2 months ago
उधाडीह गाँव मँ मनैलौ गेलै शौर्य चक्रधारी अंग गौरव शहीद निलेश कुमार नयन केरौ शहादत दिवस | New in Angika
2 months ago
गिनीज बुक ऑफ वर्ल्ड रिकॉर्ड मँ जग्घौ बनाबै लेली आय 122 भाषा के गाना कार्यक्रम मँ अंगिका मँ भी गैतै पुणे केरौ मंजुश्री ओक | News in Angika
2 months ago
अंगिका भाषा क आठमौ अनुसूची मँ दर्ज कराबै लेली दिसम्बर मँ दिल्ली मँ होय वाला आन्‍दोलन क सफल बनाबै के करलौ गेलै आह्वान | News in Angika
3 months ago
अंगिका आरू हिन्दी केरौ वरिष्ठ कवि व गीतकार, कविरत्न महेन्द्र प्र.”निशाकर” “दिनकर सम्मान” सँ सम्मानित  | News in Angika Angika
3 months ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika

देश-प्रदेश

एयर चीफ मार्शल बीरेंद्र सिंह धनोआ

अंगदेश के देवघर छेकै बालाकोट एयर स्ट्राइक के योजना बनाबै वाला वायुसेना प्रमुख वीरेंद्र सिंह धनोआ के जनम स्थली

देवघर । पाकिस्तान केरौ बालाकोट आरू पाकिस्तान अधिकृत कश्मीर (POK) क्षेत्र केरौ राजधानी मुजफ्फराबाद आरू चकोटी मँ करलौ गेलौ एयर स्ट्राइक के योजना बनाबै वाला वायुसेना प्रमुख वीरेंद्र सिंह धनौआ केरौ रिश्ता अंगदेश केरौ धरती सँ छै । वायुसेना प्रमुख वीरेंद्र सिंह धनोआ केरौ जनम अंगदेश के देवघर मँ होलौ छेलै । हुनकौ जनम के समय देवघर, दुमका जिला केरौ एगो हिस्सा होय छेलै । आरू तखनी झारखंड के स्थापना नै होलौ रहै । हुनी राँची केरौ संत जेवियर्स स्कूल सँ पढ़ाई करनै रहै । हुनकौ बीहा कमलप्रीत सँ होलौ छै आरू हुनका एगो बेटा छै जे कि कानून मँ डिग्री हासिल करनै छै । हुनकौ बाबू एस.एस.धनौआ तखनकौ बिहार कैडर केरौ अधिकारी छेलै । हुनी जुलाई १९६४ सँ १९६७ तलक राँची के उपायुक्त रहलौ छेलै । हुनी बिहार केरौ मुख्य सचिव पदौ सँ सेवानिवृत होलौ रहै । देश केरौ दुश्मन क तबाह करै ल हुनका आरू सौसे टीम क अंगिका.कॉम के तरफौ सँ लाख-लाख… Read More

अबकी बार सरंग सें वार, आतंकी कैंपौ प भारत केरौ बमौ के प्रहार ,जैश केरौ ३०० सँ जादा आंतकी ढेर

अबकी बार सरंग सें वार, आतंकी कैंपौ प भारत केरौ बमौ के प्रहार ,जैश केरौ ३०० सँ जादा आंतकी ढेर

नई दिल्ली: भारत नँ पुलवामा में होलौ आतंकी हमला के बदला लेनै छै आरू  एलओसी पार करी क आतंकी कैंपौ क पूरा तरह सें तबाह करी देलै छै । भारतीय वायुसेना (air strike by india) नँ सोमवार क देर रात करीब 3.30 बजे मिराज केरौ 12 फाइटर जेट सें हमला करलकै आरू मुजफ्फराबाद, बालाकोट आरू चकोट में स्थित आतंकी कैंप प बमबारी करी क ओकरौ कैंप क पूरा तरह सें तबाह करी देलकै । भारतीय वायुसेना (indian air force) केरौ ई बड़ौ कार्रवाई पर विदेश सचिव विजय गोखले नँ कहलकै कि 14 फरवरी क जैश ए मोहम्मद नँ सीआरपीएफ प फिदायीन हमला करनै रहै । ई संगठन पाकिस्तान में दू दशक सें सक्रिय छै । पाकिस्तान क उनकौ कैंप के बारे मँ लगातार जानकारी देलौ जैतें रहलौ गेलौ छै लेकिन हुनिये कोय एक्शन नै लेलकै । हमरा सूचना मिललै कि वू देश में आरू फिदायीन हमला करै सकै छै । एकरौ बाद भारत नँ बालाकोट… Read More

