करहरिया । भागलपुर जिला केरऽ सुलतानगंज लगाँकरऽ बाथ थानांतर्गत करहरिया गाँव म॑ शनिचर क॑ सर्वकल्याणी छठ पूजा समिति द्वारा प्रांतीय काव्योत्सव केरऽ आयोजन करलऽ गेलै । जेकरा म॑ उपस्थित कवियऽ सब न॑ शहीद निलेश नयन के प्रति काव्यात्मक श्रद्धांजलि के रूप म॑ अंगिका कविता सब के पाठ करलकै । हीरा प्रसाद हरेंद्र विरचित अंगिका महाकाव्य “महर्षि मेंहीं ” के लोकार्पण भी होलै ।

angika-prantiya-kavya-mahotasav-karharia2
करहरिया गाँव केरऽ प्रांतीय काव्योत्सव म॑ शहीद निलेश नयन के प्रति काव्यात्मक श्रद्धांजलि दै लेली उपस्थित अंगिका कविगण

करहरिया गाँव स्थित उच्च विद्यालय के मैदान म॑ आयोजित कवि सम्मेलन में भगवान प्रलय, हीरा प्रसाद हरेंद्र, रामावतार राही,विजेता मुदगलपुरी, कैलाश झा किंकर, साथी सुरेश सूर्य, राहुल शिवाय, प्रसून ठाकुर, राजकिशोर केशरी, विकास सिंह गुल्टी,शत्रुघ्न आर्या,विकास, भावानन्द सिंह प्रशांत, मनीष कुमार गूंज,एस.के.प्रोग्रामर, अरविंद कुमार मुन्ना, रामधारी सिंह काव्यतीर्थ, ब्रह्मदेव सिंह लोकेश, सत्रु आर्य आदि न॑ अंगिका कविता पाठ करलकै । कार्यक्रम केरऽ संचालन सुधीर प्रोग्रामर आरू संजीव कुमार सिंह न॑ करलकै ।

angika-prantiya-kavya-mahotasav-karharia3

प्रांतीय काव्योत्सव केरऽ उद्घाटन सुलतानगंज केरऽ विधायक सुबोध राय न॑ दीप प्रज्वलित करी क॑ करलकै । विशिष्ट अतिथि केरऽ रूप म॑ डॉ विजय कुमार सिंह आरू डॉ. ब्रह्मदेव नारायण सत्यम उपस्थित छेलै । आयोजन अध्यक्ष संजीव कुमार सिंह न॑ आगत कवि सब क॑ पुष्पमाल, अंग वस्त्र आरू सम्मान पत्र सें सम्मानित करलकै । कार्यक्रम केरऽ अध्यक्षता चंदा कुमारी न॑ करलकै । शहीद निलेश नयन केरऽ बाबू श्री तरूण कुमार सिंह क॑ विशेष रूप सें आमंत्रित करलऽ गेलऽ रहै |

Comments are closed.

error: Content is protected !!