अंग देश

सरकार प॑ धरोहर केरऽ अनदेखी के आरोप सथ॑ प्रारंभ भेलै  विक्रमशिला महोत्सव

सरकार प॑ धरोहर केरऽ अनदेखी के आरोप सथ॑ प्रारंभ भेलै विक्रमशिला महोत्सव

भागलपुर । हर वर्ष आयोजित होय वाला विक्रमशिला महोत्सव काल सें प्रारंभ होय गेलै । सरकार द्वारा इ आयोजन लेली ३० लाख रुपया देलऽ गेलऽ छै । बिहार सरकार केरऽ पर्यटन विभाग आरू जिला प्रशासन केरऽ सहयोग सें आयोजित ई महोत्सव केरऽ विधिवत उद्घाटन पीरपैंती केरऽ विधायक रामविलास पासवान आरू जिलाधिकारी आदेश तितरमारे,वरीय पुलिस अधीक्षक मनोज कुमार न॑ यहां संयुक्त रूप सें दीप प्रज्वलित करी क॑ करलकै । पीरपैंती केरऽ विधायक रामविलास पासवान न॑ मुख्यमंत्री नीतिश कुमार प॑ आरोप लगैतें हुअ॑ कहलकै कि हुनी विक्रमशिला केरऽ महत्ता क॑ लंबा समय स॑ अनदेखी करी रहलऽ छै । स्थानीय स्तर केरऽ सार्वजनिक प्रतिनिधि सिनी न॑ भी विक्रमशिला केरऽ विकास लेली बाधा डालै ल॑ राज्य सरकार पर आरोप लगैलकै । पीरपैंती प्रखंड केरऽ प्रमुख नूतन देवी न॑ कहलकै कि महज छोटऽ रकम के आयोजन लेली सरकारी निधि केरऽ दुरूपयोग खाली औपचारिकता लेली करलऽ जाय रहलऽ छै जेकरा स॑ आमजनऽ म॑ आक्रोश व्याप्त छै । लोग सिनी विक्रमशिला क॑… Read More

अंगिका कविता कोश केरऽ दू बरस पूरा होला प॑ बौंसी म॑ अंगिका कवि सम्मेलन के होलै आयोजन

अंगिका कविता कोश केरऽ दू बरस पूरा होला प॑ बौंसी म॑ अंगिका कवि सम्मेलन के होलै आयोजन

बौंसी (बाँका) । अंगिका कविता कोश केरऽ दू बरस पूरा होला प॑ बौंसी म॑ अंगिका कवि सम्मेलन केरऽ आयोजन होलै । अंगिका केरऽ साहित्यकार जौरऽ होय क॑ बौंसी म॑ जश्न मनैलकै । अपनऽ संबोधन म॑ रत्नेश्वर चौधरी न॑ कहलकै कि ललित कुमार आरू कविता कोश न॑ अंगिका साहित्य क॑ नया आकाश प्रदान करल॑ छै । हुनी राहुल शिवाय जैसनऽ युवा क॑ अंगिका केरऽ संवाहक कहलकै । मुख्य अतिथि केरऽ रूप म॑ अनिरूद्ध प्रसाद विमल न॑ अंगिका कविता के पाठ करलकै । सुप्रिया सिंह वीणा न॑ गजल सुनैलकै । हीरालाल हरेंद्र न॑ अपनऽ कविता सें सबक॑ हँसी सें सराबोर करी देलकै । सुधीर कुमार प्रोग्रामर, मनीष कुमार गूँज, डॉ. ओम प्रकाश मिश्र, उमाकांत प्रेम, डॉ. प्रदीप प्रभात, प्रकाश सेन प्रीतम, नरेश जनप्रिय, उचितलाल यादव, अनिता मिश्रा आरनि कवि न॑ अपनऽ कविता सें सब कट झूमाय देलकै । कार्यक्रम केरऽ अध्यक्षता कवि अनूप न॑ आरू संचालन सुधीर कुमार प्रोग्रामर न॑ करलकै । कार्यकऽम केरऽ आरंभ दीप प्रज्वलित… Read More

