निबंध व अनुच्छेद-लेखन (Essay and Paragraph Writing) | अंगिका व्याकरण | Angika Grammar | कुंदन अमिताभ

निबंध व अनुच्छेद-लेखन (Essay and Paragraph Writing)

 

अनुच्छेद लेखन

एकरा म॑ खाली एक ही अनुच्छेद म॑ कोनो विषय सें संबंधित अपनऽ विचारऽ क॑ क्रमबद्ध रूप म॑ लिखै ल॑ होय छै । विषय सें संबंधित प्रमुख बात केरऽ समावेश एक्के अनुच्छेद म॑ होय जाना चाहियऽ ।

निबंध लेखन

ऐन्हऽ रचना जेकरा में कोनो विषय सें संबंधित प्रमुख भाव आरू प्रमुख विचार भल्लऽ तरह सें निबद्ध हुअ॑ ।

निबंध लेखन वस्तुतः अनुच्छेद लेखन केरऽ ही संपूर्ण रूप छेकै । जों भल्लऽ ढंग सें अनुच्छेद लिखै ल॑ आबी जाय त॑ निबंध लेखन भी उत्कृष्ट ढंग सें होय जाय छै ।

अच्छा अनुच्छेद आरू निबंध लिखै के तरीका –

(क) संकेत बिंदु या मुख्य बिंदु केरऽ पहचान व लेखन
(ख) विचार बिंदु केरऽ क्रम निर्धारित करना
(ग) मुख्य विषय स॑ संबद्ध विचार क॑ संकेत बिंदु सब म॑ व्यवस्थित करना
(घ) सरल व सहज भाषा सें बनलऽ वाक्य केरऽ इस्तेमाल करना
(च) छोटऽ – छोटऽ वाक्य केरऽ प्रयोग करना
(छ) मुख्य विषय सें भटकै सें बचना चाहियऽ
(ज) अनावश्यक विस्तार सें बचना चाहियऽ
(झ) विषय विचार केरऽ तार्किक प्रस्तुति
(त) कसावट – व्यक्त भाव, विचार केरऽ निश्चित क्रम केरऽ पालन
(थ) विषयानुकूल व प्रभावशाली भाषा – जरूरत पड़ला प॑ उदाहरण, उद्धरण, लोकोक्ति, मुहावरा, सूक्ति केरऽ प्रयोग

जाहिर छै कि अनुच्छेद या निबंध केरऽ बिषय क॑ केंद्र में रखी क॑ संकेत बिंदु केरऽ पहचान करी लेला के बाद बाँकी काम थोड़ा आसान होय जाय छै ।

संकेत बिंदु केरऽ संक्षिप्त आरू सार रूप में प्रस्तुति अनुच्छेद केरऽ रूप ग्रहण करै छै ।

जबकि संकेत बिंदु केरऽ जों विस्तार करी क॑ लिखलऽ जाय त॑ निबंध बनी जाय छै ।