अंग देश

पालोजोरी में सिखैलऽ गेलै उन्नत खेती आरू जैविक खेती के गुर

पालोजोरी में सिखैलऽ गेलै उन्नत खेती आरू जैविक खेती के गुर

पालोजोरी,गोड्डा : अन्तरराष्ट्रीय स्वयंसेवी संस्था वीएसओ केरऽ वॉलेंटियर आरू नीड्स केरऽ प्रतिनिधि सिनी न॑ पालोजोरी प्रखंड सह अंचल कार्यालय के पास एगो कार्यक्रम के माध्यम सें क्षेत्र केरऽ लोगऽ क॑ जैविक खेती लेली प्रेरित करलकै । ई दौरान वीएसओ यूके आरू इंडिया केरऽ प्रतिनिधि सब न॑ नाटक के माध्यम सें रासायनिक खेती सें होय वाला नुकसान के साथ-साथ जैविक खेती सें होय वाला फायदा सब क॑ बतैलकै । नाटक के माध्यम सें ई भी बतैलऽ गेलै कि जैविक खेती केना आबै वाला दिन में लोगऽ लेली जरूरी होतै । ई भी बतैलऽ गेलै कि आबै वाला दिनऽ में लोगऽ क॑ जैविक खेती दन्न॑ लौटै ल॑ परतै । बतैलऽ गेलै कि जैविक खेती के माध्यम सें किसान कम मेहतन व लागत में ही बेहतर मुनाफा कमाब॑ सकै छै । ई भी कहलऽ गेलै कि जैविक खेती में प्राकृतिक संसाधनऽ के उपयोग करी क॑ खेती करलऽ जाय छै । वहीं कार्यक्रम केरऽ उद्घाटन करतें अंचलाधिकारी पंकज कुमार… Read More

उगत॑ हुअ॑ सूरूज क॑ अर्घ्य अर्पित करै के साथ भेलै छठ महापर्व के समापन

उगत॑ हुअ॑ सूरूज क॑ अर्घ्य अर्पित करै के साथ भेलै छठ महापर्व के समापन

पुर्णिया / दुमका /गोड्डा/ भागलपुर/सुलतानगंज/खगड़िया/बेगूसराय/सुपौल/मधेपुरा । लोक आस्था केरऽ महापर्व छठ केरऽ अंतिम दिन व्रती सिनी न॑ उगतें हुअ॑ सूर्य क॑ अर्घ्य अर्पित करलकै । एकरऽ साथ ही छठ महापर्व के समापन होय गेलै । व्रती सूर्योदय सें पहल॑ ही घाटऽ प॑ पहुंची गेलऽ छेलै । दुमका,गोड्डा,भागलपुर,सुलतानगंज,खगड़िया,बेगूसराय,पुर्णिया,सुपौल,मधेपुरा सहित सौंसे अंग प्रदेश में गंगा, कोसी व अन्य नदी, झील आरू तलाबऽ के घाटऽ प॑ भिनसरे स्नान करी क॑ व्रतियऽ सिनी न॑ भास्कर देव क॑ ऋतु फल, कंद मूल आरू विविध प्रकार के पकवानऽ सें अर्घ्य द॑ क॑ परिवार,समाज,राज्य आरू राष्ट्र के सुखशांति के कामना करलकै। कार्तिक मास शुक्ल पक्ष केरऽ चतुर्थी (नहाय-खाय) स॑ शुरू होलऽ छठ महोत्सव सप्तमी शुक्रवार क॑ उगतें भास्कर देव क॑ अर्घ्य दै के साथ ही संपन्न होय गेलै । भोर के बेला में व्रती महिला सिनी अपनऽ परिवारजनऽ के साथ सूप, मुंजेला आरू डलिया में फल-पकवान ल॑ क॑ छठ माय के गीत गैतें नद्दी-तलाब सब के घाट तक पहुंचलै । जहां कमर… Read More

दंगा केरऽ विभीषिका के प्रति जागरूकता पैदा करै लेली भागलपुर दंगा केरऽ २९ वाँ बरसी प॑ मनैलऽ गेलै पश्चाताप दिवस

