News

आधार लिंक करै के समय सीमा ३१ मार्च स॑ आगू बढ़ै के संकेत

आधार लिंक करै के समय सीमा ३१ मार्च स॑ आगू बढ़ै के संकेत

नई दिल्लीः केंद्र सरकार न॑ मंगलवार क॑ सुप्रीम कोर्ट म॑ ई तरह के संकेत देल॑ छै कि सरकार केरऽ अनेक सेवा आरू कल्याणकारी योजना केरऽ फायदा उठाबै लेली आधार क॑ अनिवार्य रूप सें लिंक करै के समय सीमा ३१ मार्च स॑ आगू बढ़ैलऽ जाब॑ सकै छै । केंद्र न॑ कहलकै कि आधार मामला में लंबित सुनवाई क॑ पूरा करै लेली तनी टा आरू समय चाहियऽ । इ लेली सरकार समय सीमा क॑ ३१ मार्च सें आगू बढ़ाब॑ सकै छै । चीफ जस्टिस दीपक मिश्रा आरू न्यायमूर्ति ए के सीकरी, न्यायमूर्ति ए एम खानविलकर, न्यायमूर्ति डी वाई चंद्रचूड़ आरू न्यायमूर्ति अशोक भूषण केरऽ पाँच सदस्यीय संविधान पीठ न॑ अटार्नी जनरल के के वेणुगोपाल केरऽ दलील सें सहमति जतैल॑ छै । वेणुगोपाल न॑ कहलकै, ‘‘ हम्म॑ पहलें भी समय सीमा बढ़ैल॑ छियै आरू फेरू स॑ बढ़ैबै लेकिन हम्म॑ महीना के आखिर म॑ ई कर॑ सकै छियै । ताकि मामले म॑ याचिकाकर्ता अपनऽ दलील पूरा कर॑ सक॑ ।… Read More

प्रधानमंत्री न॑ नवी मुंबई एयरपोर्ट केरऽ रखलकै आधारशिला , कहलकै – एविएशन सेक्टर केरऽ विकास देश केरऽ टूरिज्म क॑ नया उँचाई देतै

प्रधानमंत्री न॑ नवी मुंबई एयरपोर्ट केरऽ रखलकै आधारशिला , कहलकै – एविएशन सेक्टर केरऽ विकास देश केरऽ टूरिज्म क॑ नया उँचाई देतै

मुंबई : पीएम नरेंद्र मोदी न॑ आय इतबार क॑ नवी मुंबई एयरपोर्ट के आधारशिला रखलकै । हुनी कहलकै कि विश्व व्यापार के लाभ तब॑ होय छै जब॑ दुनिया सथें जुड़ै लेली विश्व स्तर केरऽ इंफ्रास्ट्रक्चर रह॑ । भारत एगो भाग्यवान देश रहलऽ कि सामूहिक शक्ति क॑ पहचानै वाला पहलऽ राष्ट्रपुरुष छत्रपति शिवाजी महाराज छेलै । पीएम न॑ कहलकै कि एविएशन सेक्टर केरऽ ताकत देश केरऽ टूरिज्म क॑ बल देतै । पीएम न॑ कहलकै कि आय नवी मुंबई म॑ ग्रीन फील्ड एयरपोर्ट बनै ल॑ जाय रहलऽ छै । आजादी के बाद एविएशन सेक्टर केरऽ एतना बड़ऽ ग्रीनफील्ड एयरपोर्ट पहलऽ बार होय रहलऽ छै । पीएम न॑ कहलकै कि एविएशन सेक्टर काफी तेज गति सें आगू बढ़ी रहलऽ छै । आज सें २०-२५ साल पहलें पूरे हिन्दुस्तान के एयरपोर्ट प॑ जेतना ट्रैफिक छेलै, आय ओकरा सें जादा असकल्ले मुंबई एयरपोर्ट प॑ ट्रैफिक छै । आय वक्त ऐसनऽ बदली चुकलऽ छै, जेना आपन॑ बस केरऽ लाइन देखै छेलियै,… Read More

