सुलतानगंज :  बिहार केरऽ भागलपुर जिला के सुल्तानगंज आरू बाथ थाना इलाका म॑ कल अचानक आगिन लगी गेलै । आगिन म॑ १०६ घऽर जली क॑ बरबाद होय गेलै आरू एगो बच्चा जली क॑ मरी गेलै । प्रभात खबर म॑ छपलऽ समाचार के मुताबिक बाथ थाना केरऽ कुमैठा-नवटोलिया गांव म॑ अचानक लगलऽ आगिन म॑ १०० घऽर जली क॑ नष्ट होय गेलै जबकि एगो १८ महीना के बच्चा राजा के झुलसी क॑ मौत होय गेलै । चार अन्य व्यक्ति झुलसी क॑ जख्मी होय गेलऽ छै ।

हिन्न॑ सुल्तानगंज थाना अंतर्गत तिलकपुर गांव में अचानक लगलऽ आग में ६ घऽर जली करी नष्ट होय गेलै ।  बतैलऽ जाय रहलऽ छै कि दूनो अगलगी के घटना भंसा में लगलऽ आग के कारण घटलै आरू आरू एकरा म॑ लाखों रुपया के संपत्ति जली क॑ नष्ट होय गेलऽ छै ।

Comments are closed.