दंगा केरऽ विभीषिका के प्रति जागरूकता पैदा करै लेली भागलपुर दंगा केरऽ २९ वाँ बरसी प॑ मनैलऽ गेलै पश्चाताप दिवस

भागलपुर । भागलपुर दंगा केरऽ २९ बर्ष पूरा होला प॑ भागलपुर केरऽ एगो संस्था, सफाली युवा क्लब द्वारा पश्चाताप दिवस मनैलऽ गेलै । दंगा केरऽ विभीषिका के प्रति युवा पीढ़ी म॑ जागरूकता पैदा करै लेली भागलपुर दंगा केरऽ २९ वाँ बरसी प॑ सफाली युवा क्लब द्वारा मनैलऽ गेलऽ पश्चाताप दिवस म॑ प्रबुद्ध जनऽ सब न॑ सांकेतिक उपवास भी रखलकै । डॉ. फारूक अली न॑ कहलकै कि इतिहास भुलला स॑ एकरऽ दोहराबै के प्रवृत्ति रहै छै । युवा पीढ़ी दंगा केरऽ विभीषिका सें अनभिज्ञ छै । हुनी कहलकै कि मानव धर्म सबसें बड़ऽ धर्म छेकै । ई मौका प॑ डॉ. इकबाल अहमद, शमा परवीन, नंद किशोर राय, अजय यादव, महबूब आलम आदि उपस्थित रहै । संबंधित अंगिका समाचार पढ़ऽ / Read similar Angika News :झारखंड म॑ संताली, मुंडारी, हो, अंगिका, कुरमाली भाषा…अंगिका भाषा क॑ संविधान के आठमऽ अनुसूची म॑ शामिल…बिहार अंगिका अकादमी केरऽ उद्देश्य क॑ धरातल प॑ उतारै…सरकार केरऽ अनुमति के बगैर ही चली रहलऽ छै तिलकामाँझी…फऽल… Read More

गंगा  नहाय क॑ घर लौटी रहलऽ ४ महिला केरऽ ट्रेन के चपेट में ऐला सें मौत

गंगा नहाय क॑ घर लौटी रहलऽ ४ महिला केरऽ ट्रेन के चपेट में ऐला सें मौत

धरहरा: गंगा नहाय क॑ घर लौटी रहलऽ ४ महिला केरऽ ट्रेन के चपेट में ऐला सें मौत होय गेलऽ छै । मुंगेर जिला केरऽ धरहरा थाना क्षेत्र केरऽ अदलपुर हाल्ट के पास आय भोरे भागलपुर—दानापुर इंटरसिटी एक्सप्रेस ट्रेन के चपेट में आबी क॑ चार महिला के मौत होय गेलै । एक अन्य महिला घायल बतैलऽ जाय रहलऽ छै । पुलिस अधीक्षक केरऽ अनुसार मरै वाला महिला सब के तत्काल पहचान नै हुअ॑ सकलऽ छै । घायल महिला क॑ इलाज लेली मुंगेर सदर अस्पाताल भेजलऽ गेलऽ छै । बतलैलऽ गेलऽ छै कि ई हादसा सें आक्रोशित स्थानीय लोगऽ न॑ उक्त ट्रेन कट रोकी रखन॑ छै । पुलिस घटनास्थल पर पहुंची गेलऽ छै । ग्रामीणऽ सिनी क॑ समझाय-बुझाय क॑ शवऽ क॑ पटरी स॑ हटाय क॑ ट्रेन क॑ गंतव्य लेली रवाना करै के प्रयास जारी छै । ई हादसा वू समय होलै जब॑ ई महिला सब गंगा स्नान करी क॑ अपनऽ घऽर लौटी रहलऽ छेलै । आशंका छै… Read More

फणीश्वरनाथ रेणु केरऽ कहानी ‘पंचलाइट’ प॑ आधारित फिल्म ‘पंचलैट’ १७ नवंबर क॑ रिलीज होतै

फणीश्वरनाथ रेणु केरऽ कहानी ‘पंचलाइट’ प॑ आधारित फिल्म ‘पंचलैट’ १७ नवंबर क॑ रिलीज होतै

