1 week ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika
2 weeks ago
अंगिका महोत्सव -२०२० के आयोजक समिति के भेलै गठन । Angika Mahotsav-2020 Organizing Committee Constituted| News in Angika
2 weeks ago
सुलतानगंज केरौ श्रावणी मेला मँ जमा होलौ सिक्का के गिनती सँ परेशानी के माहौल
3 weeks ago
फरवरी केरौ पहलौ सप्ताह मँ ही आयोजित होतै अंगिका महोत्सव -२०२० । Angika Mahotsav to be organised in first week of February-2020 | News in Angika
4 weeks ago
अंगिका क भारतीय संविधान केरौ आठमौ अनुसूची मँ शामिल करवावै लेली 5 दिसम्बर क जन्‍तर-मन्‍तर प धरना आरू 6 दिसम्बर क राज घाट पर आमरण-अनसन सह सत्‍याग्रह । Dharna at  Jantar Mantar on 5 December and fasting on 6 March at Raj Ghat planned to include Angika in the Eighth Schedule of the Indian Constitution  | News in Angika

भागलपुर । अंगिका भाषा क॑ संविधान केरऽ आठमऽ अनुसूची म॑ शामिल कराबै लेली रणनीति तय करै वास्तें इतवार क॑ आयोजित विचार-गोष्ठी म॑ सर्वसम्मति स॑ निर्णय लेलऽ गेलै कि आगामी १५ अक्टूबर स॑ सौसे अंग महाजनपद म॑ गहन हस्ताक्षर अभियान चलैलऽ जैतै आरू फेरू जन-जन केरऽ आवाज क॑ सम्मान दिलाबै ल॑ दिल्ली दन्न॑ कूच करलऽ जैतै । हस्ताक्षर अभियान भागलपुर स॑ आरंभ होय क॑ एक महीना तलक सौसे अंग महाजनपद म॑ चलतै । ओकरऽ बाद अंग महाजनपद म॑ प्रखंड स्तर पर धरना दै केरऽ अभियान चलतै । तेकरऽ बाद राष्ट्रीय राजधानी क्षेत्र दिल्ली म॑ आमरण अनसन सह सत्याग्रह आंदोलन केरऽ आयोजन करलऽ जैतै ।

अंग उत्थानान्दोलन समिति,बिहार-झारखंड केरऽ बैनर तले भागलपुर स्थित भगवान पुस्तकालय म॑ आयोजित ई संगोष्ठी म॑ ई भी निर्णय लेलऽ गेलै कि बच्चा सब के बीच अंगिका भाषा म॑ क्वीज प्रतियोगिता चलाय क॑ ओकरा बीच अंगिका भाषा के महत्ता लेली जागरूकता पैदा करलऽ जैतै ।

angika_8thSchedule_bhagalpur_8-10-2017ang1
कार्यक्रम केरऽ उद्घाटन करत॑ मुख्य अतिथि व अन्य

भारतीय संविधान केरऽ आठमऽ अनुसूची म॑ विश्व केरऽ प्राचीनतम भाषा म॑ स॑ एक अंगिका भाषा क॑ शामिल कराबै के विषय प॑ आयोजित ई विचार संगोष्ठी म॑ अंग प्रदेश केरऽ कोना-कोना स॑ ऐलऽ लगभग १०० विचारक, विद्वान, आरू साहित्यकार सिनी शामिल होलै । अंगदेश केरऽ हृदय-स्थली भागलपुर म॑ हुनी सब महज ई लेली जौरऽ होलऽ छेलै कि हुनका सब क॑ ई साबित करना छेलै कि अपनऽ अंग-अंगिका केरऽ अस्मिता-अस्तित्व लेली जंग लड़ै के मामला म॑ सब कोय एकजुट छै आरू ई एकजुटता के बल प॑ ही मंजिल तलक पहुँचलऽ जाब॑ पारै छै ।

angika_8thSchedule_bhagalpur_8-10-2017ang4
मंचस्थ अतिथिगण

कार्यक्रम केरऽ उद्घाटक आरू मुख्य वक्ता प्रो. मनमोहन मिश्र न॑ अंगिका केरऽ भौगोलिक, ऐतिहासिक आरू अन्य चुनौती प॑ चर्चा करलकै ।

