2 months ago
COVID-19 : बाहर सँ लानलौ तरकारी व समान के उपयोग के सुरक्षित तरीका की छेकै ?
3 months ago
अंगिका भाषा क संविधान केरौ ८मो अनुसूची आरू बिहार केरौ दोसरौ राज्यभाषा के श्रेणी मँ शामिल करबाबै ल मुख्यमंत्री, विधि मंत्री सँ माँग
3 months ago
जनगणना मँ अपनौ नामौ सथें मातृभाषा के कॉलम मँ अंगिका जरूर दर्ज करैइयै : अंगिका निवेदन पत्र, नेपाली गीत गोष्ठी
3 months ago
अंगिका क संविधान केरौ ८मो अनुसूची मँ डलबाबै आरू बिहार केरौ दोसरौ राजभाषा के रूपौ मँ मान्यता दिलाबै तलक जारी रहतै संघर्ष – प्रीतम विश्वकर्मा कवियाठ
3 months ago
अंगिका क संविधान केरौ ८ मो अनुसूची मँ आरू बिहार केरौ दोसरौ राज्यभाषा के श्रेणी मँ सूचीबद्ध करबाबै लेली नेपाली गीत-गोष्ठी आयोजित करतै कार्यक्रम

देवघर । पाकिस्तान केरौ बालाकोट आरू पाकिस्तान अधिकृत कश्मीर (POK) क्षेत्र केरौ राजधानी मुजफ्फराबाद आरू चकोटी मँ करलौ गेलौ एयर स्ट्राइक के योजना बनाबै वाला वायुसेना प्रमुख वीरेंद्र सिंह धनौआ केरौ रिश्ता अंगदेश केरौ धरती सँ छै ।

एयर चीफ मार्शल बीरेंद्र सिंह धनोआ

वायुसेना प्रमुख वीरेंद्र सिंह धनोआ केरौ जनम अंगदेश के देवघर मँ होलौ छेलै । हुनकौ जनम के समय देवघर, दुमका जिला केरौ एगो हिस्सा होय छेलै । आरू तखनी झारखंड के स्थापना नै होलौ रहै । हुनी राँची केरौ संत जेवियर्स स्कूल सँ पढ़ाई करनै रहै । हुनकौ बीहा कमलप्रीत सँ होलौ छै आरू हुनका एगो बेटा छै जे कि कानून मँ डिग्री हासिल करनै छै ।

हुनकौ बाबू एस.एस.धनौआ तखनकौ बिहार कैडर केरौ अधिकारी छेलै । हुनी जुलाई १९६४ सँ १९६७ तलक राँची के उपायुक्त रहलौ छेलै । हुनी बिहार केरौ मुख्य सचिव पदौ सँ सेवानिवृत होलौ रहै ।

देश केरौ दुश्मन क तबाह करै ल हुनका आरू सौसे टीम क अंगिका.कॉम के तरफौ सँ लाख-लाख बधाई आरू असंख्य सलाम !

एयर चीफ मार्शल बिरेंद्र सिंह धनोआ , पीवीएसएम, एवीएसएम, वाईएसएम, वीएम, एडीसी भारतीय वायु सेना केरौ 25 वाँ वायुसेना अध्यक्ष छेकै । एयर चीफ मार्शल अरुप राहा के सेवानिवृत्त होला के बाद हुनी 31 दिसंबर 2016 क पद ग्रहण करलकै ।

