देश-प्रदेश

यू.पी.म॑ वास्कोडिगामा – पटना सुपरफास्ट भेलै बेपटरी, यात्री केरऽ मौत आरू घायल होय के अंदेशा

यू.पी.म॑ वास्कोडिगामा – पटना सुपरफास्ट भेलै बेपटरी, यात्री केरऽ मौत आरू घायल होय के अंदेशा

चित्रकुट । ट्रेन केरऽ बेपटरी होय क॑ दुर्घटना होय जाना अब॑ आम बात होय गेलऽ छै ! यात्रा केरऽ सबसें सुरक्षित मानलऽ जाय वाला साधन अब॑ खतरनाक बनलऽ जाय रहलऽ छै । आय यू.पी.म॑ वास्कोडिगामा – पटना सुपरफास्ट बेपटरी होय गेलै । तीन यात्री केरऽ मौत होय गेलऽ छै आरू नौ घायल होय गेलऽ छै । ट्रेन केरऽ बेपटरी होय के कारण रेलवे ट्रैक केरऽ टूटलऽ होना बतैलऽ जाय रहलऽ छै। जोन घड़ी हादसा होलै, ट्रेन करीब सौ किमी. प्रति घंटा केरऽ रफ्तार सें जंक्शन केरऽ दू नंबर प्लेटफार्म सें गुजरी रहलऽ छेलै । ई सुपरफास्ट ट्रेन केरऽ मानिकपुर जंक्शन में ठहराव नै रहै छै । वास्कोडिगामा-पटना सुपरफास्ट ट्रेन शुक्रवार तड़के सवा चार बजे पाठा केरऽ घनऽ जंगल के बीच सन्नाटा क॑ चीरतें जेन्हैं मानिकपुर जंक्शन में दाखिल होलै, ओकरऽ १३ बोगी पटरी सें उतरी गेलै । रेलवे ट्रैक उखड़ी क॑ प्लेटफार्म प॑ जाय क॑ गिरी गेलै आरू बोगी प्लेटफार्म क॑ तोड़तें ओकरा में फँसी… Read More

बिहार केरऽ झील में जहर मिलाय क॑ ५० साइबेरियन पक्षी क॑ मारै के आशंका

बिहार केरऽ झील में जहर मिलाय क॑ ५० साइबेरियन पक्षी क॑ मारै के आशंका

मोतिहारी । बिहार म॑ बड़ी संख्या में साइबेरियन पक्षी सिनी केरऽ मौत के मामला सामने ऐलऽ छै । पूर्वी चंपारण जिला केरऽ डुमरियाघाट थाना क्षेत्र केरऽ सरोतर झील में एक साथ करीब ५० साइबेरियन पक्षि सब के मौत सें सवाल उठ॑ लगलऽ छै । उधर, पुलिस न॑ मामला केरऽ गंभीरता क॑ देखतें हुअ॑ मामला दर्ज करी क॑ पड़ताल शुरू करी देल॑ छै । पुलिस केरऽ अनुसार केसरिया प्रखंड केरऽ सरोतर गांव में सैंकड़ों एकड़ में फैललऽ सरोतर झील में संदेहास्पद स्थिति में करीब ५० प्रवासी पक्षी सब को मौत होय गेलै । आशंका छै कि झील में कोय जहरीला पदार्थ डाली देलकै, जेकरऽ कारण एतना संख्या में साइबेरियन पक्षी सिनी के मौत एक्के दिन में होय गेलै । एगो लिखित बयान पर ई मामला केरऽ एगो प्राथमिकी डुमरियाघाट थाना में दर्ज करी लेलऽ गेलऽ छै । एकरा में तीन लोगों क॑ नामजद आरोपी बनैलऽ गेलऽ छै । प्राथमिकी में आरोप लगैलऽ गेलऽ छै कि ई… Read More

अंतर्राष्ट्रीय राजगीर महोत्सव केरऽ राज्य स्तरीय कवि सम्मेलन में होतै हिंदी, उर्दू , अंगिका, बज्जिका, भोजपुरी, मैथिली, मगही के कवि सब के समागम

अंतर्राष्ट्रीय राजगीर महोत्सव केरऽ राज्य स्तरीय कवि सम्मेलन में होतै हिंदी, उर्दू , अंगिका, बज्जिका, भोजपुरी, मैथिली, मगही के कवि सब के समागम