बिहार सरकार न॑ अंगिका केरऽ विकास लेली कोय फंड नै देलकै, अंगिका के हक लेली आंदोलन के जरूरत – अध्यक्ष, बिहार अंगिका अकादमी

बिहार सरकार न॑ अंगिका केरऽ विकास लेली कोय फंड नै देलकै, अंगिका के हक लेली आंदोलन के जरूरत – अध्यक्ष, बिहार अंगिका अकादमी

नवगछिया । बिहार अंगिका अकादमी केरऽ अध्यक्ष केरऽ कहना छै कि बिहार सरकार न॑ अकादमी के त॑ गठन करी देलकै लेकिन अकादमी केरऽ गतिविधि क॑ चलाय क॑ अंगिका केरऽ विकास करै ल॑ कोय फंड अखनी ताँय नै देल॑ छै । हुनी कहलकै कि अंगिका क॑ एकरऽ हक देलाय ल॑ आंदोलन के जरूरत छै । गत दू फरवरी क॑ नवगछिया केरऽ जयमंडल टोला परबत्ता म॑ अंगिका दिवस केरऽ अवसर प॑ साहित्य गोष्ठी आरू कवि सम्मेलन केरऽ आयोजन केरऽ अध्यक्षीय भाषण म॑ हुनी अंगिका साहित्यकार, पत्रकार आरू आम जनऽ क॑ संबोधित करी रहलऽ छेलै । अंगिका केरऽ ध्वनि वैज्ञानिक डॉ. रमेश मोहन शर्मा आत्मविश्वास केरऽ नेतृत्व म॑ ई सम्मेलन केरऽ आयोजन भेलै । [wzslider autoplay=”true”] कार्यक्रम केरऽ अध्यक्षता बिहार अंगिका अकादमी केरऽ अध्यक्ष प्रो. (डॉ.) लखन लाल सिंह आरोही न॑ करलकै । कार्यक्रम केरऽ उद्घाटन अतिथि केरऽ रूप म॑ मौजूद (डॉ.) लखन लाल सिंह आरोही, डॉ. रतन कुमार मंडल, डॉ. छेदी साह, बाबा स्फोटाचार्य, स्वामी आशीषानंद जी… Read More

पीरपैंती-बाराहाट कोयला परियोजना म॑ २०२० सें उत्पादन शुरू होला प॑ अंग क्षेत्र केरऽ एक लाख लोगऽ क॑ मिलतै रोजगार !

पीरपैंती-बाराहाट कोयला परियोजना म॑ २०२० सें उत्पादन शुरू होला प॑ अंग क्षेत्र केरऽ एक लाख लोगऽ क॑ मिलतै रोजगार !

भागलपुर/ गोड्डा : भागलपुर म॑ गंगा किनारे पीरपैंती सें ल॑ करी क॑ गोड्डा केरऽ महगामा तलक फैललऽ पीरपैंती-बाराहाट कोयला परियोजना म॑ २०२० सें उत्पादन शुरू होय जैतै । एकरा लेली कोयला मंत्रालय न॑ ई क्षेत्र म॑ चार कोल ब्लॉक क॑ बीसीसीएल क॑ आवंटित करल॑ छै । ई प्रोजेक्ट सें भागलपुर-बांका केरऽ एक लाख सें अधिक लोगऽ क॑ प्रत्यक्ष व अप्रत्यक्ष रोजगार मिलतै । ई इलाका में आर्थिक समृद्धि ऐतै आरू पलायन प॑ विराम लगतै । धनबाद स॑ भी बड़ऽ होतै पीरपैंती-बाराहाट कोल परियोजना ललमटिया सें ल॑ करी क॑ गंगा के करगी होतें हुअ॑ बिहार-बंगाल व झारखंड क॑ मिलाय क॑ ई परियोजना एशिया केरऽ सबसें बड़ऽ कोयला खदान होतै । पीरपैंती-बाराहाट प्रोजेक्ट केरऽ क्षेत्र एतना बड़ऽ छै कि ई धनबाद क॑ भी पीछू छोड़ी देतै । केंद्रीय एजेंसी के मुताबिक ई क्षेत्र म॑ १५० साल तलक कोयला निकलतै । इ कोलियरी के शुरू होला के बाद बिहार, झारखंड खास तौर सें संताल आरू बांका, भागलपुर केरऽ… Read More

