1 month ago
उधाडीह गाँव मँ मनैलौ गेलै शौर्य चक्रधारी अंग गौरव शहीद निलेश कुमार नयन केरौ शहादत दिवस | New in Angika
1 month ago
गिनीज बुक ऑफ वर्ल्ड रिकॉर्ड मँ जग्घौ बनाबै लेली आय 122 भाषा के गाना कार्यक्रम मँ अंगिका मँ भी गैतै पुणे केरौ मंजुश्री ओक | News in Angika
2 months ago
अंगिका भाषा क आठमौ अनुसूची मँ दर्ज कराबै लेली दिसम्बर मँ दिल्ली मँ होय वाला आन्‍दोलन क सफल बनाबै के करलौ गेलै आह्वान | News in Angika
2 months ago
अंगिका आरू हिन्दी केरौ वरिष्ठ कवि व गीतकार, कविरत्न महेन्द्र प्र.”निशाकर” “दिनकर सम्मान” सँ सम्मानित  | News in Angika Angika
2 months ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika

पटना : दिल्ली सें पटना तक केरऽ १६ घंटा केरऽ रेल केरऽ सफर तय करी क॑ दिल्ली से पटना या पटना सें दिल्ली पहुँचै केरऽ अखनकऽ ढर्रा में जल्दिये बहुत बड़ऽ बदलाव आबै वाला छै । अब॑ सड़क मार्ग सें ई दूरी क॑ मात्र ११ घंटा में तय करै के तैयारी चली रहलऽ छै ।

नया दिल्ली, पुरानऽ दिल्ली आरू आनंद विहार रेलवे स्टेशन प॑ बिहार दन्न॑ जाय वाला ट्रेनऽ में ठसाठस भीड़ अक्सर अखबार आरू मीडिया के सुर्खी बनतें रहै छै । ई ट्रेनऽ में सवार होला के बाद भारी भीड़ के सामना करै ल॑ परै छै ।आरू काफी समय भी जाया करै ल॑ परै छै । जरा सोचऽ, अगर आपनें पास अपनऽ गाड़ी छै आरू आपन॑ के १६ सें २४ घंटा के सफर महज ११ घंटा में पूरा हो जाय, त॑ कैसनऽ रहतै ?

angika_ang_angika_language

दिल्ली सें पटना आबै आरू पटना सें दिल्ली जाय वाला के सुविधा लेली सरकारें कुछ एेसने करै ल॑ जाय रहलऽ छै । खबर छै कि भाजपा नीत केंद्र, उत्तर प्रदेश आरू बिहार सरकारें एगो एेसनऽ सड़क बनाय ल॑ जाय रहलऽ छै, जेकरा प॑ आपन॑ के गाड़ी एक त॑ फरारी ऐसनऽ फर्राटा भरतै, दोसरऽ ई कि आपन॑ ट्रेन सें सफर करै में लगै वाला सें कम समय में ही पटना सें दिल्ली आरू दिल्ली सें पटना पहुंची जैतै ।

खबर छै कि केंद्र केरऽ पीएम मोदी सरकार, उत्तर प्रदेश में योगी आदित्यनाथ के सरकार आरू बिहार केरऽ नीतीश कुमार के सरकार न॑ मिली क॑ वर्ष २०१९ तलक एगो एेसनऽ सड़क बनाबै के योजना बनैल॑ छै जेकरऽ कुल दूरी ११०० किलाेमीटर होतै आरू एकरा प॑ सफर करै वाला पटना सें दिल्ली महज ११ घंटा में पहुंची जैतै ।

अंग्रेजी अखबार इकोनाॅमिक्स टाइम्स न॑ लिखन॑ छै कि केंद्र, उत्तर प्रदेश आारू बिहार सरकार के आेर सें ई सड़क के निर्माण के योजना रिंग रोड आरू एक्सप्रेस-वे नेटवर्क तथा दिल्ली-मुंबई इंडस्ट्रियल काॅरिडोर के तहत नया आर्थिक काॅरिडोर के निर्माण लेली बनैलऽ गेलऽ छै। बतैलऽ ई भी जाय रहलऽ छै कि फिलहाल, सड़क मार्ग सें दिल्ली सें पटना पहुँचै में कम सें कम १८ घंटा के समय लगै छै, जे उत्तर प्रदेश में आगरा-लखनऊ एक्सप्रेस-वे के निर्माण के पहलें काफी लंबा छेलै । उत्तर प्रदेश में आगरा-लखनऊ एक्सप्रेस-वे के निर्माण कार्य यह॑ साल पूरा करी लेलऽ जैतै ।

गौरतलब छै कि दिल्ली-मुंबई आैद्योगिक काॅरिडोर के तहत ई आर्थिक काॅरिडोर के निर्माण केरऽ लक्ष्य क॑ पूरा करै लेली सरकार तरफ सें चार नया परियोजना तैयार करलऽ गेलऽ छै । सड़क परिवहन व राजमार्ग मंत्रालय न॑ गाजीपुर तलक पहलै सें बनलऽ एक्सप्रेस-वे के साथ जोड़ै वाला परियोजना के काम पूरा करै लेली निविदा आमंत्रित करन॑ छै, जेकरा में करीब ३५० किलोमीटर तलक पूर्वांचल एक्सप्रेस-वे केरऽ निर्माण करलऽ जैतै ।

पटना एक्सप्रेस-वे के साथ जुड़ी क॑ पूर्वांचल एक्सप्रेस-वे देश केरऽ सबसें बड़ऽ सड़क मार्ग होय जैतै । पटना एक्सप्रेस-वे केरऽ निर्माण कार्य भारतीय राष्ट्रीय राजमार्ग प्राधिकरण द्वारा करैलऽ जाय रहलऽ छै । अगला साल के मार्च महीना में पूर्वांचल एक्सप्रेस-वे केरऽ निर्माण कार्य केरऽ शुरुआत होतै । एकरा लेली भूमि अधिग्रहण केरऽ काम करीब-करीब ७७ फीसदी तक पूरा करी लेलऽ गेलऽ छै । ई योजना बनैलऽ जाय रहलऽ छै कि ३० महीना में पूर्वांचल एक्सप्रेस केरऽ निर्माण कार्य पूरा करी लेलऽ जाय ।

सड़क परिवहन एवं राजमार्ग मंत्रालय केरऽ एगो अधिकारी के अनुसार पटना एक्सप्रेस-वे परियोजना के निर्माण करीब २००० करोड़ रुपया के लागत सें करैलऽ जैतै । हुनी बतैलकै कि यदि बिहार सरकार जमीन उपलब्ध कराय दै छै , त॑ पूर्वांचल एक्सप्रेस-वे के विस्तार केरऽ उम्मीद छै ।

Comments are closed.

error: Content is protected !!