राजगीर / पटना। आगामी २५ सें २७ नवंबर तक तीन दिवसीय अंतर्राष्ट्रीय राजगीर महोत्सव मनैलऽ जैतै । अंतर्राष्ट्रीय राजगीर महोत्सव केरऽ राज्य स्तरीय कवि सम्मेलन में हिंदी,अंगिका,बज्जिका,भोजपुरी,मैथिली,मगही,उर्दू के कवि सब के समागम होतै । ई महोत्सव में आबै वाला पर्यटकऽ सब क॑ स्थानीय विरासत व आधुनिकता के झलक देखै ल॑ मिलतै । अतने नै महोत्सव में बिहार केरऽ लोक कला व संस्कृति केरऽ समागम क॑ देखै के मौका पर्यटकऽ सब क॑ मिलतै । पूर्व सें चललऽ आबी रहलऽ परंपरागत ग्राम श्रीमेला, कृषि मेला, दंगल, तांगा सज्जा,तांगा दौड़ प्रतियोगिता केरऽ आयोजन पूर्व सें भी बेहतर तरीका सें आयोजित करलऽ जैतै । एकरऽ अलावे ई वर्ष महोत्सव क॑ यादगार बनाबै लेली कुछ नया आयाम भी जोड़लऽ जैतै । ई बार भी महोत्सव के मुख्य आकर्षण आधुनिक एवं ज्ञानव‌र्द्धक पुस्तकऽ के मेला आरू सांस्कृतिक कार्यक्रम रहतै । महोत्सव में जे सांस्कृतिक कार्यक्रम आयोजित करलऽ जैतै,ओय में देश के ख्याति प्राप्त कलाकार भी कार्यक्रम में शिरकत करतै । राजगीर… Read More

सड़क मार्ग सें पटना सें दिल्ली ११ घंटा में

सड़क मार्ग सें पटना सें दिल्ली ११ घंटा में

पटना : दिल्ली सें पटना तक केरऽ १६ घंटा केरऽ रेल केरऽ सफर तय करी क॑ दिल्ली से पटना या पटना सें दिल्ली पहुँचै केरऽ अखनकऽ ढर्रा में जल्दिये बहुत बड़ऽ बदलाव आबै वाला छै । अब॑ सड़क मार्ग सें ई दूरी क॑ मात्र ११ घंटा में तय करै के तैयारी चली रहलऽ छै । नया दिल्ली, पुरानऽ दिल्ली आरू आनंद विहार रेलवे स्टेशन प॑ बिहार दन्न॑ जाय वाला ट्रेनऽ में ठसाठस भीड़ अक्सर अखबार आरू मीडिया के सुर्खी बनतें रहै छै । ई ट्रेनऽ में सवार होला के बाद भारी भीड़ के सामना करै ल॑ परै छै ।आरू काफी समय भी जाया करै ल॑ परै छै । जरा सोचऽ, अगर आपनें पास अपनऽ गाड़ी छै आरू आपन॑ के १६ सें २४ घंटा के सफर महज ११ घंटा में पूरा हो जाय, त॑ कैसनऽ रहतै ? दिल्ली सें पटना आबै आरू पटना सें दिल्ली जाय वाला के सुविधा लेली सरकारें कुछ एेसने करै ल॑ जाय… Read More

किसान केरऽ आमदनी बढ़ाना ही तेसरऽ कृषि रोड मैप केरऽ मुख्य लक्ष्य

किसान केरऽ आमदनी बढ़ाना ही तेसरऽ कृषि रोड मैप केरऽ मुख्य लक्ष्य

पटना । किसान केरऽ आमदनी बढ़ाना ही तेसरऽ कृषि रोड मैप (2017-2022)केरऽ मुख्य लक्ष्य छेकै । नऽ नवंबर, २०१७ क॑ सम्राट अशोक कॉन्वेंशन केंद्र केरऽ बापू सभागार में तेसरऽ कृषि रोड मैप केरऽ शुभारंभ के अवसर पर नीतिश कुमार बोली रहलऽ छेलै । तेसरऽ कृषि रोड मैप केरऽ कार्यक्रम केरऽ शुभारंभ राष्ट्रपति श्री रामनाथ कोविंद, राज्यपाल श्री सत्यपाल मलिक, मुख्यमंत्री श्री नीतीश कुमार न॑ दीप प्रज्वलित करी क॑ करलकै ।   राष्ट्रपति श्री रामनाथ कोविंद न॑ रिमोट सें तेसरऽ कृषि रोड मैप सहित नऽ कार्यक्रम के उद्घाटन करलकै । कार्यक्रम क॑ संबोधित करतें श्री नीतीश कुमार न॑ कहलकै कि ई बड़ा ही गर्व केरऽ विषय छै कि बिहार केरऽ पूर्व राज्यपाल आय राष्ट्रपति छेकै जे दिल सें बिहारी भी छेकै । राष्ट्रपति बनला के बाद हुनी पहलऽ बार बिहार ऐलऽ छेलै, ई लेली सौंसे बिहारवासियऽ तरफऽ सें हुनकऽ स्वागत करलऽ गेलै । पहला कृषि रोड मैप २००८ ई. में बनलऽ छेलै । ई अवसर प॑… Read More

