2 months ago
उधाडीह गाँव मँ मनैलौ गेलै शौर्य चक्रधारी अंग गौरव शहीद निलेश कुमार नयन केरौ शहादत दिवस | New in Angika
2 months ago
गिनीज बुक ऑफ वर्ल्ड रिकॉर्ड मँ जग्घौ बनाबै लेली आय 122 भाषा के गाना कार्यक्रम मँ अंगिका मँ भी गैतै पुणे केरौ मंजुश्री ओक | News in Angika
2 months ago
अंगिका भाषा क आठमौ अनुसूची मँ दर्ज कराबै लेली दिसम्बर मँ दिल्ली मँ होय वाला आन्‍दोलन क सफल बनाबै के करलौ गेलै आह्वान | News in Angika
2 months ago
अंगिका आरू हिन्दी केरौ वरिष्ठ कवि व गीतकार, कविरत्न महेन्द्र प्र.”निशाकर” “दिनकर सम्मान” सँ सम्मानित  | News in Angika Angika
3 months ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika

पटना : बिहार संग्रहालय हलाँकि अभी पूरा बनी क॑ तैयार नै होलऽ छै, कुछ काम बचलऽ छै पूरा होय ल॑, लेकिन एकरऽ कला दीर्घा सब के उद्घाटन दू अक्तूबर क॑ मुख्यमंत्री नीतीश कुमार के हाथों होलै ।

मुख्यमंत्री नीतीश कुमार न॑ कहलकै  कि बहुत तरह के विरोध के बावजूद पूरा भव्यता के साथ बिहार संग्रहालय बनी क॑ तैयार होय गेलै । ई ल॑ क॑ पटना हाईकोर्ट म॑ कईएक जनहित याचिकाएं (पीआईएल) दायर करलऽ गेलऽ रहै । कोर्ट म॑ ई कहलऽ गेलै कि एकरा प॑ फिजूल पैसा खर्च होय रहलऽ छै ।कोर्ट न॑ एकरा ल॑ क॑ कईएक दिशा-निर्देश देल॑ छेलै ।

ang_angika_विश्वस्तरीय बिहार संग्रहालय केरऽ उदघाटन करत॑ बिहार केरऽ मुख्यमंत्री नीतिश कुमार
विश्वस्तरीय बिहार संग्रहालय केरऽ लोकार्पण – उदघाटन करत॑ बिहार केरऽ मुख्यमंत्री नीतिश कुमार

मुख्यमंत्री नीतीश कुमार न॑ कहलकै  कि ई इतना सुंदर बनलऽ छै कि एकरा देखै वाला एकरऽ विरोध करना भूली जैतै । कुछ अधुरा काम पूरा होथैं कोर्ट केरऽ दिशा-निर्देश क॑ कहीं टगबैबै, जेकरा देखी क॑ लोग जान॑ सकत॑ कि एकरा बनवाबै म॑ केतना परेशानी झेल॑ ल॑  पड़लै ।

मुख्यमंत्री  न॑ कहलकै  कि साल २०१३ म॑ जब॑ एकरऽ निर्माण शुरू होलऽ रहै तब॑ स॑ बहुत सारा अड़चन ऐलै । प्रदेश केरऽ इतिहास व कला ही अपनऽ पूंजी छेकै । एकरा जानला के बाद ही सुनहलऽ भविष्य के बारे म॑ काम करलऽ जाब॑ सकै छै। अपना सब क॑ विरासत म॑ जे चीज मिललऽ छै, ओकरा सहेजै लेली उच्च तकनीकी क्षमता वाला एगो संग्रहालय के आवश्यकता छेलै ।

angika_ang_nitish_kumar_3-10-2017_museum_gallery3
विश्वस्तरीय बिहार संग्रहालय केरऽ लोकार्पण – उदघाटन अवसर प॑ दीदारगंज यक्षी केरऽ अवलोकन करत॑ बिहार केरऽ मुख्यमंत्री नीतिश कुमार

हुनी कहलकै कि ई विश्वस्तरीय संग्रहालय छेकै । जेकरा बनवाबै म॑ करीब ५१७ करोड़ रुपया खर्च होलऽ छै ।  यहां देश-विदेश केरऽ लोग ऐतै जेकरा स॑  पर्यटन के विकास होतै । एकरा बनाबै लेली  अंतरराष्ट्रीय ख्याति प्राप्त लोगऽ स॑ सलाह लेलऽ गेलै । कनाडा के टीम केरऽ चयन करलऽ गेलै । हिनी सब न॑ संग्रहालय निर्माण म॑ महत्वपूर्ण भूमिका निभैलकै । एक ज्यूरी बनैलऽ गेलै जे मॉडल के चयन करलकै ।

angika_ang_nitish_kumar_3-10-2017_museum_gallery२
विश्वस्तरीय बिहार संग्रहालय केरऽ लोकार्पण – उदघाटन अवसर प॑ जौरऽ होलऽ गणमान्य क॑ संबोधित करत॑ बिहार केरऽ मुख्यमंत्री नीतिश कुमार

कार्यक्रम म॑ हाईकोर्ट केरऽ जज केके मंडल, उपमुख्यमंत्री सुशील कुमार मोदी, कला संस्कृति व युवा विभाग के मंत्री कृष्ण कुमार ऋषि, शिक्षा मंत्री कृष्णनंदन प्रसाद वर्मा, भवन निर्माण मंत्री महेश्वर हजारी, ग्रामीण विकास मंत्री श्रवण कुमार, विधायक श्याम रजक आरू विधान पार्षद राम वचन राय सहित वरिष्ठ अधिकारी मौजूद छेलै ।

ई विश्वस्तरीय संग्रहालय केरऽ लोकार्पण लेली माननीय मुख्यमंत्री निश्चित ही बधाई केरऽ हकदार छै । अंग आरू अंगिका क॑ भी विश्वस्तरीय बिहार संग्रहालय केरऽ कला दीर्घा सब म॑ जगह मिलतै ऐन्हऽ सौसे अंगवासी के अपेक्षा छै । माननीय मुख्यमंत्री नीतीश कुमार स॑ आग्रह छै कि हुनी ई संबंधी दिशा निर्देश संबंधित अधिकारियऽ क॑ द॑ देतै ।

Comments are closed.

error: Content is protected !!