मुंबई । अपनऽ साहित्य म॑ अंगिका भाषा व अंग क्षेत्र केरऽ आंचलिकता के सौंदर्यता व छुअन क॑ बरकरार रखै वाला हिंदी साहित्य केरऽ सुप्रसिद्ध कथाकार फणीश्वरनाथ रेणु केरऽ कालजयी कहानी ‘पंचलाइट’ पर आधारित फिल्म ‘पंचलैट’रिलीज लेली तैयार छै । खबर के अनुसार ई फिल्म आगामी १७ नवंबर,२०१७ क॑ रिलीज होतै । बरसों पहल॑ दूरदर्शन ई ‘पंचलाइट’ कहानी प॑ यह॑ शीर्षक स॑ टेलीफ़िल्म बनाय चुकलऽ छै । रेणु जी केरऽ ‘तीसरी कसम’ के बाद ई हुनकऽ दोसरऽ कहानी छेकै, जेकरा प॑ कोय फिल्म बनी रहलऽ छै । ई फिल्‍म क॑ ल॑ क॑ दर्शक म॑ काफी उत्‍सुकता छै । फिल्म इंडस्ट्री केरऽ चर्चित चेहरा सब एकरा म॑ किरदार निभाय रहलऽ छै । फिल्म दबंग म॑ छोटऽ रकम के किरदार के भूमिका म॑ रहलऽ अमितोष नागपाल नायक व अनुराधा मुखर्जी नायिका के भूमिका म॑ छै । फिल्म केरऽ अधिकांश शूटिंग अंग क्षेत्र केरऽ देवघर व दुमका म॑ होलऽ छै । कईएक धारावाहिक व वृत्तचित्र बनाय चुकलऽ फिल्म केरऽ… Read More

शहीद निलेश नयन केरऽ श्राद्ध कर्म म॑ मुख्यमंत्री नीतीश कुमार केरऽ आबै के कार्यक्रम रद्द !

शहीद निलेश नयन केरऽ श्राद्ध कर्म म॑ मुख्यमंत्री नीतीश कुमार केरऽ आबै के कार्यक्रम रद्द !

 उधाडीह, सुल्तानगंज । शहीद निलेश कुमार नयन केरऽ श्राद्ध कर्म म॑ शामिल होय लेली बिहार केरऽ मुख्यमंत्री नीतीश कुमार अब॑ नै ऐतै । मुख्यमंत्री केरऽ आबै के कार्यक्रम स्थगित होय गेलऽ छै । जम्मू-कश्मीर केरऽ बांदीपोरा म॑ आतंकी सिनी के साथ मुठभेड़ के क्रम म॑ शहीद होलऽ निलेश नयन के परिवार स॑ मिलै ल॑ २१ अक्टूबर क॑ मुख्यमंत्री नीतीश कुमार  उधाडीह गांव आबै वाला छेलै । सुरक्षा केरऽ इंतजाम के सहत एसडीएम, डीएसपी, डीओ सहित जिला केरऽ वरीय आधिकारी सिनी न॑ सभा स्थल केरऽ निरीक्षण भी करी लेल॑ छेलै । लेकिन मुख्यमंत्री केरऽ कार्यक्रम स्थगित होला स॑ उधाडीह गाँव आरू सौसे इलाका के लोगऽ के बीच निराशा व्याप्त होय गेलऽ छै । शहीद केरऽ शव यात्रा के दिन ग्रामीणऽ सिनी के कहना छेलै कि शहीद केरऽ परिवार क॑ सांत्वना दै लेली सीएम क॑ आना चाहियऽ छेलै । प्रखंड विकास पदाधिकारी प्रभात रंजन सरकार केरऽ अनुसार सदर एसडीओ न॑  मौखिक रूप स॑ सीएम केरऽ प्रोग्राम के स्थगित होय… Read More