झारखंड म॑ संताली, मुंडारी, हो, अंगिका, कुरमाली भाषा आरनि क॑ भी द्वितीय राजभाषा केरऽ सम्मान देलऽ जाय – झामुमो

झारखंड म॑ संताली, मुंडारी, हो, अंगिका, कुरमाली भाषा आरनि क॑ भी द्वितीय राजभाषा केरऽ सम्मान देलऽ जाय – झामुमो

दुमका :-झामुमो न॑ माँग करल॑ छै कि झारखंड म॑ संताली, मुंडारी, हो, अंगिका, कुरमाली भाषा आरनि क॑ भी द्वितीय राजभाषा केरऽ सम्मान देलऽ जाय । लगातार 39 साल स॑ दू फरवरी क॑ दुमका केरऽ गांधी मैदान में झामुमो तरफऽ सें मनैलऽ जाय वाला झारखंड स्थापना दिवस प॑ इ माँग करलऽ गेलै । झामुमो न॑ ई भी माँग करल॑ छै कि झारखंड क्षेत्र केरऽ सब्भे विद्यालयऽ में संताली आरू मुंडारी, हो, अंगिका, कुरमाली भाषा आरनि के पढ़ाय करैलऽ जाय । झामुमो तरफऽ सें आदिवासी-मूलवासी केरऽ हक-हकूक आरू सम्मान लेली टमाक क॑ भी ई बार भी परंपरागत अंदाज में बजैलऽ गेलै । शुक्रवार क॑ दुमका केरऽ एसपी कालेज सें परंपरागत तरीका सें संताल परगना केरऽ कोना-कोना सें ऐलऽ हजारों के संख्या में जनानी व पुरुष जुलूस केरऽ शक्ल में गांधी मैदान पहुंचलै त॑ गांधी मैदान केरऽ आकार कम पड़ी गेलै लेकिन ई देखी झामुमो केरऽ नेता सिनी काफी उत्साहित रहै । झारखंड मुक्ति मेर्चा केरऽ प्रमुख माँगऽ… Read More

टाटानगर सें भागलपुर सोझे रेल सेवा शुरू होतै – सांसद विद्युतवरण महतो

टाटानगर सें भागलपुर सोझे रेल सेवा शुरू होतै – सांसद विद्युतवरण महतो

जमशेदपुर । सांसद विद्युतवरण महतो न॑ कहल॑ छै कि जल्दिये टाटानगर सें भागलपुर सोझे रेल सेवा शुरू होतै । एकरा लेली प्रयास करलऽ जाय रहलऽ छै । हुनी अंगिका समाज लेली सामुदायिक भवन बनवाबै केरऽ आश्वासन भी देलकै । हुनी पिछला एतबार क॑ नीलडीह पार्क में अंगिका जागृति संघ केरऽ तत्वावधान में आयोजित मिलन समारोह सह वनभोज में लोगऽ क॑ संबोधित करी रहलऽ छेलै । कार्यक्रम केरऽ शुभारंभ मंत्री सरयू राय, पूर्व विधायक अरविंद सिंह न॑ दीप प्रज्ज्वलित करी क॑ करलकै । अतिथि सिनी न॑ समाज केरऽ कैलेंडर भी जारी करलकै । समारोह म॑ लेखक अशोक शुभदर्शी केरऽ लिखलऽ अंगिका किताब “जमीन से जमीर तांय” केरऽ विमोचन करलकै। समारोह म॑ शामिल होय वाला म॑ रहै- सांसद विद्युतवरण महतो, प्रवीण सिंह, मीरा मुंडा, अमरप्रीत सिंह काले, चंद्रगुप्त सिंह, अजय सिंह, रणबीर सिंह, दिनेश कुमार, बिनोद सिंह, लक्ष्मण झा, ललन चौधरी, अध्यक्ष कौशल सिंह, महासचिव शिवशंकर सिंह, संरक्षक रवींद्र झा, बिपिन झा, रमन सिंह, संजीव सिंह, बम… Read More