अंगिका सहित २३ भाषा म॑ पायल कश्यप केरऽ निर्देशन म॑ बनतै  बाबधाम (देवघर) प॑ फिल्म

अंगिका सहित २३ भाषा म॑ पायल कश्यप केरऽ निर्देशन म॑ बनतै बाबधाम (देवघर) प॑ फिल्म

बाबाधाम (देवघर) । बाबा वैद्यनाथ केरऽ महिमा प॑ अंगिका भाषा (देवघरिया आरू खोरठा अंगिका) म॑ झारखंड फिल्म टेक्निकल एडवाइजरी कमेटी सदस्य सह फिल्म निर्देशिका पायल कश्यप फिल्म बनाय ल॑ जाय रहलऽ छै । बाबा केरऽ महिमा प॑ आधारित ई फिल्म २३ अलग-अलग भाषा म॑ डब होय क॑ सौंसे भारत म॑ प्रदर्शित होतै । निर्देशक पायल कश्यप केरऽ अनुसार फिल्म केरऽ टाइटल होतै ‘वैद्यनाथधाम – जहां पूरी होती है सबों की मनोकामना’। ई धार्मिक फिल्म क॑ देवघर म॑ बोललऽ जाय वाला देवघरिया अंगिका भाषा म॑ शूट करी क॑ प्रदर्शित करलऽ जैतै । बाद म॑ पूरे भारत म॑ प्रदर्शन लेली एकरा आवश्यकतानुसार २३ भाषा म॑ डब करलऽ जैतै । फिल्म केरऽ टाइटल के बारे म॑ पूछला प॑ पायल के कहना छै कि काम केरऽ सिलसिला म॑ हुनका पश्चिम आरू दक्षिण भारत केरऽ शहरऽ म॑ जाय ल॑ पड़ै छै । जहांकरऽ लोगें वैद्यनाथधाम केरऽ बारे म॑ जानै ल॑ चाहै छै । तभी हम्म॑ निश्चय करलियै कि फिल्म बाबा… Read More

मुख्यमंत्री नीतीश कुमार न॑ करलकै बहुप्रतीक्षित बटेश्वर गंगा पंप नहर प्रोजेक्ट के उद्घाटन

मुख्यमंत्री नीतीश कुमार न॑ करलकै बहुप्रतीक्षित बटेश्वर गंगा पंप नहर प्रोजेक्ट के उद्घाटन

भागलपुर : बिहार केरऽ मुख्यमंत्री नीतीश कुमार न॑ भागलपुर जिला केरऽ कहलगांव म॑ बटेश्वरस्थान गंगा पंप नहर योजना केरऽ गुरुवार क॑ उद्घाटन करलकै । एकरऽ  पहिने पिछला बार १९ सितंबर,२०१७ क॑ उद्घाटन केरऽ ठीक एक दिना पहलें ट्रायल के दौरान ई परियोजना के मुख्य नहर टूट गेला सें एकरऽ उद्घाटन टली गेलऽ छेलै । बाद म॑ एनटीपीसी न॑ अपनऽ चूक मानतें हुअ॑ अपनऽ खर्च प॑ ई काम क॑ पूरा करी परियोजना क॑ उद्घाटन लेली तैयार करी लेन॑ छै । आझकऽ उदघाटन लेली पिछला शनिवार क॑ स्थानीय जनप्रतिनिधि सिनी आरू अधिकारी केरऽ उपस्थिति म॑ ई नहर म॑ अंतिम छोर तलक पानी छोड़ी क॑ ट्रायल लेलऽ गेलै, जेकरऽ बाद उद्घाटन कार्यक्रम क॑ मंजूरी देलऽ गेलै । (Source- https://www.prabhatkhabar.com/news/bhagalpur/bihar-cm-nitish-kumar-inaugurated-bateseshwar-ganga-pump-canal-in-bhagalpur/1123568.html) संबंधित अंगिका समाचार पढ़ऽ / Read similar Angika News :विश्वस्तरीय बिहार संग्रहालय केरऽ कला दीर्घा सब के…सरकारी उपेक्षा केरऽ शिकार बिहार अंगिका अकादमी केरऽ…सरकार केरऽ अनुमति के बगैर ही चली रहलऽ छै तिलकामाँझी…अंगिका क॑ साजिशमुक्त कराय क॑ एकरऽ विकास… Read More

