देवघर : मंत्रालय सं॑ प्राप्त जानकारी अनुसार रांची दूरदर्शन केंद्र सं॑ झारखंड केरऽ विभिन्न भाषा के कार्यक्रम प्रसारित होय छै जेकरा मं॑ जनजातीय भाषा सब के अलावा अंगिका, भोजपुरी आदि भाषा केरऽ कार्यक्रम भी प्रसारित करलऽ जाय छै.

बतैलऽ गेलै कि दूरदर्शन केरऽ स्टूडियो सेंटर देवघर मं॑ स्थापित करै के प्रस्ताव त॑ छै पर 12 वीं योजना मं॑ इ शामिल नै छै. उक्त जानकारी सूचना आरू प्रसारण मंत्री डॉ राज्यवर्धन राठौर केरऽ हवाला सं॑ प्रसार भारती के डायरेक्टर अमित कटोच द्वारा देलऽ गेलै. angika_samvad_FB-News - 102

देवघर मं॑ पूर्व सं॑ प्रस्तावित तीन एफएम चैनल लेली भी जल्दिये प्रसार भारती तरफ सं॑ नीलामी लेली तैयार छै. कोय भी दिन नीलामी केरऽ प्रक्रिया शुरू हुऐ सकै छै. नीलामी होथैं देवघर सं॑ तीन एफएम चैनल केरऽ स्थापना होय जैतै आरू स्थानीय भाषा अंगिका आदि केरऽ कार्यक्रम एफएम केरऽ माध्यम सं॑ प्रसारित करलऽ जाब॑ सकतै.

ऐतने नै प्रसार भारती अब॑ गोड्डा केरऽ 100 वाट केरऽ एफएम रिले सेंटर के क्षमता क॑ बढ़ाय क॑ एक किलोवाट करतै. इ तरह सं॑ गोड्डा केरऽ एफएम स्टेशन उच्च क्षमता वाला एफएम स्टेशन मं॑ तब्दील होय जैतै.

(Source : प्रभात खबर – देवघर संस्करण केरऽ पेजलिंक http://www.prabhatkhabar.com/news/devgarh/story/527198.html पर  आधारित )

Tags: , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,

Comments are closed.