1 week ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika
1 week ago
अंगिका महोत्सव -२०२० के आयोजक समिति के भेलै गठन । Angika Mahotsav-2020 Organizing Committee Constituted| News in Angika
1 week ago
सुलतानगंज केरौ श्रावणी मेला मँ जमा होलौ सिक्का के गिनती सँ परेशानी के माहौल
2 weeks ago
फरवरी केरौ पहलौ सप्ताह मँ ही आयोजित होतै अंगिका महोत्सव -२०२० । Angika Mahotsav to be organised in first week of February-2020 | News in Angika
3 weeks ago
अंगिका क भारतीय संविधान केरौ आठमौ अनुसूची मँ शामिल करवावै लेली 5 दिसम्बर क जन्‍तर-मन्‍तर प धरना आरू 6 दिसम्बर क राज घाट पर आमरण-अनसन सह सत्‍याग्रह । Dharna at  Jantar Mantar on 5 December and fasting on 6 March at Raj Ghat planned to include Angika in the Eighth Schedule of the Indian Constitution  | News in Angika

गोदरगाँवा(बेगूसराय) । शनिवार, १४ अक्तूबर, २०१७ क॑ विप्लवी पुस्तकालय गोदरगाँवा म॑ कविता कोश केरऽ तत्वावधान म॑ पर्यावरण संरक्षण आरू स्वच्छता विषय प॑ गोष्ठी सह काव्य पाठ भेलै । कार्यक्रम केरऽ अध्यक्षता शिक्षक रामबहादुर यादव आरो संचालन मनोरंजन विप्लवी न॑ करलकै । मुख्य वक्ता राहुल शिवाय आरो मुख्य अतिथि अमित रंजन भारती रहै । आमीर आलम, राकेश कुमार, अनिमेष कुमार सहित गोदरगांवा हाई स्कूल  के बूतरू  सब न॑ अपनऽ-अपनऽ प्रस्तुति भी देलकै।

angika-kavita-kosh-3

वक्ता राहुल शिवाय न॑ पर्यावरण स॑ जुड़लऽ समस्या क॑ सामने रखत॑ हुअ॑ कहलकै  कि मनुष्य जब तलक प्रकृति दन्न॑ नै लौटतै तब तलक भूकंप, बूहऽ जेहनऽ समस्या सब ऐथैं रहतै । ओकरऽ बाद अपनऽ कविता के माध्यम स॑ राहुल शिवाय न॑  कहलकै –

पैतै हो केना कहऽ अगला पीढ़ी फूल ।
मनुख विकासऽ लेली रोपै रोज बबूल ।।

angika-kavita-kosh-2

मनोरंजन विप्लवी न॑ कहलकै कि दिवाली ख़ुशी केरऽ पर्व छिकै एकरा प्रदूषण केरऽ कारण नै बनाबऽ ।

angika-kavita-kosh-4

अमित रंजन जी न॑ कहलकै जब॑ तलक नया पीढ़ी सजग नै होतै पर्यावरण संतुलन संभव नै छै।

रामबहादुर यादव जी न॑ पर्यावरण क॑ स्वच्छ रखै लेली बच्चा सब क॑ जागरुक करलकै।

angika-kavita-kosh-1

पर्यावरण पर बोलै आरो काव्य पाठ लेली वर्ग दशम के छात्रा मनीषा कुमारी, वर्ग नवम के आदित्य कुमार, वर्ग अष्टम के गौरी कुमारी, रिषी कुमार, संदीप कुमार, प्रिंस कुमार, वर्ग सप्तम के आरती कुमारी, राहुल कुमार आरनी  क॑ डॉ. अमरेन्द्र द्वारा रचित अंगिका काव्य पुस्तक ‘तुक्तक-मुक्तक’ आरो ‘एक छड़ी पर अंडा नाचै’ भेंट स्वरूप देलऽ गेलै।

angika-kavita-kosh-

धन्यवाद ज्ञापन शमशेर आलम न॑ करलकै ।

 

Comments are closed.

error: Content is protected !!