कोलकता । फीफा अंडर-१७ वर्ल्डकप म॑ स्पेन क॑ ५-२ सें हराय क॑ इंग्लैंड वर्ल्ड-चैंपियन बनी गेलऽ छै ।

कोलकाता केरऽ साल्टलेक स्टेडुियम में लगभग ६० हजार मौजूद दर्शकऽ के बीच पहलऽ दू गोल स्पेन न॑ करलकै । एकरऽ बाद इंगलैंड न॑ लगातार ५ गोल करलकै । खेल केरऽ पहलऽ हाफ म॑ स्पेन २-१ सें आगू चली रहलऽ छेलै ।

angika-england-wins-football-fifa-under-17-1

इंग्लैंड चौथऽ बार ई टूर्नामेंट में खेली रहलऽ छेलै, लेकिन वू पहलऽ बार फाइनल में पहुंचलऽ छेलै । जबकि स्पेन एकरऽ पहल॑ १९९१,२००३ आरू २००७ म॑ उप विजेता रही चुकलऽ छै ।

इंग्लैंड लेली सेमीफाइनल केरऽ हीरो ब्रेवस्टर संकटमोचक साबित होलै । हुनी ४४वाँ मिनट में सेसेगांव केरऽ क्रास पर गोल दागलकै ।

५८वाँ मिनट में इंग्लेंड लेली गिब्स व्हाइट न॑ दोसरऽ गोल दागलकै । गिब्स व्हाइट क॑ गोल केरऽ ठीक सामने सेसेगांव सें पास मिललै जेकरा प॑ हुनी गोल दागै में कोय गलती नै करलकै ।

angika-england-wins-football-fifa-under-17-2

फिल फोडेन न॑ ६९वाँ मिनट में इंग्लैंड क॑ ३-२ सें आगे करी देलकै । हडसन अोडोइ न॑ बाँयां छोर सें गेंद स्पेन केरऽ गोल दन्न॑ बढ़ैलकै, जेकरा फोडेन न॑ लपकी लेलकै आरू जाल में उलझाय क॑ दम लेलकै ।

८४वाँ मिनट में मार्क न॑ इंग्लैंड क॑ ४-२ सें आगे करी देलकै । ब्रेवस्टर केरऽ शॉट रोकलऽ गेला प॑ मार्क न॑ मौका मिलथैं गेंद क॑ गोल में ठेली देलकै आरू आपनऽ टीम लेली खिताब के जीतना पक्का करी लेलकै ।

angika-england-wins-football-fifa-under-17-3

८८वाँ मिनट में फिल फोडेन न॑ इंग्लैंड क॑ ५-२ सें आगे करी देलकै । हडसन केरऽ पास पर फिल फोडेन गेंद ल॑ क॑ खाली गोल दन्न॑ बढ़लै आरू गोलकीपर क॑ परास्त करी गोल करी देलकै ।

एकरऽ पहल॑ खेललऽ गेलऽ मैच म॑ ब्राजील न॑ माली क॑ २-० सें पराजित करलकै आरू टूर्नामेंट में तेसरऽ स्थान पर रहलै ।

Comments are closed.

error: Content is protected !!