अंगिका, कोसली सहित सब्भे ३८ अनुसूचित भाषा केरौ संवैधानिक अधिकार लेली आयोजित भेलै बरगढ़, उड़ीसा में रैली व सभा

अंगिका, कोसली सहित सब्भे ३८ अनुसूचित भाषा केरौ संवैधानिक अधिकार लेली आयोजित भेलै बरगढ़, उड़ीसा में रैली व सभा

बरगढ़ (उड़ीसा), २१ फरवरी,२०१९ । अंतर्राष्ट्रीय मातृभाषा दिवस पर आय भारत भर के सैकड़ों भाषा कार्यकर्ता सिनीं न॑ कोसली क्रियास्थान कमेटी, CLEAR  आरू अखिल भारतीय अंग-अंगिका विकास मंच  केरौ संयुक्त तत्वाधान मँ बरगढ़ में रैली करलकै आरू अंगिका, कोसली सहित सब्भे ३८ अनुसूचित भाषा केरौ संवैधानिक अधिकार के माँग करतें हुऐ समेली मंदिर सें बीजू पटनायक टाउन हॉल तक  मार्च करलकै । बीजू पटनायक टाउन हॉल केरौ बैठक में, संगठन के समन्वयक साकेत श्रीभूषण साहू ने परिचयात्मक भाषण देलकै आरू अतिथि केरौ स्वागत करलकै। सभा केरौ आरंभ मँ उपस्थित जनौ नँ पुलवामा के शहीदौ लेली दू मिनट के मौन रखलकै । तत्पश्चात भाषा कर्मियों नँ मातृ भाषा के रक्षा आरू संरक्षण के शपथ लेलकै । भाषा कार्यकर्ता सिनी नँ उम्मीद जतैलकै कि अंगिका, कोसली सहित सब्भे केंद्र सरकार के अधीन सक्रिय विचार लेली लंबित सब्भे ३८ भाषा सिनी के संविधान केरौ ८ वाँ  अनुसूची में शामिल करलौ जैतै । अंगिका भाषा केरौ साहित्यकार व कार्यकर्ता कुंदन अमिताभ… Read More

प्रधानमंत्रियें  पटना मेट्रो रेल परियोजना समेत, सुलतानगंज, भागलपुर, कटिहार, बेगूसराय,पुर्णिया सब लेली 33,000 करोड़ रुपया के परियोजना के आधारशिला रखलकै आरू उद्घाटन करलकै

प्रधानमंत्रियें पटना मेट्रो रेल परियोजना समेत, सुलतानगंज, भागलपुर, कटिहार, बेगूसराय,पुर्णिया सब लेली 33,000 करोड़ रुपया के परियोजना के आधारशिला रखलकै आरू उद्घाटन करलकै

बेगूसराय/पटना : प्रधानमंत्री नरेंद्र मोदी नँ आय बिहार में पटना मेट्रो रेल परियोजना समेत 33,000 करोड़ रुपया के परियोजना के आधारशिला रखलकै आरू उद्घाटन करलकै । पीएम मोदी नें पटना शहर गैस वितरण परियोजना के उद्घाटन करलकै । प्रधानमंत्री नें बरौनी रिफाइनरी में बरौनी रिफाइनरी विस्तार परियोजना आरू एटीएफ हाइड्रोट्रीटिंग यूनिट (आईएनडीजेईटी) के आधारशिला भी रखलकै । प्रधानमंत्री नरेंद्र मोदी नें अंग देश केरौ बेगूसराय जिला स्थित बरौनी में आयोजित एगो कार्यक्रम में रिमोट के जरिया सें पटना मेट्रो रेल परियोजना के भी नींव रखलकै । नरेंद्र मोदी नें पटना में रीवर फ्रंट डेवलेपमेंट केरौ पहलौ चरण के उद्घाटन करलकै । प्रधानमंत्री नें नमामि गंगे योजना के अन्तर्गत कुल 96.54 किलोमीटर तक के सुलतानगंज, नवगछिया, करमालीचक आरू बाढ़ सीवरेज नेटवर्क आरू सीवरेज ट्रीटमेंट प्लांट के आधारशिला रखलकै । प्रधानमंत्री नें कई एक सेक्टर प रेलवे लाइन के विद्युतीकरण के उद्घाटन भी करलकै आरू रांची-पटना एसी वीकली एक्सप्रेस क हरा झंडा भी देखैलकै । हुनी छपरा… Read More