सुलतानगंज के लगीच करहरिया आरू गनगनियां म॑ आयोजित होतै भव्य अंगिका कवि सम्मेलन

सुलतानगंज के लगीच करहरिया आरू गनगनियां म॑ आयोजित होतै भव्य अंगिका कवि सम्मेलन

सुलतानगंज । आबै वाला अगला कुछ दिना के अंतराल प॑ ‘कविता चली गाँव की ओर’ कार्यक्रम के तहत सुलतानगंज के लगीच स्थित करहरिया आरू गनगनियां म॑ अंगिका कवि गोष्ठी आयोजित करलऽ जैतै । अंगिका केरऽ कवि सुधीर कुमार प्रोग्रामर के अनुसार “कविता चली गाँव की ओर” कार्यक्रम के तहत दिनांक २८ अक्टूबर २०१७, शनिवार क॑ उच्च विद्यालय, करहरिया, केरऽ मैदान म॑ रात्रि ८ बजे स॑ भव्य कवि सम्मलेन के आयोजन म॑ पटना, भागलपुर, बाँका, खगड़िया, बेगूसराय, मुंगेर, कटिहार आरनी के वरीय कवि के आगमन होय रहलऽ छै। सर्वकल्याणी छठ पूजा समिति, करहरिया, सुलतानगंज, भागलपुर द्वारा आयोजित ई प्रांतीय काव्योत्सव म॑ अंगिका केरऽ १८ कवि  भाग लेतै । कार्यक्रम केरऽ आयोजन-अध्यक्ष संजीव कुमार सिंह छेकै । फेरु ३ दिसंबर २०१७ क॑ मध्य विद्यालय गनगनियां, सुल्तानगंज, भागलपुर के प्रांगन म॑ अखिल भारतीय अंगिका साहित्य कला मंच सहित आरू कई मंच के साहित्यकार आरो कला जत्था के साथ विशाल कवि सम्मलेन के आयोजन तय छै । जेकरा म॑… Read More

शहीद निलेश नयन केरऽ श्राद्ध कर्म म॑ शामिल होतै मुख्यमंत्री नीतीश कुमार !

शहीद निलेश नयन केरऽ श्राद्ध कर्म म॑ शामिल होतै मुख्यमंत्री नीतीश कुमार !

 उधाडीह, सुल्तानगंज । खबर छै कि शहीद निलेश कुमार नयन केरऽ श्राद्ध कर्म म॑ बिहार केरऽ मुख्यमंत्री नीतीश कुमार शामिल होतै । जम्मू-कश्मीर केरऽ बांदीपोरा म॑ आतंकी सिनी के साथ मुठभेड़ के क्रम म॑ शहीद होलऽ निलेश नयन के परिवार स॑ मिलै ल॑ २१ अक्टूबर क॑ मुख्यमंत्री नीतीश कुमार  उधाडीह गांव जैतै । सुरक्षा केरऽ इंतजाम के सहत एसडीएम, डीएसपी, डीओ सहित जिला केरऽ वरीय आधिकारी सिनी न॑ सभा स्थल केरऽ निरीक्षण करी लेल॑ छै । जम्मू-कश्मीर केरऽ बांदीपोरा म॑ बुधवार भोरे पाँच बजे आतंकी सिनी के साथ होलऽ मुठभेड़ म॑ वायुसेना केरऽ दू गरुड़ कमांडो कॉर्पोरल निलेश नयन आरू सर्जेंट मिलिंद किशोर शहीद होय गेलऽ रहै । निलेश नयन भागलपुर के सुल्तानगंज प्रखंड के उधाडीह गाँव केरऽ निवासी पिता तरुण कुमार सिंह, माय बुलबुल देवी केरऽ सुपुत्र छेलै । अपनऽ देश म॑ अमन-चैन बनैल॑ रखै लेली शहीद होय वाला अंगदेश केरऽ वीर योद्धा निलेश नयन  केरऽ  आतंकी मुठभेड़ म॑ शहीद होला प॑ अंग देश म॑ सगरे शोक के… Read More

देवघर म॑ दूरदर्शन आरू गोड्डा म॑ आकाशवाणी केरऽ स्टूडियो खुलला स॑ अंगिका व संताली भाषा के कलाकारऽ सिनी क॑ लाभ मिलतै

