सिमरिया । बरौनी के लगीच सिमरिया म॑ छो अक्तूबर स॑ शुरू होय वाला राजकीय कल्पवास मेला क॑ ल॑ क॑ सिमरिया घाट म॑ विभिन्न खालसा के संत-महात्मा सब के पहुंचना शुरू होय गेलऽ छै ।

मां गंगा सेवा समिति के अनुसार अखनी तलक नित्यानंद सेवा खालसा के लाडली दास, उड़ीसा खालसा के गजाधर दास, राम निहोरा सेवा शिविर के बौआ हनुमान, नवादा आश्रम के सूर्यकांत दास सिमरिया घाट पहुंची चुकलऽ छै । ओकरा सब क॑ जिला प्रशासन तरफऽ स॑ जग्घऽ आवंटित करी देलऽ गेलऽ छै । आवंटित जग्घऽ प॑ खालसा द्वारा अपनऽ सुविधानुसार पंडाल आरू छोटऽ-छोटऽ कुटिया के निर्माण कार्य शुरू करी देलऽ गेलऽ छै । एकरऽ अलावे कल्पवास क्षेत्र म॑ पीएचइडी विभाग द्वारा चापाकल लगाबै के काम चालू छै । वहीं क्षतिग्रस्त स्थाई शौचालय केरऽ मरम्मत आरू अस्थायी शौचालय केरऽ सीट केरऽ निर्माण के प्रगति प॑ छै ।

Comments are closed.

error: Content is protected !!