पटना : राज्य सरकार न॑ ग्रामीण इलाका मं॑ स्थानीय भाषा सीनी मं॑ बीपीओ केंद्र खोलै के फैसला करन॑ छै जे हिंदी के अलावे स्थानीय भाषा, अंगिका, भोजपुरी, मगही आरू मैथिली मं॑ लोगऽ क॑ जानकारी मुहैया करैतै.

बिहार सरकार न॑ प्रशासन मं॑ पारदर्शिता बढ़ाबै लेली बड़ऽ स्तर पर तकनीक के सहारा लै के फैसला करन॑ छै. एकरऽ तहत राज्य सरकार न॑ सब्भे पंचायतऽ क॑ इंटरनेट सं॑ जोड़ै के निर्णय लेल॑ छै. एकरऽ साथ ही लोगऽ क॑ सरकार केरऽ 80 सं॑ ज्यादा सेवा भी जल्दिये ऑनलाइन मिलना शुरू होय जैतै. एकरऽ साथ-साथ राज्य सरकार नं॑ ग्रामीण इलाका मं॑ बीपीओ केंद्र भी खोलै के फैसला लेन॑ छै, जे स्थानीय भाषा मं॑ लोगऽ क॑ जानकारी मुहैया करैतै. angika.com_banner_1.

राज्य के सूचना प्रौद्योगिकी विभाग केरऽ सचिव एस. सिद्धार्थ केरऽ अनुसार प्रशासन दुरुस्त करै लेली तकनीक पर जोर दै वास्तं॑ राज्य मं॑ बड़ा पैमाना पर काम चली रहलऽ छै. शुरुआत मं॑ राज्य मुख्यालय क॑ जिला मुख्यालयऽ आरू प्रखंड कार्यालयऽ सीनी सं॑ बिस्वॉन (बिहार स्टेट वाइड नेटवर्क) केरऽ जरियें जोड़ी देलऽ गेलऽ छै. अब॑ सरकार केरऽ कोशिश पंचायत सीनी क॑ इ नेटवर्क सं॑ जोड़ै के छै. इ बाबत करीब 8,500 पंचायतऽ मं॑ स॑ 50 फीसदी मं॑ ब्रॉडबैंड स्थापित करी लेलऽ गेलऽ छै. बाकी पंचायतऽ क॑ भी बिस्वॉन सं॑ जोडै के काम चली रहलऽ छै. जल्द सं॑ जल्द इ काम पूरा करी लेलऽ जैतै. एकरऽ अलावे, राज्य सरकार न॑ जल्द ही ‘ई-डिस्ट्रिक्ट’ योजना सं॑ पूरे राज्य क॑ जोड़ै के फैसला भी लेन॑ छै.

वर्तमान मं॑ राज्य सरकार केरऽ 25 सेवा तलक लोग ऑनलाइन माध्यम सं॑ पहुंच॑ सकै छै. इ वित्त वर्ष केरऽ अंत तक राज्य सरकारें 80 सं॑ भी जादा सेवा क॑ इंटरनेट पर डालै के फैसला लेन॑ छै. जेकरा सं॑ कोय भी शख्स कोय भी वक्त ‘बिहार ऑनलाइन’ वेबसाइट केरऽ माध्यम सं॑ सरकारी सेवा सीनी के फायदा उठाब॑ सकै छै. एकरा लेली केखरै सरकारी दफ्तरऽ के चक्कर नै लगाब॑ परतै. साथें, एकरा सं॑ राज्य सरकार क॑ भ्रष्टाचार पर भी अंकुश लगाबै मं॑ मदद मिलतै.

इ काम मं॑ राज्य सरकार न॑ बीपीओ के भी इस्तेमाल करै के फैसला करन॑ छै. विभाग न॑ बड़ा तादाद मं॑ ग्रामीण इलाका मं॑ कॉलसेंटर खोलै के फैसला करन॑ छै, जे स्थानीय भाषा मं॑ लोगऽ सीनी क॑ जानकारी मुहैया करैतै. सचिव के कहना छै जे शुरुआत मं॑ हिंदी के साथ-साथ अंगिका, भोजपुरी, मगही आरू मैथिली मं॑ जानकारी मुहैया कराबै के फैसला करलऽ गेलऽ छै. जेकरा सं॑ लोगें आसानी सं॑ सब कुछ समझ॑ पार॑.

Tags: , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,

Comments are closed.