कोलबंस, ओहियो : मेडिकल साइंस न॑ स्नायुविज्ञान (Neurology) केरऽ क्षेत्र मं॑  एगो बड़ऽ आरू अति महत्वपूर्ण सफलता हासिल करन॑ छै. अमेरिका केरऽ एगो प्रयोगशाला मं॑ छोटऽ रकम के मानव मस्तिष्क केरऽ लगभग पूर्ण संस्करण विकसित करलऽ गेलऽ छै. वैज्ञानिकऽ के अनुसार इ प्रयोग सं॑ प्राप्त नतीजा सं॑ मस्तिष्क संबंधी बीमारी के उपचार मं॑ क्रांतिकारी परिवर्तन आबै के संभावना छै.

अमेरिका केरऽ ओहियो स्टेट यूनिवर्सिटी केरऽ प्रोफेसर, रेने आनंद न॑ प्रयोगशाला केरऽ तश्तरी मं॑ एगो पांच सप्ताह केरऽ भ्रूण के परिपक्वता के बराबर के एगो मस्तिष्क उत्पन्न करन॑ छै. ” इ खाली विकासशील मस्तिष्क ऐन्हऽ दिखै ही नै छै बल्कि एकरऽ विविध प्रकार के विकसित होय रहलऽ कोशिका सीनी एकरऽ हर जीन क॑ ऐन्हऽ रूपऽ मं॑ व्यक्त करतं॑ नजर ऐलै मानो इ कोनो सचमुच केरऽ एगो मस्तिष्क ही हुअ॑ ” – इ कहना छै प्रोफेसर,रेने आनंद केरऽ.

ओहियो स्टेट यूनिवर्सिटी के कहना छै कि प्रयोगशाला केरऽ तश्तरी मं॑ पेंसिल केरऽ रबड़ के बराबर विकसित करलऽ गेलऽ इ मस्तिष्क मं॑ मानव केरऽ मूल मस्तिष्क ऐन्हऽ विभिन्न प्रकार केरऽ कोशिका, मस्तिष्क केरऽ प्रमुख क्षेत्र आरू मेरूदंड (Spinal Cord) मौजूद छै. हालाँकि एकरा मं॑ नाड़ी तंत्र केरऽ मौजूदगी के अभाव छै.

प्रयोगशाला मं॑ विकसित करलऽ गेलऽ मानव मस्तिष्क  मानव त्वचा कोशिका सं॑ विकसित करलऽ गेलऽ छै. जेकरा बारे मं॑ दावा करलऽ जाय रहलऽ छै कि इ अभी तलक  केरऽ उगैलऽ गेलऽ आपनऽ तरह के सबसं॑ पहलऽ मस्तिष्क छेकै जे मानव मस्तिष्क केरऽ एतना लगीच छै.

आनंद न॑ बीतलऽ मंगलवार (18 अगस्त, 2015) क॑ फ्लोरिडा मं॑ एक  कार्यक्रम,  2015 मिलिट्री हेल्थ सिस्टम रिसर्च सिमपोजियम मं॑ आपनऽ शोध क॑ प्रस्तुत करलकै.

प्रमुख वैज्ञानिक  खोज क॑ आमतौर पर सार्वजनिक करला के पहिन॑ दावा केरऽ स्वतंत्र रूप सं॑ समीक्षा-पत्रिका मं॑ छापी क॑ मूल्यांकन करलऽ जाय छै.

For  Detailed News please refer to following sources :

1.  https://news.osu.edu/news/2015/08/18/human-brain-model/

2. The Economic Times, Mumbai dated : 20 August 2015

 

angika_samvad_manav_dimag

Tags: , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,

Comments are closed.