मुख्य अतिथि केरऽ रूप म॑ शिक्षाविद राजीवकांत मिश्रा न॑ अंगिका क॑ इंटरनेट स॑ जुड़ै के जरूरत बतैंत॑ हुअ॑ सुझाव देलकै कि अंगिका क॑ गूगल चाचा स॑ जुड़ना जाहियऽ । एकरा प॑ उपस्थित साहित्यकार सब न॑ कविता कोश, गद्य कोश, अंगिका.कॉम के बारे म॑ हुनका एक स्वर म॑ बतैतें कहलकै कि अंगिका पहिनै स॑ इंटरनेट प॑ वृहत रूप स॑ उपस्थिति दर्ज कराय चुकन॑ छै ।

विशिष्ट अतिथि डा. योगेन्द्र न॑ जन-जन के बीच अंगिका लेली जागरूकता फैलाबै लेली अंगिका मेला के आयोजन के बात करलकै । विशिष्ट अतिथि के रूप म॑ ही कथाकार रंजन न॑ अंगिका साहित्यकार सब क॑ एकजुट होय क॑ काम करै के आहवान करलकै । कार्यक्रम केरऽ संचालक गौतम सुमन न॑ अंग उत्थानोदोलन समिति के कार्यऽ के व्याख्या करलकै ।

एक दन्न॑ जहाँ विद्वान प्रो.मनमोहन मिश्र (उद्घाटन सह मुख्य वक्ता ),शिक्षाविद राजीवकांत मिश्रा (मुख्य अतिथि), डॉ.योगेन्द्र, डॉ.मीरा झा आरू कथाकार रंजन (विशिष्ट अतिथि),स्वागताध्यक्ष केरऽ रूप म॑ आनंद झा ‘बल्लो’ मंच पर आसीन होय क॑ आयोजित कार्यक्रम के शोभा बढ़ाय रहलऽ छेलै ।

angika_8thSchedule_bhagalpur_8-10-2017ang2
अंग महाजनपद के कोना-कोना स॑ पधारलऽ अंगिका केरऽ प्रतिनिधि साहित्यकार सिनी

वहीं, सोझे श्रोता दीर्घा म॑ डॉ.अमरेन्द्र, धनंजय मिश्र, अनिरूद्ध प्रसाद विमल, प्रदीप प्रभात, रामधारी सिंह काब्यतीर्थ, नन्देश निर्मल, सुधीर कुमार प्रोग्रामर, हीरा प्रसाद हरेन्द्र, अरविंद कुमार मुन्ना, भानू भ्रमर, इन्दुभूषण मिश्र’देवेन्दु’, बाबा दिनेश तपन, प्रेमचन्द पांडेय, डाॅ.मधुसूदन झा, कैलाश झा किंकर, कविता परवाना, राहुल शिवाय, माध्वी चौधरी, गुंजन कुमारी, सुजाता कुमारी, स॔युक्ता भारती, रेणु ठाकुर, अनिता शर्मा, विकाश सिंह गुलटी, रिजवान खान, अजीत सिंह, रामावतार राही, मंजूषा गुरू मनोज पंडित, उमाकांत झा’अंशुमाली’, विष्णु मंडल’विकल’, महेंद्र मयंक, महेंद्र निशाकर, रथेन्द्र विष्णु’नन्हें’, प्रीतम विश्वकर्मा, लक्ष्मीनारायण मधुलक्ष्मी, पं0 अशोक ठाकुर, अमरेन्द्र ठाकुर दत्तात्रेय, विभूरंजन जायसवाल, प्राणमोहन प्रीतम, उचितलाल यादव, त्रिलोकीनाथ दिवाकर, दिलीप झा, नरेश ठाकुर निराला, देवेन्द्र दिव्यांशु, अनवर भागलपुरी, अभय भारती, आलोक भारती, अनंत शर्मा, परशुराम पोद्दार, सुरज कुमार, बाबा मनमौजी कर्ण अंगपुरी, डॉ.जयंत जलद, श्याम लहेरी, मनोज कुमार, संजय केशरी, कुन्दन साह, योगेन्द्र पाल, जगदीश यादव, सुनील सिंह, हिमांशु राधेकृष्णा, कपिलदेव ठाकुर निराला, योगेन्द्र प्रसाद निर्मल, श्याम साह , नीरज सिन्हा, राकेश शर्मा, अरूण मिश्र, उमेश तांती, ज्ञानी चौधरी, कलाम मंसूरी, रंजीत वर्मा, बसंत साह, ध्रुव कुमार, सुनील केडिया, गोपाल सिंह, राजेश तिवारी, नागेन्द्र सिंह, शांति रमण आरनी सहित अनेक लोगऽ न॑ अपनऽ उपस्थिति दर्ज कराय क॑ व विचार प्रकट करी क॑ आयोजित विचार गोष्ठी क॑ ऐतिहासिक आरू अविस्मरणीय बनाय रहलऽ छेलै ।

