भागलपुर : तिलकामांझी भागलपुर विश्वविद्यालय केरॊ सिंडिकेट हॉल मॆं गुरुवार कॆ एकेडमिक काउंसिल केरॊ बैठक होलै. काउंसिल नॆ स्नातकोत्तर अंगिका विभाग  मॆं पद सृजन पर विचार करै के निर्णय लेलकै. निर्णय लेलॊ गेलै कि पद सृजन समिति सॆं पारित होय गेलॊ छै, तॆ ओकरा सिंडिकेट सॆं अनुमोदन प्राप्त करी कॆ सरकार कॆ भेजी देलॊ जाय.

एकरॊ अलावा काउंसिल नॆ एसकेआर कॉलेज, बरबीघा व एसएसवी कॉलेज, कहलगांव मॆं इंदिरा गांधी राष्ट्रीय खुला विवि केरॊ अध्ययन केंद्र खोलै के अनुमति देलकै.  एनसीटीइ रेगुलेशन 2014 केरॊ अनुसार दोवर्षीय बीएड कोर्स (सत्र 2015-17 सॆ लागू होना छै) केरॊ नया रेगुलेशन व सिलेबस कॆ स्वीकृति भी देलकै. रेगुलेशन मॆं ट्यूशन फी 48 हजार रुपया प्रतिवर्ष, परीक्षा शुल्क 3000 रुपया प्रति परीक्षा, स्किल डेवलपमेंट फी 2000 रुपया राखलॊ गेलॊ छै. सत्र जुलाई सॆं शुरू होतै. परीक्षा जून व जुलाई मॆ लेलॊ जैतै. विवि प्रवक्ता डॉ इकबाल अहमद नॆ बतैलकै कि इ शुल्क निजी आरू सरकारी दोनों कॉलेजॊ लेली निर्धारित करलॊ गेलॊ छै.

तिलकामांझी भागलपुर विश्वविद्यालय केरॊ सिंडिकेट हॉल में गुरुवार कॆ होलॊ एकेडमिक काउंसिल के बैठक

तिलकामांझी भागलपुर विश्वविद्यालय केरॊ सिंडिकेट हॉल में गुरुवार कॆ होलॊ एकेडमिक काउंसिल के बैठक

इ मौका पर  प्रतिकुलपति प्रो. अवध किशोर राय, प्रोक्टर डॉ विलक्षण रविदास, सीसीडीसी डॉ एके मिश्र, रजिस्ट्रार डॉ गुलाम मुस्तफा, प्रो मणिंद्र सिंह, प्रो इकबाल अहमद, प्रो एके सिंह, पीजी विभागॊ के अध्यक्ष व प्राचार्य मौजूद रहै.

Comments are closed.