हमला के पीछू जे भी ताकत छै, गुनहगार छै, ओकरा ओकरौ करनी के सजा जरूर मिलतै – प्रधानमंत्री

हमला के पीछू जे भी ताकत छै, गुनहगार छै, ओकरा ओकरौ करनी के सजा जरूर मिलतै – प्रधानमंत्री

नई दिल्ली ।शहीद जवानौ सभ क श्रद्दांजलि अर्पित करतें प्रधानमंत्री ने आतंकी संगठन सब क आरू ओकरौ सरपरस्त सब क ललकारतें हुए कहलकै कि हुनी बहुत बड़ौ गलती करी चुकलौ छै । प्रधानमंत्रियें देश क भरोसा देतें कहलकै कि हमला के पीछे जे ताकत छै, आरू ई हमला के जे भी गुनहगार छै, ओकरा सब क  ओकरौ करनी के सजा अवश्य मिलतै । ई बीच प्रधानमंत्री नरेंद्र मोदी ने कहलै छै कि सुरक्षा बलौ क आगू के कार्रवाई लेली समय, स्थान व स्वरूप तय करै के पूरा आजादी द देलै छै ।हुन्नें सीआरपीएफ नें कहलै छै कि वू अपनौ ४० जवान सब के शहादत क नै त भूलतै नै ही माफ करतै, बल्कि एकरौ बदला लेतै । पुलवामा घटना के बाद पाकिस्तान सें मोस्ट फेवर्ड नेशन केरौ दर्जा भी छिनी लेलौ गेलौ छै । ई बीच शुक्रवार शाम क शहीद जवान सब के पार्थिव शरीर वायुसेना केरौ विमान सें श्रीनगर सें नई दिल्ली लानलौ गेलै… Read More

कश्मीर म सीआरपीएफ के काफिला प फिदायीन हमला – ४२ जवान शहीद, शहीदौ में अंगदेश केरौ रतन कुमार ठाकुर भी

कश्मीर म सीआरपीएफ के काफिला प फिदायीन हमला – ४२ जवान शहीद, शहीदौ में अंगदेश केरौ रतन कुमार ठाकुर भी

श्रीनगर । कश्मीर म अभी तलक के सबसें बड़ौ आतंकी हमला होलौ छै ।  जम्मू कश्मीर केरौ पुलवामा जिला म गुरूवार १४ फरवरी क जैश-ए-मोहम्मद केरौ आतंकियें, सीआरपीएफ जवानौ के एगो काफिला प फिदायीन हमला करी देलकै । जेकरा में ४२ जवान शहीद भ गेलै ।शहीदौ में अंगदेश केरौ सपूत रतन कुमार ठाकुर भी शामिल छै । जबकि २० सें जादे घायल होलौ छै । हताहत के संख्या बढ़ै के आशंका छै । दू आरपीओ के शहीद होय के भी सूचना छै । ई हमला तबे होलै जबे जबानौ के ७८ गाड़ी केरौ काफिला, जेकरा में २५४७ जवान सवार छेलै, जम्मू सें श्रीनगर दन्नें जाय रहलौ छेलै । हमला केरौ जिम्मेवारी आतंकी संगठन जैश-ए-मोहम्मद न लेनै छै । ई संगठन न फिदायीन हमलावर, आदिल अहमद केरौ तस्वीर भी जारी करनै छै । शहीदौ में बिहार सें दू आरू झारखंड के एक जवान शामिल छै । बिहार केरौ अंगदेश अन्तर्गत भागलपुर जिला के कहलगाँव लगाँकरौ अमडंडा… Read More

