2 months ago
उधाडीह गाँव मँ मनैलौ गेलै शौर्य चक्रधारी अंग गौरव शहीद निलेश कुमार नयन केरौ शहादत दिवस | New in Angika
2 months ago
गिनीज बुक ऑफ वर्ल्ड रिकॉर्ड मँ जग्घौ बनाबै लेली आय 122 भाषा के गाना कार्यक्रम मँ अंगिका मँ भी गैतै पुणे केरौ मंजुश्री ओक | News in Angika
3 months ago
अंगिका भाषा क आठमौ अनुसूची मँ दर्ज कराबै लेली दिसम्बर मँ दिल्ली मँ होय वाला आन्‍दोलन क सफल बनाबै के करलौ गेलै आह्वान | News in Angika
3 months ago
अंगिका आरू हिन्दी केरौ वरिष्ठ कवि व गीतकार, कविरत्न महेन्द्र प्र.”निशाकर” “दिनकर सम्मान” सँ सम्मानित  | News in Angika Angika
3 months ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika

नई दिल्‍ली: फ़ीफ़ा अंडर-१७ वर्ल्ड कप म॑ अमेरिका क॑ भारतीय टीम न॑ टक्कर दै के कोशिश करलकै लेकिन सफल नै हुअ॑ सकलै । अब॑ टीम केरऽ सामना कोलंबिया स॑ छै ।

आगू के राउंड म॑ जाबै लेली दोनऽ टीम क॑ जीत के ज़रूरत छै । ऐसनऽ म॑ दिल्ली म॑ होय वाला मैच म॑ रोमांचक मुक़ाबला होय के उम्मीद छै ।

फ़ीफ़ा अंडर-१७ वर्ल्ड कप म॑ अमेरिका के हाथ भारत क॑ अपनऽ पहलऽ मैच म॑ ०-३ स॑ हार के सामना करै ल॑ पड़लऽ छेलै । वहीं कोलंबिया क॑ भी घाना न॑ १-० स॑ हरैलकै । फ़िलहाल दूनू टीमऽ के खाता नै खुललऽ छै आरू आगू के राउंड म॑ जाबै लेली दोनऽ टीम क॑ जीत के ज़रूरत छै ।

fifa-world-cup-u17-2017-india-footbal
फुटबॉल – फीफा – U-17 कप

भारतीय अंडर 17 टीम केरऽ मुख्य कोच लुई नॉर्टन डी माटोस अमेरिका स॑ हार के बावजूद मुक़ाबला लेली अपनऽ फ़ौज क॑ तैयार करै म॑ लगलऽ छै । मैच स॑ पहल॑ हुनी कहलकै कि हुनकऽ टीम आख़िरी मिनट तलक कोलंबिया क॑ टक्कर देतै आरू पूरा मनोबल के साथ मैच खेलतै । हम्म॑ जीतै लेली खेलबै ।एकरऽ अलावे हमरा लगाँ कोय विकल्प भी नै बचलऽ छै ।  अगर हम्म॑ जीतै छियै त॑ इतिहास बनैबै ।

हुन्न॑ टीम केरऽ मिडफ़ील्डर सुरेश सिंह न॑ कहल॑ छै कि टीम कोलंबियाई चैलेंज लेली पूरा तरह स॑ तैयार छै । ‘हम्म॑ जे ग़लती अमेरिका के ख़िलाफ़ मैच म॑ करलियै ओकरा  सुधारबै आरू अपनऽ फ़ैन्स क॑ निराश नै करबै । हालांकि हार जीत खेल केरऽ हिस्सा छेकै, लेकिन हम्म॑ अपनऽ अगला मैच लेली पूरा तरह स॑ तैयार छियै । ‘ भारतीय टीम एकरऽ पहन॑ मैक्सिको म॑ होलऽ चार देशऽ के टूर्नामेंट म॑ कोलंबिया सथ॑ खेली चुकलऽ छै जहां ओकरा ०-३ स॑ हार मिललऽ छेलै ।

सुरेश कहै छै कि  कोलंबियाई  शारीरिक तौर प॑ काफ़ी मज़बूत छै । ओकरा सब क॑ भी टूर्नामेंट म॑ बनलऽ रहै लेली हमरऽ ख़िलाफ़ हर हाल म॑ जीत चाहियऽ । हम पूरा ९० मिनटऽ के खेल म॑ कड़ा टक्कर देबै । ‘

अमेरिका के ख़िलाफ़ मैच म॑ भारतीय खिलाड़ी पहलऽ हाफ़ म॑ बेअसर दिखलै, लेकिन दोसरऽ हाफ़ म॑ हुनकऽ खेल म॑ सुधार बोलै । उम्मीद छै कि टीम अमेरिका के ख़िलाफ़ करलऽ गेलऽ गलती क॑ नै दोहरैतै ।

एना अमेरिका के ख़िलाफ़ युवा भारतीय टीम क॑ भले हार मिललऽ हुअ॑ लेकिन फ़ैन्स न॑ टीम प॑ भरोसा बनैल॑ रखन॑ छै ।  मैच स॑ पहल॑ दिल्ली केरऽ जवाहर लाल नेहरू स्टेडियम म॑ टिकट खिड़की के सामने फ़ैन्स के लंबा लाइन देखै ल॑ मिललै ।

Comments are closed.

error: Content is protected !!