला शिव भक्तौ सिनी के अंगिका, हिन्दी , नेपाली सहित छो भाषा मँ स्वागत करलौ जैतै ।सुलतानगंज नगर परिषद के तरफौ सँ लगभग ८० ध्वनि विस्तारक यंत्र सँ यहाँ पहुँचै वाला सिनी क यहाँ उपलब्ध सुविधा आरनि के जानकारी देलौ जैतै ।

कार्यपालक पदाधिकारी, सुमित्रानंदन पंत के अनुसार अंगिका सहित छो भाषा मँ प्रचार-प्रसार सँ मेला के राष्ट्रीय महत्व क बढ़ावा मिलतै ।

अंगिका सहित छो भाषा मँ सूचना प्रसारण के सुलतानगंज नगर परिषद केरौ इ निर्णय के स्वागत करतेँ हुअय अखिल भारतीय अंग-अंगिका विकास मंच के राष्ट्रीय महासचिव कुंदन अमिताभ नँ सुझाव देलकै कि चूँकि अंतर्राष्ट्रीय स्तर केरौ ई मेला मँ पश्चछिमी देशौ के अलावा भारत केरौ दक्खिनी राज्यौ के लोग भी शामिल होय छै  इ लेली सूचना के प्रसारण  अंग्रेजी मँ भी करैलौ जाना चाहिय्यो ।

कुंदन अमिताभ नँ आशा जतैलै छै कि ऐसने प्रबंध बाबाधाम (देवघर) मँ भी करलौ जैतै ।

Comments are closed.

error: Content is protected !!