पटना : कल २ जनवरी क॑ अंगिका महोत्सव – २०१७ समारोह के आयोजन बिहार हिंदी साहित्य सम्मेलन, पटना मं॑ करलऽ जैतै। एकरऽ जानकारी अंग माधुरी केरऽ संपादक श्री विधुशेखर पाण्डेय न॑ कल अंगिका.कॉम क॑ देलकै ।

जाहन्वी अंगिका संस्कृति संस्थान, पटना द्वारा आयोजित होय रहलऽ ई समारोह मं॑ बिहार केरऽ अंगिका आरू हिंदी केरऽ कईएक गनमान्य अंगिका साहित्यकारऽ सिनी के भाग लै के संभावना छै । कार्यक्रम मं॑ अंगिका भासा के साहित्यकारऽ सिनी के उदबोधन आरो अँगिका कविता पाठ भी करलऽ जैतै ।

ज्ञातव्य छै कि पिछला लगभग ४६ सालऽ सं॑ अंगिका पुरोधा, दिवंगत डॉ. नरेश पाण्डेय चकोर द्वारा हर साल हुनकऽ जन्म दिवस केरऽ अवसर प॑  अंगिका महोत्सव के आयोजन करलऽ जैतं॑ रहलऽ छै ।

Comments are closed.