टौरांग। भारत न॑ अंडर-19 क्रिकेट विश्वकप चौथऽ बार जिती लेन॑ छै । फाइनल म॑ आस्ट्रेलिया क॑ आठ विकेट स॑ मात द॑ क॑ चैंपियन बनी गेलै ।

ई मैच जितला के बाद भारत क्रिकेट केरऽ अंडर-१९ वर्ल्ड कप में सबसें जादे बार जीतै वाला देश बनी गेलऽ छै ।

जीत के बाद राहुल द्रविड़ न॑ कहलकै, ‘‘टीम केरऽ खिलाडी सिनी न॑ जे मेहनत करल॑ छै ओकरा स॑ हम्म॑ काफी खुश छियै । उम्मीद छै कि ई पल क॑ वू हमेशा याद रखतै, लेकिन साथ ही उम्मीद छै कि ई उनकऽ जीवन में आखिरी याद नै होतै आरू ई तरह के बहुत अच्छा पल उनकऽ जीवन में ऐतै।’’ हुनी कहलकै, ‘‘ह्म॑ केकरो नाम नै लै ल॑ चाहै छियै, लेकिन सहयोगी स्टाफ केरऽ हर शख्स न॑ अपनऽ पूरा मेहनत करलकै । हम्म॑ सब ई बच्चा सब लेली अपनऽ सर्वश्रेष्ठ करलियै ।’’

आस्ट्रेलिया न॑ पहलें बल्लेबाजी करतें हुअ॑ भारत के सामने 217 रनऽ के लक्ष्य रखल॑ छेलै, जेकरा भारत न॑ दू विकेट गवाँय क॑ सलामी बल्लेबाज मनजोत कालरा केरऽ नाबाद १०१ रनऽ के पारी के दम प॑ हासिल करी लेलकै ।

भारतीय टीम केरऽ कप्तान पृथ्वी शॉ न॑ पुरस्कार वितरण समारोह में कहलकै, ‘‘ई जीत केरऽ पूरा श्रेय सहयोगी स्टाफ क॑ जाय छै । पिछला दू साल सें हुनी हमरऽ काफी साथ देल॑ छै । साथ ही टीम केरऽ खिलाड़ी सब क॑ भी श्रेय जाय छै । राहुल सर महान छै ।’’

Comments are closed.

error: Content is protected !!