बिहार केरऽ सब्भे जिला म॑ खुलतै कैंसर जांच केंद्र : केंद्रीय स्वास्थ्य मंत्री अश्विनी चौबे

बिहार केरऽ सब्भे जिला म॑ खुलतै कैंसर जांच केंद्र : केंद्रीय स्वास्थ्य मंत्री अश्विनी चौबे

पटना । बिहार केरऽ सभी जिला म॑ कैंसर जांच केन्द्र खुलतै । बुधवार क॑ पटना म॑ केंद्रीय स्वास्थ्य राज्यमंत्री अश्वनी चौबे आरू बिहार केरऽ स्वास्थ्य मंत्री मंगल पांडेय न॑ भाभा आरू टाटा ट्रस्ट के साथ एगो महत्वपूर्ण बैठक करलकै जेकरा म॑ ई फैसला लेलऽ गेलै । अश्विनी चौबे न॑ बतैलकै कि टाटा ट्रस्ट एल-1,एल-2 आरू एल-3 स्तर के तीन केंद्र केरऽ निर्माण करतै । जेकरा म॑ एल-1 म॑ कैंसर अस्पताल, एल-2 म॑ ट्रीटमेंट के साथ रेडिएशन आरू एल-3 म॑ बिहार केरऽ नौ सेंटर म॑ प्राइमरी डिटेक्शन सेंटर बनैलऽ जैतै । ई केंद्रऽ प॑ ब्रेस्ट,माउथ आरू गॉल ब्लाडर के साथ अन्य कैंसर के जांच आरू इलाज के सुविधा होतै । आजकऽ बैठक के बाद टाटा ट्रस्ट आरू भाभा के साथ अगला बैठक म॑ एमओयू प॑ हस्ताक्षर होतै, जेकरा म॑ दूनो संस्था केन्द्र आरू राज्य सरकार के सहयोग सें पीपीपी मोड प॑ कैंसर अस्पताल खोली क॑ यहां के मरीजऽ क॑ अपनऽ सेवा प्रदान करतै । (Source –… Read More

वेलेंटाइन डे केरऽ मस्ती म॑ घऽर स॑ भागलऽ दू बच्चा केरऽ माय आरू चार बच्चा केरऽ बाप क॑ बरामद करी क॑ देलऽ गेलै सुधरै के मौका

वेलेंटाइन डे केरऽ मस्ती म॑ घऽर स॑ भागलऽ दू बच्चा केरऽ माय आरू चार बच्चा केरऽ बाप क॑ बरामद करी क॑ देलऽ गेलै सुधरै के मौका

माल खानपुर । जानकारी के अभाव म॑ पाश्चात्य संस्कृति अपनाय लेला सें ओकरऽ दुष्प्रभाव दूरगामी हुअ॑ सकै छै । वेलेंटाइन डे केरऽ सकारात्मकता ई बात म॑ छै कि हर एक इंसान दोसरऽ इंसान सें दिल सें जुड़लऽ रह॑ आरू एकरऽ इझहार भी करतें रह॑ । ई एगो प्रतीकात्मक पर्व छेकै जे कि पश्छिम केरऽ देशऽ म॑ जादे लोकप्रिय छै । लेकिन जेना-जेना वेलेंटाइन डे लगीच आबै वाला रहै छै यहाँ लोगऽ सिनी के दिल दिमाग प॑ एकरऽ नाकारात्मक असर सें घऽर-परिवार टूटै के कगार प॑ भी पहुँच॑ सकै छै । हाल ही म॑ एकरा सें जुड़लऽ एगो मजेदार घटना भागलपुर केरऽ बाथ थाना क्षेत्र केरऽ खानपुर माल गाँव म॑ घटलै । बाथ थाना क्षेत्र केरऽ खानपुर पंचायत स्थित मालखानपुर गाँव निवासी चार बच्चा केरऽ बाप फंटूश कुमार आरू दू बच्चा केरऽ माय आठ फरवरी क॑ गाँव छोड़ी क॑ भागी गेलै । सोमवार, १२ फरवरी क॑ ग्रामीण न॑ दूनू क॑ शंभूगंज थाना केरऽ केहनीचक सें बरामद… Read More