शराब कानून क॑ ल॑ क॑ पटना हाई कोर्ट केरऽ नीतीश सरकार क॑ झटका

शराब कानून क॑ ल॑ क॑ पटना हाई कोर्ट केरऽ नीतीश सरकार क॑ झटका

पटना। बिहार में नीतीश सरकार केरऽ पूर्ण शराबबंदी क॑ पटना हाईकोर्ट न॑ एक दफा फेरू झटका देतें हुअ॑ शराब अधिनियम के तहत अभियुक्त बनैलऽ गेलऽ लोगऽ क॑ अग्रिम जमानत दै के निर्देश देलऽ गेलऽ छै । अदालत न॑ नया शराब अधिनियम केरऽ धारा ७६(२) क॑ असंवैधानिक करार देल॑ छै । सोमवार क॑ अदालत न॑ ई स्पष्ट करलकै कि शराब अधिनियम के तहत बनैलऽ गेलऽ अभियुक्त क॑ हाईकोर्ट के अलावा निचलऽ अदालत सें भी अग्रिम जमानत देलऽ जैतै । बिहार केरऽ नया शराब कानून २०१६ के धारा ७६(२) के तहत ई प्रावधान करलऽ गेलऽ छेलै कि ऐसनऽ मामला में अग्रिम जमानत प्रदान नै करलऽ जैतै । ई मामला में पटना हाईकोर्ट केरऽ एकलपीठ ने भी नया शराब नीति कानून केरऽ धारा ७६(२) क॑ स्पष्ट करतें हुअ॑ कहल॑ छेलै कि एखरऽ तहत ई प्रावधान करलऽ गेलऽ छेलै कि ऐसनऽ मामला में अग्रिम जमानत प्रदान नै करलऽ जैतै, जब तलक कि न्यायालय द्वारा उक्त धारा क॑ गैर संवैधानिक… Read More

नीतीश कुमार

निजी क्षेत्र में भी आरक्षण लागू करलऽ जाना चाहियऽ – नीतीश कुमार

पटना: बिहार केरऽ मुख्यमंत्री नीतीश कुमार न॑ आय कहलकै कि हुनकऽ व्यक्तिगत राय छै कि निजी क्षेत्र में भी आरक्षण लागू करलऽ जाना चाहियऽ । निजी क्षेत्र में भी आरक्षण लागू करै लेली नीतीश कुमार न॑ राष्ट्रीय स्तर पर बहस करै के जरूरत पर बल देलकै । आरक्षण केरऽ विषय में चर्चा करतें हुअ॑ हुनी कहलकै कि हुनकऽ ई व्यक्गित राय छेकै कि आरक्षण सरकारी ही नै, निजी क्षेत्र में भी देलऽ जाना चाहियऽ । ई मुद्दा पर राष्ट्रीय स्तर पर बहस होना चाहियऽ । महागठबंधन तोड़ी क॑ बीजेपी सथें मिली क॑ सरकार बनाबै प॑ हुनी कहलकै कि जे भी फैसला करलऽ गेलऽ छै वू बिहार केरऽ लोगऽ के भलाय लेली करलऽ गेलऽ छै । यह॑ कारण छै कि हम्में अपनऽ पुरानऽ वाला गठबंधन में फेरू लौटलऽ छियै । धियान दै वाला बात छै कि राजद अध्यक्ष लालू प्रसाद न॑ कुछ दिन पूर्व नीतीश क॑ आरक्षण विरोधी बतैलें छेलै । संबंधित अंगिका समाचार पढ़ऽ /… Read More

नया वाहनऽ सब प॑ फास्ट टैग लगाना अनिवार्य होतै अगला महीना सें

नया वाहनऽ सब प॑ फास्ट टैग लगाना अनिवार्य होतै अगला महीना सें

नई दिल्ली । टॉल प॑ लगै वाला जाम क॑ कम करै ल॑ आरू ट्रैफिक केरऽ कायम रखी क॑ पर्यावरण क॑ नुकसान सें बचाबै वास्तें एक दिसंबर सें नया वाहनऽ सब प॑ फास्ट टैग लगाना अनिवार्य होय जैतै । केंद्र सरकार केरऽ निर्देश प॑ सड़क आरू परिवहन मंत्रालय न॑ ई बारे में अधिसूचना भी जारी करी देल॑ छै । सब वाहन निर्माता आरू डीलर सब लेली अब॑ एक दिसंबर सें ई अनिवार्य होतै कि बेचै सें पहलें ओकरा में फास्ट टैग लगलऽ रह॑ । फास्ट टैग एगो ऐन्हऽ उपकरण छेकै जेकरा म॑ रेडियो फ्रीक्वेंसी आइडेंटिफिकेशन टेक्नोलॉजी केरऽ इस्तेमाल करलऽ जाय छै । फास्ट टैग कोय भी कार या वाहन के विंडस्क्रीन प॑ लगैलऽ जाय छै । फास्ट टैग प्रीपेड या सम्बद्ध बचत खाता सें जुड़लऽ रहै छै । एकरऽ प्रयोग सें कोय भी टॉल प्लाजा प॑ भुगतान लेली रुकलऽ बिना निकलै के अनुमति होय छै । पहलें स॑ खरीदलऽ वाहन सब प॑ लगाबै लेली फास्ट टैग… Read More