देवघर म॑ दूरदर्शन आरू गोड्डा म॑ आकाशवाणी केरऽ स्टूडियो खुलला स॑ अंगिका व संताली भाषा के कलाकारऽ सिनी क॑ लाभ मिलतै

देवघर/ गोड्डा: देवघर म॑ दूरदर्शन आरू गोड्डा म॑ आकाशवाणी केरऽ स्टूडियो खुलला स॑ अंगिका व संताली भाषा के कलाकारऽ सिनी क॑ लाभ मिलतै । गोड्डा म॑ १०० किलोवाट के क्षमता वाला आकाशवाणी केंद्र मार्च २०१८ ई. स॑ संचालित हुअ॑ लगतै । एकरऽ स्वीकृति सूचना व प्रसारण मंत्रालय न॑ देल॑ छै । बाद म॑ ई केंद्र के क्षमता बढ़ाय देलऽ जैतै । यहां स॑ विविध भारती केरऽ गीत-संगीत कार्यक्रमऽ के प्रसारण होतै । मंत्रालय न॑ देवघर म॑ एफएम केरऽ प्रसारण केंद्र व दूरदर्शन केरऽ स्टूडियो भी स्थापित करै के फैसला लेन॑ छै । ई संबंध म॑ सूचना व प्रसारण राज्यमंत्री कर्नल राज्यवर्धन राठौर न॑ सांसद निशिकांत दुबे क॑ पत्र के माध्यम स॑ जानकारी देन॑ छै । सांसद न॑ बतैल॑ छै कि देवघर म॑ दूरदर्शन के स्टूडियो खुलला स॑ अंगिका व संताली भाषा के कलाकारऽ सब क॑ लाभ मिलतै । एकरा लेली हुनी मंत्रालय म॑ कत्त॑ बार पत्राचार ककरल॑ रहै । देवघर म॑ दूरदर्शन स्टूडियो के माँग… Read More

अंगिका कविता कोश न॑ आयोजित करलकै पर्यावरण जागरूकता अभियान आरू करलकै अंगिका बाल पुस्तक के वितरण

अंगिका कविता कोश न॑ आयोजित करलकै पर्यावरण जागरूकता अभियान आरू करलकै अंगिका बाल पुस्तक के वितरण

गोदरगाँवा(बेगूसराय) । शनिवार, १४ अक्तूबर, २०१७ क॑ विप्लवी पुस्तकालय गोदरगाँवा म॑ कविता कोश केरऽ तत्वावधान म॑ पर्यावरण संरक्षण आरू स्वच्छता विषय प॑ गोष्ठी सह काव्य पाठ भेलै । कार्यक्रम केरऽ अध्यक्षता शिक्षक रामबहादुर यादव आरो संचालन मनोरंजन विप्लवी न॑ करलकै । मुख्य वक्ता राहुल शिवाय आरो मुख्य अतिथि अमित रंजन भारती रहै । आमीर आलम, राकेश कुमार, अनिमेष कुमार सहित गोदरगांवा हाई स्कूल  के बूतरू  सब न॑ अपनऽ-अपनऽ प्रस्तुति भी देलकै। वक्ता राहुल शिवाय न॑ पर्यावरण स॑ जुड़लऽ समस्या क॑ सामने रखत॑ हुअ॑ कहलकै  कि मनुष्य जब तलक प्रकृति दन्न॑ नै लौटतै तब तलक भूकंप, बूहऽ जेहनऽ समस्या सब ऐथैं रहतै । ओकरऽ बाद अपनऽ कविता के माध्यम स॑ राहुल शिवाय न॑  कहलकै – पैतै हो केना कहऽ अगला पीढ़ी फूल । मनुख विकासऽ लेली रोपै रोज बबूल ।। मनोरंजन विप्लवी न॑ कहलकै कि दिवाली ख़ुशी केरऽ पर्व छिकै एकरा प्रदूषण केरऽ कारण नै बनाबऽ । अमित रंजन जी न॑ कहलकै जब॑ तलक नया पीढ़ी… Read More

error: Content is protected !!