पांचमा वनडे मैच म॑ दक्षिण अफ्रीका क॑ ७३ रन सें हराय क॑ भारत न॑ करलकै वनडे सीरीज प॑ कब्‍जा, रचलकै इतिहास

पांचमा वनडे मैच म॑ दक्षिण अफ्रीका क॑ ७३ रन सें हराय क॑ भारत न॑ करलकै वनडे सीरीज प॑ कब्‍जा, रचलकै इतिहास

पोर्ट एलिजाबेथ । टीम इंडिया न॑ पोर्ट एलिजाबेथ म॑ खेललऽ गेलऽ पांचमा वनडे मैच म॑ मंगलवार क॑ दक्षिण अफ्रीका क॑ ७३ रन सें हराय क॑ वनडे सीरीज प॑ कब्‍जा करी लेलकै । मैच में पहलें बैटिंग करतें हुअ॑ भारतीय टीम न॑ निर्धारित ५० ओवर म॑ सात विकेट प॑ २७४ रन बनैलकै । जवाब म॑ दक्षिण अफ्रीकी टीम महज २०१ रन प॑ ही ढेर होय गेलै । ई जीत के बाद विराट कोहली ब्रिगेड न॑ छौ वनडे के सीरीज म॑ ४-१ केरऽ अजेय बढ़त बनाय लेन॑ छै । अब॑ शुक्रवार क॑ खेललऽ जाय वाला अंतिम वनडे मैच महज औपचारिकता ही बनी गेलऽ छै । वैसें, जीत के बाद टीम इंडिया केरऽ कप्‍तान विराट कोहली न॑ कहलकै कि हुनकऽ निगाह अब॑ ५-१ केरऽ जीत पर छै । भारतीय टीम न॑ पहलऽ बार दक्षिण अफ्रीका म॑ ओकरऽ खिलाफ सीरीज जीत हासिल करन॑ छै । संबंधित अंगिका समाचार पढ़ऽ / Read similar Angika News :जाह्न्वी अंगिका संस्कृति संस्थान न॑… Read More

बिहार सरकार न॑ अंगिका केरऽ विकास लेली कोय फंड नै देलकै, अंगिका के हक लेली आंदोलन के जरूरत – अध्यक्ष, बिहार अंगिका अकादमी

बिहार सरकार न॑ अंगिका केरऽ विकास लेली कोय फंड नै देलकै, अंगिका के हक लेली आंदोलन के जरूरत – अध्यक्ष, बिहार अंगिका अकादमी

नवगछिया । बिहार अंगिका अकादमी केरऽ अध्यक्ष केरऽ कहना छै कि बिहार सरकार न॑ अकादमी के त॑ गठन करी देलकै लेकिन अकादमी केरऽ गतिविधि क॑ चलाय क॑ अंगिका केरऽ विकास करै ल॑ कोय फंड अखनी ताँय नै देल॑ छै । हुनी कहलकै कि अंगिका क॑ एकरऽ हक देलाय ल॑ आंदोलन के जरूरत छै । गत दू फरवरी क॑ नवगछिया केरऽ जयमंडल टोला परबत्ता म॑ अंगिका दिवस केरऽ अवसर प॑ साहित्य गोष्ठी आरू कवि सम्मेलन केरऽ आयोजन केरऽ अध्यक्षीय भाषण म॑ हुनी अंगिका साहित्यकार, पत्रकार आरू आम जनऽ क॑ संबोधित करी रहलऽ छेलै । अंगिका केरऽ ध्वनि वैज्ञानिक डॉ. रमेश मोहन शर्मा आत्मविश्वास केरऽ नेतृत्व म॑ ई सम्मेलन केरऽ आयोजन भेलै । कार्यक्रम केरऽ अध्यक्षता बिहार अंगिका अकादमी केरऽ अध्यक्ष प्रो. (डॉ.) लखन लाल सिंह आरोही न॑ करलकै । कार्यक्रम केरऽ उद्घाटन अतिथि केरऽ रूप म॑ मौजूद (डॉ.) लखन लाल सिंह आरोही, डॉ. रतन कुमार मंडल, डॉ. छेदी साह, बाबा स्फोटाचार्य, स्वामी आशीषानंद जी महाराज, स्वागताध्यक्ष… Read More

