देवघर/ गोड्डा: देवघर म॑ दूरदर्शन आरू गोड्डा म॑ आकाशवाणी केरऽ स्टूडियो खुलला स॑ अंगिका व संताली भाषा के कलाकारऽ सिनी क॑ लाभ मिलतै ।

गोड्डा म॑ १०० किलोवाट के क्षमता वाला आकाशवाणी केंद्र मार्च २०१८ ई. स॑ संचालित हुअ॑ लगतै । एकरऽ स्वीकृति सूचना व प्रसारण मंत्रालय न॑ देल॑ छै । बाद म॑ ई केंद्र के क्षमता बढ़ाय देलऽ जैतै । यहां स॑ विविध भारती केरऽ गीत-संगीत कार्यक्रमऽ के प्रसारण होतै ।

मंत्रालय न॑ देवघर म॑ एफएम केरऽ प्रसारण केंद्र व दूरदर्शन केरऽ स्टूडियो भी स्थापित करै के फैसला लेन॑ छै ।

angika-deoghar-godda-nishikant-dubey

ई संबंध म॑ सूचना व प्रसारण राज्यमंत्री कर्नल राज्यवर्धन राठौर न॑ सांसद निशिकांत दुबे क॑ पत्र के माध्यम स॑ जानकारी देन॑ छै । सांसद न॑ बतैल॑ छै कि देवघर म॑ दूरदर्शन के स्टूडियो खुलला स॑ अंगिका व संताली भाषा के कलाकारऽ सब क॑ लाभ मिलतै । एकरा लेली हुनी मंत्रालय म॑ कत्त॑ बार पत्राचार ककरल॑ रहै । देवघर म॑ दूरदर्शन स्टूडियो के माँग काफी पुरानऽ छै ।

निशिकांत दुबे, सांसद, गोड्डा न॑ कहल॑ छै कि ई गोड्डा लोकसभा क्षेत्र के लोगऽ सब लेली एगो बड़ऽ सौगात छेकै । हुनी एकरऽ स्वीकृति लेली प्रधानमंत्री, मुख्यमंत्री आरू सूचना व प्रसारण मंत्री स्मृति ईरानी क॑ धन्यवाद देल॑ छै ।

Comments are closed.

error: Content is protected !!