दिल्ली सरकार करतै अंगिका अकादमी केरऽ स्थापना

दिल्ली सरकार करतै अंगिका अकादमी केरऽ स्थापना

दिल्ली सरकार अंगिका अकादमी केरऽ स्थापना करतै ।दिल्ली म॑ प्रवास करी रहलऽ अंग क्षेत्र केरऽ लाखों अंगिका भाषी के भाषा अधिकार के सम्मान करतें हुअ॑ हुनकऽ भाषा के नाम अंगिका प॑ अकादमी के गठन करतै ।  उपरोक्त जानकारी मैथिली भोजपुरी अकादमी केरऽ उपाध्यक्ष नीरज पाठक न॑ सोमवार ३ दिसंबर-२०१८ क॑ मुलाकात लेली ऐलऽ अंगिका प्रतिनिधि सिनी क॑ देलकै । मुलाकात करै वाला म॑ साहित्यकार शिवनारायण, अखिल भारतीय अंगिका साहित्य कला मंच केरऽ प्रदेश महासचिव एस.के.प्रोग्रामर, अंग मदद फाउंडेशन केरऽ अध्यक्ष प्रसून लतांत, अंगिका जन-जागरण अभियान केरऽ संयोजक शशिधर मेहता, डॉ. पंकज प्रियम, अंजनी कुमार शर्मा आदि शामिल छेलै । अकादमी केरऽ स्वरूप कैसनऽ होतै एकरा प॑ चर्चा अगला साल अप्रैल म॑ होतै । अंगिका.कॉम केरऽ संस्थापक कुंदन अमिताभ न॑ सबक॑ बधाई देतें कहल॑ छै कि दिल्ली सरकार द्वारा अंगिका अकादमी केरऽ स्थापना के प्रयास म॑ लगलऽ अंग सपूतऽ सब के मेहनत अंगिका के नयऽ भविष्य गढ़तै एकरा म॑ कोय शक नै । संबंधित अंगिका समाचार पढ़ऽ… Read More

बिहार हिन्दी साहित्य सम्मेलन आरू विश्व अंगिका साहित्य सम्मेलन केरऽ अंगिका महोत्सव कल

बिहार हिन्दी साहित्य सम्मेलन आरू विश्व अंगिका साहित्य सम्मेलन केरऽ अंगिका महोत्सव कल

पटना । १७-११-२०१८ । बिहार हिन्दी साहित्य सम्मेलन आरू विश्व अंगिका साहित्य सम्मेलन केरऽ संयुक्त प्रयास स॑ कल १८ नवम्बर क॑ अंगिका आरू हिन्दी केरऽ साहित्यकार पं बुद्धिनाथ झा ‘कैरव’ के जयंती आरू ‘अंगिका महोत्सव’ के आयोजन करलऽ गेलऽ छै । ई एक दिवसीय महोत्सव म॑ अंगिका समेत सब्भे लोक-भाषा में मूल्यवान सृजन लेली दू दर्जन सें अधिक विदुषी आरू विद्वानऽ सिनी क॑ कपिल सिंह मुनि अंग विभूति सम्मान सें अलंकृत करलऽ जैतै । उद्घाटन आरू वैचारिक सत्र के बाद लोक-भाषा कवि-सम्मेलन आयोजित होतै । साहित्य सम्मेलन के अध्यक्ष डॉ. अनिल सुलभ न॑ बतैलकै कि महोत्सव में बिहार केरऽ विभिन्न जिला सें २०० सें अधिक साहित्य-सेवी भाग ल॑ रहलऽ छै । ई अवसर पर कवयित्री सविता देवी के गीत-संग्रह ‘अंगिका लोक गीत’ आरू ‘अबकी मइयाँ ऐंहें ज़रूर’ आऱू ‘ओझा रे टोली के शीतला गे मइयां’ नामक ऑडियो एलबम के लोकार्पण करलऽ जैतै । जेकरा म॑ गायक शक्ति सिंह, प्रियंका मिश्र आरू डॉ. आर. प्रवेश न॑… Read More