अंगिका समाज केरऽ वार्षिक वनभोज सह पारिवारिक मिलन समारोह ४ फरवरी क॑

अंगिका समाज केरऽ वार्षिक वनभोज सह पारिवारिक मिलन समारोह ४ फरवरी क॑

आदित्यपुर (जमशेदपुर): अंगिका विकास परिषद सरायकेला खरसावां जिला इकाई केरऽ वार्षिक कैलेंडर केरऽ विमोचन रविवार २१ जनवरी क॑ होलीडे प्लाजा में होलौ । अध्यक्ष प्रवीण सिंह न॑ कहलकै कि अंगिका समाज केरऽ वार्षिक वनभोज सह पारिवारिक मिलन समारोह ४ फरवरी क॑ होतै । जेकरा में निगम चुनाव केरऽ रणनीति तय होतै। प्रवीण सिंह नट कहलकै कि पार्टी केरऽ जग्घऽ प॑ प्रत्याशी क॑ देखी क॑ समर्थन करै पर विचार करलऽ जैतै । समाज में बेहतर छवि व काम करै वाला प्रत्याशी क॑ अंगिका समाज समर्थन दै प॑ विचार करतै । ई मौका पर संयोजक विजय मिश्रा, भोला मिश्रा, रितुरात सिंह, श्रीधर झा, अश्रि्वनि झा, सावन मिश्रा, उमाकांत चौधरी, राजेश कुमार, बबलू शर्मा, लखन लाल यादव के अलावा बड़ी संख्या में परिषद केरऽ सदस्य उपस्थित रहै । वनभोज क॑ ल॑ करी क॑ एक दा फेरू बैठक होतै । (https://www.jagran.com/jharkhand/seraikela-angika-17396427.html प॑ आधारित) संबंधित अंगिका समाचार पढ़ऽ / Read similar Angika News :अंगिका भाषा क॑ संविधान के आठमऽ अनुसूची… Read More

माघी पूर्णिमा पर गंगा तटऽ प॑ स्नान  लेली श्रद्धालुओ के सैलाब उमड़लै

माघी पूर्णिमा पर गंगा तटऽ प॑ स्नान लेली श्रद्धालुओ के सैलाब उमड़लै

भागलपुर : माघी पूर्णिमा केरऽ अवसर पर बुधवार क॑ जिला केरऽ विभिन्न गंगा तटऽ प॑ स्नान करै लेली श्रद्धालुओ के सैलाब उमड़ी गेलै । खासकरी क॑ शहरऽ के बरारी सीढ़ी घाट, पुल घाट, मुसहरी घाट आरनि पर स्नान करै लेली मध्य रात्रि स॑ ही लोगऽ के तांता लगी गेलऽ छेलै । लोगेंसिनी माय गंगा , भगवान सूर्य आरनि देवी-देवता सिनी केरऽ पूजा-अर्चना करलकै । एकरऽ अलावा शहर के विभिन्न मंदिर बूढ़ानाथ, शिव शक्ति मंदिर, भूत नाथ मंदिर, दुग्धेश्वर नाथ, कुपेश्वर नाथ आरनि म॑ पूजा करै लेली श्रद्धालुओ के भीड़ उमड़ी परलै । माघी पूर्णिमा क॑ ल॑ क॑ सुबह १० बजे तलक गंगा घाट मार्ग प॑ श्रद्धालुओ के एतना भीड़ बढ़ी गेलऽ छेलै कि तिलकामांझी चौक, बरारी मार्ग व कचहरी चौक पर जाम के स्थिति बनी गेलऽ रहै । हालांकि पुलिस केरऽ पुख्ता इंतजाम करलऽ गेलऽ छेलै । शहर केरऽ विभिन्न स्थानऽ, नया बाजार में भगवान सत्यनारायण के प्रतिमा स्थापित करी क॑ पूजा करलऽ गेलै ।… Read More

महामहिम राष्ट्रपति श्री रामनाथ कोविंद क॑ लिखलऽ चिट्ठी

अंगिका भाषा क॑ संविधान के आठमऽ अनुसूची म॑ शामिल कराबै लेली राष्ट्रपति क॑ सौंपलऽ गेलै पत्र