केंद्र सरकार केरऽ बड़ऽ एलान – अगला ५ साल म॑ ७ लाख करोड़ रुपया स॑ बनतै ८३६७७ किमी सड़क

केंद्र सरकार केरऽ बड़ऽ एलान – अगला ५ साल म॑ ७ लाख करोड़ रुपया स॑ बनतै ८३६७७ किमी सड़क

नई दिल्ली । केंद्र सरकार न॑ एलान करल॑ छै कि अगला ५ साल म॑ ७ लाख करोड़ रुपया स॑ ८३६७७ किमी सड़क बनैलऽ जैतै । केंद्र सरकार न॑ महत्वाकांक्षी भारतमाला प्रोजेक्ट के तहत ८३ हजार छऽ सौ सतहत्तर किलोमीटर केरऽ राजमार्ग परियोजना केरऽ निर्माण क॑ मंगलवार क॑ मंजूरी द॑ देलकै । कैबिनेट केरऽ बैठक के बाद प्रेस कॉन्फ्रेस करी क॑ वित्तमंत्री अरुण जेटली न॑ ई महत्वाकांक्षी परियोजना के बारे में जानकारी देलकै । ई योजना के तहत अगला पाँच साल म॑ सात लाख करोड़ रुपया खर्च करी क॑ ८३००० किलोमीटर स॑ अधिक राजमार्ग के विकास करलऽ जैतै । सरकार न॑ ई परियोजना क॑ २०२२   तक पूरा करै के लक्ष्य रखलै छै । केंद्र सरकार केरऽ अधिकारी के अनुसार जोन राजमार्ग परियोजना सब क॑ मंजूरी देलऽ गेलऽ छै,ओकरा म॑ आर्थिक गलियारा विकास शामिल छै । एकरऽ मकसद माल ढुलाय म॑ तेजी लाना होतै । एकरऽ साथ ही प्रमुख शहरऽ के बीच तय करलऽ जाबै वाला समय… Read More

पटना संग्रहालय केरऽ होतै विस्तार, करलऽ जैतै राहुल सांकृत्यायन केरऽ पाण्डुलिपि सब केरऽ डिसप्ले

पटना संग्रहालय केरऽ होतै विस्तार, करलऽ जैतै राहुल सांकृत्यायन केरऽ पाण्डुलिपि सब केरऽ डिसप्ले

पटना । मुख्यमंत्री नितीश कुमार न॑ कहल॑ छै कि पटना संग्रहालय म॑ तिब्बत स॑ लानलऽ राहुल सांकृत्यायन केरऽ पाण्डुलिपि सब के डिसप्ले होतै । पटना संग्रहालय म॑ पहलै सें राहुल सांकृत्यायन संग्रह दीर्घा छै, लेकिन जगह के कमी के चलतें हुनकऽ पाण्डुलिपि सब क॑ स्थाई रूप स॑ डिसप्ले नै करलऽ गेलऽ छै । हुनी कहलकै कि पटना संग्रहालय केरऽ विस्तार करलऽ  जैतै । मुख्यमंत्री न॑ कहल॑ छै कि सारनाथ में एक यूनिवर्सिटी छै, उनकऽ साथ चर्चा करलऽ गेलऽ छै कि जे तिब्बत सें लानलऽ राहुल सांकृत्यायन के पाण्डुलिपि सब छै, ओकरऽ डिजिटलाइजेशन करलऽ जाब॑ सकै छै । हुनी कहल॑ छै कि पाण्डुलिपियऽ सब के हिन्दी आरू अंग्रेजी दू भाषा में अनुवाद कराना चाहियऽ ताकि लोगें जान॑ सक॑ कि ई की छेकै । मुख्यमंत्री न॑ कहलकै कि राहुल सांकृत्यायन जी केरऽ पाण्डुलिपियऽ के डिसप्ले करलऽ जैतै । जेकरा लेली पटना संग्रहालय म॑ अब॑ जग्घऽ मिली गेलऽ छै । बिहार केरऽ मुख्यमंत्री नीतीश कुमार न॑ आय पटना संग्रहालय केरऽ… Read More

error: Content is protected !!