सीताकांत महापात्रा समिति द्वारा अनुशंसित अंगिका, भोजपुरी, कोसली समेत ३७ भाषा क॑ अष्टम अनुसूची म॑ तुरंत शामिल कराबै लेली जंतर-मंतर प॑ धरलऽ गेलै धरना

सीताकांत महापात्रा समिति द्वारा अनुशंसित अंगिका, भोजपुरी, कोसली समेत ३७ भाषा क॑ अष्टम अनुसूची म॑ तुरंत शामिल कराबै लेली जंतर-मंतर प॑ धरलऽ गेलै धरना

नई दिल्ली । ५ नवंबर, २०१८  । आय विभिन्न भारतीय भाषा-भाषी समूह केरऽ कार्यकर्ता सब द्वारा जंतर-मंतर प॑  एक दिवसीय धरना धरी क॑ सीताकांत महापात्रा समिति द्वारा अनुशंसित ३७ भाषा क॑ अष्टम अनुसूची म॑ तुरंत शामिल करै के सरकार स॑ आग्रह करलऽ गेलै । देश केरऽ लोकतांत्रिक व्यवस्था म॑ विश्वास रखत॑ हुअ॑ एकात्मक व सामूहिक रूप सें सरकार स॑ माँग करलऽ गेलै  कि बर्ष २००४ म॑ सीताकांत महापात्रा समिति द्वारा अनुशंसित अंगिका, भोजपुरी, कोसली समेत ३७ भाषा क॑ भारतीय संविधान केरऽ अष्टम अनुसूची म॑ तुरंत शामिल करलऽ जाय । पिछला कुछ दशक के दौरान केंद्र सरकार न॑ स्वंय द्वारा गठित विभिन्न समिति सब के सिफारिश प॑ संविधान केरऽ आठमऽ अनुसूची म॑ विभिन्न भारतीय भाषा क॑ शामिल करल॑ छै । हालाँकि, जैन्हऽ कि सरकार के ही कहना छै कि ऐसनऽ करै म॑ कोय भी निश्चित मानक मापदंड केरऽ पालन नै करलऽ गेलऽ छै । भारतबर्ष केरऽ भाषाई विविधता केरऽ जटिलता क॑ समझी करी क॑  भाषा सब क॑… Read More

अटल बिहारी बाजपेयी

अटल युग केरऽ अंत, भारत-रत्न पूर्व प्रधानमंत्री अटल बिहारी वाजपेयी केरऽ निधन

नई दिल्ली । भारत केरऽ पूर्व प्रधानमंत्री अटल बिहारी वाजपेयी केरऽ आय ९४ वर्ष केरऽ आयु में निधन होय गेलै । हुनी आय गुरुवार क॑ साँझ क॑ ५ बजी क॑ ५ मिनट प॑ अंतिम साँस लेलकै । वाजपेयी केरऽ निधन पर सात दिन केरऽ राष्ट्रीय शोक घोषित करलऽ गेलऽ छै । १६ सें २२ अगस्त तलक राष्ट्रीय शोक के घोषणा करलऽ गेलऽ छै । ई दौरान देश केरऽ राष्ट्रीय ध्वज – तिरंगा झुकलऽ रहतै । अटल बिहारी केरऽ अंतिम संस्कार शुक्रवार क॑ पूरा राजकीय सम्मान के साथ ५ बजे करलऽ जैतै । एकरऽ पहले पूर्व प्रधानमंत्री केरऽ पार्थिव शरीर हुनकऽ निवास स्थान पर लोगऽ सिनी के दर्शनार्थ रखलऽ जैतै । पूर्व प्रधानमंत्री क॑ ११ जून क॑ एम्स म॑ भर्ती करलऽ गेलऽ छेलै । जहां पिछला दू दिन सें हुनकऽ तबियत जादा बिगड़ी रहलऽ छेलै । गुरुवार क॑ हुनी शाम ५ बजी क॑ ५ मिनट पर अंतिम सांस लेलकै । पूर्व प्रधानमंत्री भारत-रत्न अटल बिहारी वाजपेयी… Read More

error: Content is protected !!