अंगदेश केरऽ एगो आरू योद्धा खगड़िया निवासी किशोर कुमार मुन्ना कश्मीर म॑ होलै शहीद

अंगदेश केरऽ एगो आरू योद्धा खगड़िया निवासी किशोर कुमार मुन्ना कश्मीर म॑ होलै शहीद

गोगरी (खगड़िया) : जम्मू कश्मीर केरऽ पूंछ म॑ बितलऽ चार फरवरी क॑ पाकिस्तानी सेना केरऽ गोलीबारी म॑ घायल इंडियन आर्मी केरऽ जवान किशोर कुमार मुन्ना इतबार क॑ शहीद होय गेलै । हुनकऽ शहादत केरऽ खबर मिलथैं वीर शहीद किशोर कुमार मुन्ना केरऽ गाँव चौथम प्रखंड केरऽ ब्रह्मा गाँव म॑ मातम पसरी गेलै । देश केरऽ नाम जिंदगी कुर्बान करै वाला खगड़िया केरऽ लाल केरऽ शव सोमवार क॑ हुनकऽ गाँव पहुंचलै । २५ बर्षीय शहीद किशोर कुमार मुन्ना केरऽ माय तुलो देवी व पिता नागेश्वर यादव ई सदमा बरदाश्त नै कर॑ पाबी रहलऽ छै । दूनू क॑ इलाज लेली अस्पताल म॑ भर्ती करैलऽ गेलऽ छै । इकलौती बहिन विनीता देवी केरऽ आंखों सें लोर थमी नै रहलऽ छै । चार फरवरी क॑ भोरे-भोर पाकिस्तानी सेना न॑ जम्मू कश्मीर केरऽ पूंछ सेक्टर म॑ गोलीबारी शुरू करी देन॑ रहै । जेकरा म॑ मौका प॑ मौजूद आर्मी जवान किशोर कुमार मुन्ना न॑ पाकिस्तानी सेना क॑ मुंह तोड़ जवाब देतें… Read More

अंगिका, भोजपुरी व मगही शीघ्र बनतै दोसरऽ राजभाषा – रघुवर दास,माननीय मुख्यमंत्री, झारखंड

अंगिका, भोजपुरी व मगही शीघ्र बनतै दोसरऽ राजभाषा – रघुवर दास,माननीय मुख्यमंत्री, झारखंड

राँची । झारखंड राज्य म॑ अंगिका, भोजपुरी आरू मगही क॑ द्वितीय राजभाषा के दर्जा शीघ्र मिलतै । मुख्यमंत्री रघुवर दास न॑ ई संबंध म॑ अधिकारी सिनी क॑ जरूरी निर्देश जारी करन॑ छै । कार्मिक विभाग द्वारा एकरऽ प्रस्ताव तैयार करलऽ जैतै । इस प्रस्ताव क॑ कैबिनेट केरऽ अगला बैठक म॑ पेश करलऽ जाय के उम्मीद छै । अगर ई भाषा क॑ दोसरऽ राजभाषा के दर्ज मिलै छै त॑ बिहार स॑ सटलऽ झारखंड केरऽ कई जिला में रहै वाला लोगऽ क॑ नौकरी सब म॑ फायदा मिलतै ।   जोन भाषा क॑ पहनै सें झारखंड द्वितीय राजभाषा के दर्जा शामिल छै ओकरा म॑ बांग्ला, उर्दू आरू उड़िया शामिल छै । एकरऽ अलावे  नौ जनजातीय भाषा संथाली, मुंडारी, हो, खड़िया, कुरमाली, खोरठा, नागपुरी, पंचपरगनिया और कुड़ुख (उरांव) क॑ भी एकरा म॑ शामिल करलऽ गेलऽ छै । अंगिका भाषा, संथाल परगना क्षेत्र केरऽ देवघर, दुमका, गोड्डा, साहेबगंज आदि इलाका में बोललऽ जाय छै । भोजपुरी मुख्य रूप सें दक्षिणी छोटानागपुर… Read More

error: Content is protected !!