पटना : डॉ. नरेश पाण्डेय चकोर केरऽ जन्म दिवस, डॉ. चकोर जयंती समारोह के रूप में आयोजित करी क॑ २ जनवरी-२०१६ क॑ पटना स्थित बिहार हिन्दी साहित्य सम्मेलन में मनैलऽ जैतै । जबकि डॉ. चकोर के याद में स्थापित,  डॉ. चकोर स्मृति अंगिका भाषा-साहित्य संग्रहालय व शोध संस्थान केरऽ उदघाटन समारोह ३ जनवरी २०१६  क॑ हुनकऽ गाँधीनगर, बोरिंग रोड, पटना स्थित आवास पर सम्पन्न होतै ।

ज्ञातव्य छै कि अंगिका आरू हिन्दी केरऽ वरिष्ठ साहित्यकार डॉ. नरेश पाण्डेय चकोर केरऽ जन्म ३ जनवरी १९३८ ई. क॑ होलऽ रहै । हाल में ही बितलऽ १४ नवंबर २०१५ ई. क॑ हुनकऽ हृदय गति रूकी गेला स॑ निधन होय गेलऽ रहै ।

डॉ. चकोर जयंती समारोह २ जनवरी-२०१६ क॑ प्रातः ११ बजे स॑ पटना स्थित बिहार हिन्दी साहित्य सम्मेलन में मनैलऽ जैतै । जेकरा में अंगिका के कुछ किताबऽ के लोकार्पन करलऽ जैतै । साथ में अंगिका के कुछ विद्वानऽ क॑ सम्मानित भी करलऽ जैतै ।

जबकि डॉ. चकोर के याद में स्थापित,  डॉ. चकोर स्मृति अंगिका भाषा-साहित्य संग्रहालय व शोध संस्थान केरऽ उदघाटन समारोह ३ जनवरी २०१६  क॑ दोपहर दू बजे हुनकऽ गाँधीनगर, बोरिंग रोड, पटना स्थित आवास पर सम्पन्न होतै । ज्ञातव्य छै कि डॉ. चकोर के निधन के पश्चात हुनकऽ आवास केरऽ एक हिस्सा क॑ हुनकऽ याद में ‘डॉ. चकोर स्मृति अंगिका भाषा-साहित्य संग्रहालय व शोध संस्थान’ में सब्दील करी देलऽ गेलऽ छै ।

Chakor Museum

Comments are closed.