पुनसिया : बाँका जिलान्तर्गत पुनसिया के लोगऽ क॑ पिछला दिना अंगिका केरऽ एक सं॑ बढ़ी क॑ एक मधुर अंगिका गीत सुनै के मौका मिललै.

डा. जयप्रकाश मेहता सरस्वती शिशु मंदिर पुनसिया  मं॑  मंगलवार क॑ एगो मातृ गोष्ठी आयोजित  होलऽ रहै. गोष्ठी के दौरान अंगिका भाषा केरऽ मशहूर गीतकार आरू गायक कलाकार प्रकाश सेन प्रीतम न॑ आपनऽ संगीतमयी वाणी सं॑ आगत अतिथि आरू उपस्थित लोगऽ क॑ मंत्र मुग्ध करी देलकै.

मातृ गोष्ठी के उद्घाटन दीया जलाय क॑ मुखिया सुनीता कुमारी न॑ करलकै. गोष्ठी म॑ लगभग  एक सौ माय उपस्थित रहै.

प्रधानाचार्य विनोद कुमार के अलावा मातृ गोष्ठी क॑ प्रबंध समिति अध्यक्ष योगेन्द्र केशरी, सचिव अशोक कुमार यादव, विद्यालय आचार्य संजय कुमार मंडल, कंचनमाला, बासुदेव भगत, कंचन कुमारी, अवधबिहारी राव, शशिधर कुमार, रंजीत कुमार, मनोज कुमार, राजेश कुमार, संगीता कुमारी आदि न॑ भी संबोधित करलकै. मातृ गोष्ठी केरऽ माध्यम सं॑ माय सीनी क॑ आपनऽ बच्चा सीनी केरऽ विकास के प्रति प्रेरित करलऽ गेलै.

गोष्ठी के दौरान  भागलपुर आकाशवाणी केरऽ अंगिका भाषा के कलाकार प्रकाश सेन प्रीतम  केरऽ गैलऽ अंगिका गीत सुनी क॑ लोग झूम॑ लागलै.

angika_samvad_FB - 102

Tags: , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,

Comments are closed.