नई दिल्ली / सुलतानगंज । अंगिका भाषा क॑ संविधान केरऽ आठमऽ अनुसूची म॑ शामिल कराबै लेली भारत केरऽ राष्ट्रपति क॑ पत्र सौंपलऽ गेलऽ छै । अखिल भारतीय अंगिका साहित्य कला मंच केरऽ प्रदेश महसचिव सुधीर कुमार प्रोग्रामर द्वारा २२ जनवरी क॑ महामहिम राष्ट्रपति श्री रामनाथ कोविंद क॑ सौंपलऽ गेलऽ पत्र म॑ आग्रह करलऽ गेलऽ छै कि करोड़ों लोगऽ के भाषा अंगिका क॑ यथाशीघ्र संविधान केरऽ आठमऽ अनुसूची म॑ शामिल करलऽ जाय ।  राज्यसभा केरऽ माननीय सांसद श्री संजय सिंह क॑ भी पत्र लिखी क॑ अंगिका भाषा क॑ यथाशीघ्र संविधान केरऽ आठमऽ अनुसूची म॑ शामिल करै के आग्रह करलऽ गेलऽ छै । साथ ही दिल्ली केरऽ माननीय मुख्यमंत्री श्री अरविंद केजरीवाल क॑ पत्र लिखी क॑ मंच द्वारा आग्रह करलऽ गेलऽ छै कि दिल्ली सरकार केरऽ मैथिली-भोजपुरी अकादमी म॑ अंगिका केरऽ नाम जोड़ी क॑ एकरऽ नया नामकरण  अंगिका-मैथिली-भोजपुरी अकादमी करलऽ जाय । ई बीच अखिल भारतीय अंगिका साहित्य कला मंच केरऽ प्रदेश महसचिव सुधीर कुमार प्रोग्रामर न॑ गत २१ जनवरी क॑… Read More

अंगिका क॑ साजिशमुक्त कराय क॑ एकरऽ विकास के पथ प्रशस्त करै के आहवान् के साथ संपन्न होलै अंगिका महाकुंभ

अंगिका क॑ साजिशमुक्त कराय क॑ एकरऽ विकास के पथ प्रशस्त करै के आहवान् के साथ संपन्न होलै अंगिका महाकुंभ

गनगनिया । गत ३ दिसंबर, २०१७ ई. क॑ भागलपुर जिला केरऽ सुलतानगंज प्रखंड केरऽ गनगनिया म॑ आयोजित अंगिका काव्य महाकुंभ, अंगिका क॑ साजिशमुक्त कराय क॑ एकरऽ विकास के पथ प्रशस्त करै के आहवान् के साथ सफलतापूर्वक संपन्न भ॑ गेलै । अखिल भारतीय अंगिका साहित्य कला मंच द्वारा आयोजित इ महाकुंभ म॑ देश केरऽ विभिन्न राज्यऽ स॑ ऐलऽ अंगिका केरऽ विद्वान, साहित्यकार आरू कलाकर सिनी न॑ हिस्सा ल॑ क॑ कार्यक्रम क॑ ऐतिहासिक बनाय देलकै ।[wzslider autoplay=”true”] कुल तीन सत्र म॑ संपन्न होलऽ इ महाकुंभ म॑ दर्जन भर अंगिका आरू हिंदी केरऽ किताब केरऽ लोकार्पण करलऽ गेलै । वहीं अंगिका भाषा केरऽ एगो नया पत्रिका, ‘अंग-पतंग’ केरऽ प्रथम अंक केरऽ लोकार्पण भी करलऽ गेलै । प्रथम सत्र म॑ उद्घाटन भाषण, पुस्तक-पत्रिका लोकार्पण व साहित्यकार, कलाकार, पत्रकार आरू कार्यकर्ता सिनी क॑ विभिन्न सम्मान सें सम्मानित करलऽ गेलै । जबकि दोसरऽ सत्र म॑ सांस्कृतिक कार्यक्रम केरऽ आयोजन भेलै । वहीं  कार्यक्रम केरऽ अंतिम सत्र म॑  भव्य अंगिका कवि सम्मेलन केरऽ… Read More

error: Content is protected !!