angika_8thSchedule_bhagalpur_8-10-2017ang3
अंगिका साहित्यकार सुधीर कुमार प्रोग्रामर विचार व्यक्त करतं॑

सुधीर कुमार प्रोग्रामर न॑ राहुल शिवाय केरऽ एक वर्ष के कामऽ के बारे म॑ बतैलकै । सुधीर कुमार प्रोग्रामर न॑ युवा कवि व संपादक, राहुल शिवाय क॑ अंगिका के अनमोल रत्न बतैलकै । डा. अमरेन्द्र, कैलाश झा, राहुल सबन॑ बच्चा सब क॑ अंगिका स॑ जोड़ै के काम शुरु करी देनै छै। श्री प्रोग्रामर न॑ बतैलकै कि बेगूसराय के बाद कैलाश झा किंकर के माध्यम स॑ खगड़िया भी अब॑ एकरऽ गवाह बनै वाला छै। सुधीर कुमार प्रोग्रामर न॑
कार्यक्रम क॑ सफल बतैत॑ कहलकै कि वहाँ एतना कुछ होलै कि लिखला पर किताब होय जाय ।

विचार-गोष्ठी केरऽ संचालन, समिति के अध्यक्ष सह कार्यक्रम संयोजक गौतम सुमन न॑ करलकै । कार्यक्रम क॑ बहुत सफल बतैत॑ हुअ॑ गौतम सुमन न॑ कहलकै कि कार्यक्रम शानदार-जानदार रहलै आरू ई शहर के सबस॑ बड़ा कार्यक्रम छेलै ।

कल केरऽ कार्यक्रम केरऽ स्थानीय अखबारऽ म॑ अपेक्षाकृत कम कवरेज प॑ प्रतिक्रिया व्यक्त करतें हुअ॑ गौतम सुमन न॑ दुःख व्यक्त करतें हुअ॑ कहलकै कि पूर्व सूचना के बावजूद अखबारऽ द्वारा अंगिका भाषा-साहित्य व सभ्यता-संस्कृति केरऽ उपेक्षा बहुत तकलीफदेह छै ।

कार्यक्रम म॑ मुख्य रूप स॑ बिहार-झारखंड केरऽ भागलपुर, पाकुड़, गोड्डा, बांका, अमरपुर, रजौन, सुलतानगंज, कहलगांव, मुंगेर, नवगछिया, खगड़िया, बेगुसराय,पूर्णियां,सहरसा आदि स॑ ऐलऽ प्रतिनिधि साहित्यकार सिनी न॑ शिरकत करलकै ।

Tags: , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,

Comments are closed.

error: Content is protected !!