मुंबई :टी.वी. प॑ प्रसारित होय रहलऽ कुछ खबरऽ के अनुसार अमिताभ बच्चन केरऽ शो ‘कौन बनेगा करोड़पति’ सीजन ९ केरऽ पहलऽ करोड़पति झारखंड स॑ होतै । मीडिया रिपोर्ट सब म॑ दावा करलऽ जाय रहलऽ छै कि जमेशेदपुर केरऽ रहै वाली अनामिका मजूमदार ई सीजन केरऽ पहलऽ करोड़पति बनलऽ छै ।

मीडिया रिपोर्ट के मुताबिक अनामिका केरऽ करोड़पति बनै वाला एपिसोड के शूटिंग पूरा होय चुकलऽ छै । रिपोर्ट म॑ आगू बतैलऽ गेलऽ छै कि अनामिका ७ करोड़ रुपया के सवाल तलक पहुंची गेलऽ छेलै, लेकिन हुनी रिस्क नै लेत॑ हुअ॑ १ करोड़ रुपया जीती क॑ अपनऽ खेल खत्म करना ठीक समझलकै ।

अनामिका स॑ पहल॑ ई सीजन म॑ अब तलक कोय भी कंटेस्टेंट १ करोड़ रुपया नै जीत॑ सकल॑ छै । एकरऽ पहल॑ बीरेश चौधरी नाम केरऽ शख्स १ करोड़ रुपया के सवाल तलक पहुंचै म॑ कामयाब होलऽ रहै, लेकिन वू सवाल केरऽ जवाब नै जानला के कारण हुनी ५० लाख रुपया जीती क॑ खेल छोड़ी देन॑ छेलै ।

Comments are closed.

error: Content is protected !!