देवघर: विधायक नारायण दास नॆ कहलकै कि देवघर मॆं संस्कृत केरॊ सर्वाधिक कॉलेज, विद्यालय आरू वेद पाठशाला छै. संस्कृत विश्वविद्यालय खोलै लेली देवघर अहर्ता पूरा करै छै. एकरा सॆं रोजगार भी बढ़तै. हुनी मंत्री व सांसद सॆं देवघर मॆं संस्कृत विश्वविद्यालय खोलै लेली पहल करै के मांग रखलकै. विधायक नॆ अंगिका कॆ द्वितीय राजभाषा के दरजा दै के भी मांग करलकै. विधायक नारायण दास, कांवरिया पथ स्थित दुम्मा मॆं रतनलाल साधुराम बंसल सरस्वती विद्या मंदिर केरॊ उद्घाटन अवसर पर बोली रहलॊ छेलै.jharkhand1

कांवरिया पथ स्थित दुम्मा मॆं रतनलाल साधुराम बंसल सरस्वती विद्या मंदिर केरॊ उद्घाटन शिक्षा मंत्री डॉ नीरा यादव, सांसद निशिकांत दुबे, विधायक नारायण दास व रिखियापीठ केरॊ स्वामी सूर्यप्रकाश जी नॆ संयुक्त रुप सॆं करलकै. इ स्कूल श्योबाइ बंसल चेरिटेबल ट्रस्ट(कोलकाता) केरॊ इकाई छेकै. एकरॊ संचालन विद्या भारती द्वारा करलॊ जैतै. समारोह मॆं शिक्षा मंत्री डॉ नीरा यादव नॆ कहलकै कि विद्या वू धन छेकै, जे बांटला सॆ कभी कम नै होय छै.

Comments are closed.