पोर्ट एलिजाबेथ । टीम इंडिया न॑ पोर्ट एलिजाबेथ म॑ खेललऽ गेलऽ पांचमा वनडे मैच म॑ मंगलवार क॑ दक्षिण अफ्रीका क॑ ७३ रन सें हराय क॑ वनडे सीरीज प॑ कब्‍जा करी लेलकै ।

मैच में पहलें बैटिंग करतें हुअ॑ भारतीय टीम न॑ निर्धारित ५० ओवर म॑ सात विकेट प॑ २७४ रन बनैलकै । जवाब म॑ दक्षिण अफ्रीकी टीम महज २०१ रन प॑ ही ढेर होय गेलै । ई जीत के बाद विराट कोहली ब्रिगेड न॑ छौ वनडे के सीरीज म॑ ४-१ केरऽ अजेय बढ़त बनाय लेन॑ छै ।

अब॑ शुक्रवार क॑ खेललऽ जाय वाला अंतिम वनडे मैच महज औपचारिकता ही बनी गेलऽ छै । वैसें, जीत के बाद टीम इंडिया केरऽ कप्‍तान विराट कोहली न॑ कहलकै कि हुनकऽ निगाह अब॑ ५-१ केरऽ जीत पर छै ।

भारतीय टीम न॑ पहलऽ बार दक्षिण अफ्रीका म॑ ओकरऽ खिलाफ सीरीज जीत हासिल करन॑ छै ।

Comments are closed.

error: Content is protected !!