बौंसी / बाँका । बिहार सरकार राज्य म॑ स्प्रिच्युल सर्किट क॑ बढ़ावा दै लेली पहलऽ चरण म॑ पौराणिक व ऐतिहासिक मंदार पर्वत आरू आसपास केरऽ क्षेत्र के विकास करै के निर्णय लेन॑ छै । एकरऽ विकास प॑ ५३.४९ करोड़ रूपया खर्च करलऽ जैतै । केंद्र सरकार न॑ स्वदेश दर्शन स्कीम केरऽ तहत ई राशि क॑ मंजूर भी करी देन॑ छै ।

मंदार परबत केरऽ नाम समुद्र मंथन सें जुड़लऽ छै । मंदार परबत के साथ-साथ पापहरणी तालाब, आकाश गंगा, अवंतिकानाथ मंदिर, कामधेनू मंदिर, मधुसूदन मंदिर, चंद्रिका स्थान, भीम बाँद केरऽ भी विकास करलऽ जैतै ।

angika-prabhat-khabar-bhagalpur-2-11-2017-1

एकरऽ अलावा मैदान, सड़क, बैट्री चलित गाड़ी आदि के साथ-साथ नागरिक सुविधा पर भी खर्च करलऽ जैतै ।

अंग क्षेत्र केरऽ पर्यटन स्थल केरऽ विकास दन्न॑ सरकार क॑ जादा सें जादा ध्यान देना चाहियऽ । अंग क्षेत्र में पर्यटन केरऽ अपार संभावना छै । ई आश्चर्य पैदा करै छै कि बिहार आरू झारखंड केरऽ पर्यटन विभाग न॑ अंग क्षेत्र क॑ अभी तक अपनऽ प्राथमिकता में कैन्हें नै शामिल करन॑ छै । ऐन्हऽ में मंदार केरऽ विकास प॑ सरकार द्वारा खर्च करै के योजना बनाना तनी टा राहत दै छै वाला छै । एगो स्वागत योग्य कदम ।

Comments are closed.

error: Content is protected !!