भागलपुर : अंगिका भासा के प्रति जागरूकता लेली अंग लोक सांस्कृतिक नवजागरन महोत्सव पखवारा १६ मार्च सं॑ ३१ मार्च तलक बिहार केरऽ अंग-क्षेत्र केरऽ १९ जिला केरऽ गाँव आरो सहरी क्षेत्र मं॑ आयोजित करलऽ जैतै । ई जानकारी बिहार अंगिका अकादमी केरऽ माननीय अध्यक्ष प्रो. (डॉ.) लखन लाल सिंह आरोही न॑ अंगिका.कॉम क॑ देल॑ छै ।

बिहार अंगिका अकादमी केरऽ माननीय अध्यक्ष प्रो. (डॉ.) लखन लाल सिंह आरोही न॑ अंगिका.कॉम क॑ जानकारी देतं॑ हुअ॑ कहलकै कि ई कार्यक्रम के संबंध मं॑ आकाशवाणी, भागलपुर केरऽ कार्यक्रम प्रमुख सं॑ भी बात करलऽ गेलऽ छै । ई कार्यक्रम के तहत आकाशवाणी भागलपुर सं॑ भी कार्यक्रम होतै । इस महोत्सव के तहत आकाशवामी भागलपुर सं॑ अंगिका भासा मं॑ कहानी, कविता आदि के प्रसारन होतै ।

प्रो. (डॉ.) लखन लाल सिंह आरोही के अनुसार अंगिका के नवजागरन लेली ई पखवाड़ा मं॑ अंगिका भासा मं संगोस्ठी, नाटक, काव्य गोस्ठी, व अन्य सांस्कृतिक आयोजन भी होतै । ई दैरान अंगिका सं॑ जुड़लऽ कलाकार, व सामाजिक कार्यकर्ता सब सं॑ बात होय चुकलऽ छै ।

 

Comments are closed.