उधाडीह, सुल्तानगंज । खबर छै कि शहीद निलेश कुमार नयन केरऽ श्राद्ध कर्म म॑ बिहार केरऽ मुख्यमंत्री नीतीश कुमार शामिल होतै ।

जम्मू-कश्मीर केरऽ बांदीपोरा म॑ आतंकी सिनी के साथ मुठभेड़ के क्रम म॑ शहीद होलऽ निलेश नयन के परिवार स॑ मिलै ल॑ २१ अक्टूबर क॑ मुख्यमंत्री नीतीश कुमार  उधाडीह गांव जैतै । सुरक्षा केरऽ इंतजाम के सहत एसडीएम, डीएसपी, डीओ सहित जिला केरऽ वरीय आधिकारी सिनी न॑ सभा स्थल केरऽ निरीक्षण करी लेल॑ छै ।

corporal_Nilesh-kumar-nayan

शहीद निलेश कुमार नयन

जम्मू-कश्मीर केरऽ बांदीपोरा म॑ बुधवार भोरे पाँच बजे आतंकी सिनी के साथ होलऽ मुठभेड़ म॑ वायुसेना केरऽ दू गरुड़ कमांडो कॉर्पोरल निलेश नयन आरू सर्जेंट मिलिंद किशोर शहीद होय गेलऽ रहै । निलेश नयन भागलपुर के सुल्तानगंज प्रखंड के उधाडीह गाँव केरऽ निवासी पिता तरुण कुमार सिंह, माय बुलबुल देवी केरऽ सुपुत्र छेलै ।

अपनऽ देश म॑ अमन-चैन बनैल॑ रखै लेली शहीद होय वाला अंगदेश केरऽ वीर योद्धा निलेश नयन  केरऽ  आतंकी मुठभेड़ म॑ शहीद होला प॑ अंग देश म॑ सगरे शोक के लहर व्याप्त होय गेलऽ छै । शहीद निलेश नयन के परिवार से २१ अक्टूबर क॑ मुख्यमंत्री नीतीश कुमार मिलै ल॑ जैतै ।

शहीद केरऽ शव यात्रा के दिन ग्रामीणऽ न॑ कहन॑ छेलै कि शहीद केरऽ परिवार क॑ सांत्वना दै लेली सीएम क॑ आना चाहियऽ छेलै । जदयू केरऽ जिलाध्यक्ष विभूति गोस्वामी, राज्यसभा सांसद कहकशां परवीन, विधायक सुबोध राय शहीद केरऽ घऽर उधाडीह पहुंचलऽ छेलै । सीएम केरऽ निर्देश प॑ जदयू नेता न॑ उधाडीह पहुंची क॑ शहीद क॑ श्रद्धांजलि देन॑ छेलै । वू घड़ी गांव के लोग ई बात के चर्चा करतें रहलै कि शहीद के परिवार के हौसला बढ़ाबै लेली मुख्यमंत्री नीतीश कुमार क॑ उधाडीह आना चाहियऽ छेलै ।

angika.com-nilesh-kumar-nayan-news-

एकरऽ पहल॑ भी २००९ ई. म॑ अपनऽ विकास यात्रा के दौरान नीतीश कुमार उधाडीह गाँव आबी चुकलऽ छै । अपनऽ विकास यात्रा के दौरान १७ आरू १८ फरवरी २००९ ई. के रात क॑ मुख्यमंत्री नीतीश कुमार उधाडीह गाँव म॑ रुकलऽ छेलै

Comments are closed.

error: Content is protected !!