2 months ago
उधाडीह गाँव मँ मनैलौ गेलै शौर्य चक्रधारी अंग गौरव शहीद निलेश कुमार नयन केरौ शहादत दिवस | New in Angika
2 months ago
गिनीज बुक ऑफ वर्ल्ड रिकॉर्ड मँ जग्घौ बनाबै लेली आय 122 भाषा के गाना कार्यक्रम मँ अंगिका मँ भी गैतै पुणे केरौ मंजुश्री ओक | News in Angika
3 months ago
अंगिका भाषा क आठमौ अनुसूची मँ दर्ज कराबै लेली दिसम्बर मँ दिल्ली मँ होय वाला आन्‍दोलन क सफल बनाबै के करलौ गेलै आह्वान | News in Angika
3 months ago
अंगिका आरू हिन्दी केरौ वरिष्ठ कवि व गीतकार, कविरत्न महेन्द्र प्र.”निशाकर” “दिनकर सम्मान” सँ सम्मानित  | News in Angika Angika
3 months ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika

 नई दिल्ली। आय एतवार क॑ मोदी कैबीनेट केरऽ तेसरऽ विस्तार करलऽ गेलै । मंत्रीमंडल केरऽ ई विस्तार म॑ बिहार केरऽ बक्सर स॑ सांसद श्री अश्विनी कुमार चौबे क॑ भी शामिल करलऽ गेलऽ छै । सांसद श्री अश्विनी कुमार चौबे क॑ राष्ट्रपति न॑ केंद्रीय राज्य मंत्री केरऽ रूप मं॑ आय शपथ देलवैलकै ।

माननीय सांसद व केंद्रीय राज्य मंत्री अश्विनी कुमार चौबे

माय सुदेवी देवी, बाबू सहदेव प्रसाद चौधरी केरऽ संतान श्री अश्विनी कुमार चौबे केरऽ जन्म २ जनवरी,१९५३ क॑ बिहार केरऽ भागलपुर शहर मं॑ दरियापुर मोहल्ला मं॑ होलऽ छेलै । हुनी साइंस कॉलेज, पटना स॑ प्राणी शास्त्र म॑ स्नातक (प्रतिष्ठा) के डिग्री हासिल करन॑ छै । बाद मं॑ हुनी  नीता चौबे स॑ परिणय सूत्र मं॑ बँधी गेलै । हुनकऽ दू बेटा छै, जेकरा मं॑ एगो, बिहार केरऽ पिछला विधानसभा चुनाव मं॑ बीजेपी केरऽ उम्मीदवार केरऽ रूप मं॑ खड़ा होलऽ छेलै ।

एगो नम्र दिल व बहुत ही मिलनसार व्यक्तित्व वाला इंसान श्री अश्विनी कुमार चौबे सांस्कृतिक रूप स॑ सजग रही क॑ हमेशा सामाजिक कार्यऽ मं॑ लगलऽ रहै छै । महत्वपूर्ण उपलब्धि केरऽ रूप मं॑ आजकऽ तारीख म॑ ‘घर – घर में हो शौचालय का निर्माण, तभी होगा लाडली बिटिया का कन्यादान’ केरऽ नारा दै के श्रेय श्री चौबे क॑ जाय छै। अखनी तलक हुनी महादलित परिवारऽ लेली ११,००० शौचालय बनबैल॑ छै ।

बर्ष १९६७-६८ ई. मं॑ पटना विश्वविद्यालय छात्र संघ केरऽ अध्यक्ष के तौर पर अपनऽ राजनीतिक कैरियर के शुरूआत करै वाला श्री अश्विनी कुमार चौबे १९७० केरऽ दशक म॑ जेपी आंदोलन म॑ भी सक्रिय रूप स॑ शामिल छेलै । हुनका आपातकाल के दौरान मीसा के तहत हिरासत म॑ भी लेलऽ गेलऽ छेलै । श्री चौबे १९७४ स॑ १९८७ तलक अखिल भारतीय विद्यार्थी परिषद केरऽ राष्ट्रीय कार्यकारिणी के सदस्य रहलै। हुनी केरल म॑ १९७२-७३ म॑ अखिल भारत छात्र नेता सम्मेलन म॑ भी भाग लेन॑ छेलै।

मूल अंगिका भाषी श्री अश्विनी कुमार चौबे बिहार विधानसभा लेली लगातार पांच बार चुनलऽ गेलऽ छेलै आरू  १९९५-२०१४ तलक बिहार विधानसभा केरऽ सदस्य रहलै। बाद मं॑  मई २०१४ ई. केरऽ आम चुनाव म॑ १६ वाँ लोकसभा चुनाव जीती क॑ सांसद बनलै । हुनी बिहार सरकार म॑ आठ साल तलक स्वास्थ्य, शहरी विकास आरू जन स्वास्थ्य अभियांत्रिकी सहित अहम विभागऽ के पदभार संभाली चुकलऽ छै । अखनी हुनी  ऊर्जा प॑ संसद केरऽ प्राक्लन व स्थायी समिति के सदस्य भी छेकै । साथ ही हुनी केंद्रीय रेशम बोर्ड केरऽ भी सदस्य छेकै ।

अंगिका.कॉम परिवार तरफऽ सं॑ हुनका ढेर-ढेर हार्दिक बधाई व मंगलमय शुभकामना ।

Comments are closed.

error: Content is protected !!