धनोआ क भारतीय वायु सेना केरौ लड़ाकू दल में जून 1978 में नियुक्त करलौ गेलौ छेलै । हुनी विभिन्न प्रकार के लड़ाकू जेट विमान क उड़ैलै छै । हुनी एगो योग्य उड़ान प्रशिक्षक छेकै । हुनी एचजेटी -16 किरण, मिग -21, एसईपीईसीएटी जगुआर, मिग-29 आरू सुखोई-30 एमकेआई सहित स्पेक्ट्रम में लड़ाकू विमान उड़ैनै छै । हुनी 37 वर्षों में,वायु मुख्यालय में निदेशक लक्ष्यीकरण सेल, निदेशक फाइटर संचालन आरू मुख्यालय पश्चिमी वायु कमान में वायु योजना प्रकोष्ठ,वायु मुख्यालय में सहायक चीफ ऑफ वायु स्टाफ (इंटेलिजेंस), वरिष्ठ वायुसेना स्टाफ के वरिष्ठ अधिकारी सहित कई प्रमुख परिचालन आरू प्रशासनिक नियुक्ति करलकै । साथें दक्षिण पश्चिमी वायु कमान के पूर्वी आरू पश्चिमी वायु कमान आरू वायु अधिकारी कमांडिंग इन चीफ रूपौ मँ डिफेंस सर्विसेज स्टाफ कॉलेज, वेलिंगटन में वरिष्ठ वायु प्रशिक्षक आरू मुख्य वायु प्रशिक्षक के तौर प काम करलकै । हुनी विदेश में भारतीय वायु सेना प्रशिक्षण दल के नेता भी रहै।

1999 में कारगिल युद्ध के दौरान धनोआ ,जमीनी हमला करै वाला, अग्रिम पंक्ति के लड़ाकू स्क्वाड्रन के कमांडिंग ऑफिसर रहै । हुनकौ नेतृत्व में स्क्वाड्रन नँ ऊंचौ इलाका में रात मँ बमबारी केरौ नया तरीका के उपयोग करनै रहै जे कि पहलें कभी नै करलौ गेलौ रहै । हुनकौ स्क्वाड्रन क मुख्यालय डब्ल्यूएसी केरौ सर्वश्रेष्ठ लड़ाकू स्क्वाड्रन केरौ रूप में चुनलौ गेलौ छेलै । हुनका ई संघर्ष में अपनौ वीर कार्यों लेली युद्ध सेवा मेडल (वाईएसएम) आरू वायु सेना मेडल (वीएम) सँ सम्मानित करलौ गेलै । 1 जून 2015 क एयर मार्शल रवि कांत शर्मा, पीवीएसएम, एवीएसएम, वीएम, एडीसी सँ एयर मुख्यालय मँ वायुसेना के वायुसेना के पद संभालला सँ पहलें, हुनी दक्षिण-पश्चिमी वायु कमान के वायु अधिकारी कमांडिंग-इन-चीफ रहै । एयर मार्शल आर. के धीर नँ हुनकौ बाद, दक्षिण पश्चिमी वायु कमान के एओसी-इन-सी के रूप मँ ,पदभार ग्रहण करलकै, 17 दिसंबर 2016 क भारत सरकार नँ एयर मार्शल बिरेन्द्र सिंह धनोआ क भारतीय वायु सेना केरौ अगला अध्यक्ष के रूप में नियुक्त करलकै।

धनोआ क बहुत्ते पदक़ सँ सम्मानित करलौ गेलौ छै : परम विशिष्ट सेवा पदक (2016), अति विशिष्ट सेवा पदक (2015), युद्ध सेवा मेडल (1999), आरू वायु सेना मेडल (1999)। 1 अगस्त, 2015 क भारत के राष्ट्रपति द्वारा हुनका मानद एडीसी भी नियुक्त करलौ गेलौ छेलै ।

(फोटो स्त्रोत – https://www.aviation-defence-universe.com/chief-air-staff-air-chief-marshal-bs-dhanoas-exclusive-interview-adu/)

(जन्म स्थान स्त्रोत- Times of India : https://timesofindia.indiatimes.com/city/ranchi/air-marshal-birender-singh-dhanoa-was-born-in-jharkhand/articleshow/56053965.cms

प्रभात खबर, पटना संस्करण : https://www.prabhatkhabar.com/news/patna/air-strike-planning-air-chief-virendra-singh-dhanoa-bihar-revenge-of-pulwama-attack-indian-air-force-pak-entered-india-mirage-fighter-aircraft-balakot/1255500.html )

Comments are closed.

error: Content is protected !!