2 months ago
उधाडीह गाँव मँ मनैलौ गेलै शौर्य चक्रधारी अंग गौरव शहीद निलेश कुमार नयन केरौ शहादत दिवस | New in Angika
2 months ago
गिनीज बुक ऑफ वर्ल्ड रिकॉर्ड मँ जग्घौ बनाबै लेली आय 122 भाषा के गाना कार्यक्रम मँ अंगिका मँ भी गैतै पुणे केरौ मंजुश्री ओक | News in Angika
2 months ago
अंगिका भाषा क आठमौ अनुसूची मँ दर्ज कराबै लेली दिसम्बर मँ दिल्ली मँ होय वाला आन्‍दोलन क सफल बनाबै के करलौ गेलै आह्वान | News in Angika
2 months ago
अंगिका आरू हिन्दी केरौ वरिष्ठ कवि व गीतकार, कविरत्न महेन्द्र प्र.”निशाकर” “दिनकर सम्मान” सँ सम्मानित  | News in Angika Angika
3 months ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika

भागलपुर/ गोड्डा : भागलपुर म॑ गंगा किनारे पीरपैंती सें ल॑ करी क॑ गोड्डा केरऽ महगामा तलक फैललऽ पीरपैंती-बाराहाट कोयला परियोजना म॑ २०२० सें उत्पादन शुरू होय जैतै । एकरा लेली कोयला मंत्रालय न॑ ई क्षेत्र म॑ चार कोल ब्लॉक क॑ बीसीसीएल क॑ आवंटित करल॑ छै । ई प्रोजेक्ट सें भागलपुर-बांका केरऽ एक लाख सें अधिक लोगऽ क॑ प्रत्यक्ष व अप्रत्यक्ष रोजगार मिलतै । ई इलाका में आर्थिक समृद्धि ऐतै आरू
पलायन प॑ विराम लगतै ।

धनबाद स॑ भी बड़ऽ होतै पीरपैंती-बाराहाट कोल परियोजना
ललमटिया सें ल॑ करी क॑ गंगा के करगी होतें हुअ॑ बिहार-बंगाल व झारखंड क॑ मिलाय क॑ ई परियोजना एशिया केरऽ सबसें बड़ऽ कोयला खदान होतै । पीरपैंती-बाराहाट प्रोजेक्ट केरऽ क्षेत्र एतना बड़ऽ छै कि ई धनबाद क॑ भी पीछू छोड़ी देतै । केंद्रीय एजेंसी के मुताबिक ई क्षेत्र म॑ १५० साल तलक कोयला निकलतै । इ कोलियरी के शुरू होला के बाद बिहार, झारखंड खास तौर सें संताल आरू बांका, भागलपुर केरऽ पीरपैंती सहित बिहार केरऽ अन्य आसपास केरऽ जिला सें पलायन रुकी जैतै । अंग क्षेत्र के लोगऽ क॑ हुनके क्षेत्र म॑ ही रोजगार मिलतै ।

मिर्जागांव कोल ब्लॉक म॑ शामिल होतै ई गांव
मिर्जागांव म॑ पड़ै वाला भागलपुर केरऽ लक्ष्मीपुर, भौरागंज, चौधरी बासीतपुर, सरमनी, जगदीशपुर, बेलिटीकर, हीरानंद, गोविंदपुर, सादीपुर, बंशीचक, नोटोली, चांदपुर, रफतपुर, सिमानपुर, काजीबारा, बसभीठा, पसाइचक, महादेव टिकर, तोलियाबांध, गोपाल मथुरा, रोशनपुर, पायलपुर, महतोटोला, मिर्जागांव, कमलचक, दौलतपुर, महेशपुर, पंचरूखी, मंसरपुर, सिधारी, हुटाचक, बदलुगंज, नयाटोला, हरदेव चक, बाबूपुर, नावादा, गंगारामपुर, इसीपुर व बारा के नाम शामिल छै ।

भागलपुर-बांका केरऽ ई इलाका होतै शामिल
पीरपैंती-बाराहाट कोल परियोजना म॑ गोड्डा व भागलपुर के हिस्सा शामिल छै । ई प्रोजेक्ट केरऽ विस्तार भागलपुर केरऽ कहलगांव क्षेत्र अंतर्गत मिर्जापुर व बांका केरऽ मंदार पर्वत सें गोड्डा केरऽ बुलिया नॉर्थ तक फैललऽ छै । ई चारऽ कोल ब्लॉकऽ के संचालन भारत कोकिंग कोल लिमिटेड करतै । एकरऽ मुख्यालय बाराहाट होतै । बीसीसीएल द्वारा संचालित मंदार पर्वत कोल ब्लॉक एरिया म॑ मुख्य रूप सें कहलगांव क्षेत्र म॑ पड़ै वाला गांव शामिल छै जेकरा म॑ लगमा, शान, जंगल गोपाली, कहररिया शामिल छै ।

डुलिया नोर्थ कोल ब्लॉक म॑ गोड्डा जिले केरऽ मेहरमा प्रखंड केरऽ बुद्धासन, बाजितपुर, बोरमा, सिंघाडी, हुलुपुर, पहाड़खंड, बनोधा, मेहरमा, कोलबड्डा, सुरनी, नवादा, खिरौंधी व पीरपैंती-बाराहाट शामिल छै । एकरऽ अलावे भागलपुर व गोड्डा के गामऽ म॑ सनोखर, गौरीचक, चौरा, लकड़मारा, कुमारडीह, दरलापुर, जीताचक, चितरशन बेहरा, अमौर, परसा, सिमानपुर, खिरौंधा, खट्टी, महागामा, खिरौधी, सिमरिया, नीमा, डोय, मुरगियाचक, सिंगारपुर, धनकुड़िया, जोकित्ता, कनोचक, भोल्वा सुजान, संतटीकर गांव के नाम शामिल छै ।

(Source: https://www.prabhatkhabar.com/news/bhagalpur/story/1120037.html)

Comments are closed.

error: Content is protected !!