उधाडीह, सुल्तानगंज । शहीद निलेश कुमार नयन केरऽ श्राद्ध कर्म म॑ शामिल होय लेली बिहार केरऽ मुख्यमंत्री नीतीश कुमार अब॑ नै ऐतै । मुख्यमंत्री केरऽ आबै के कार्यक्रम स्थगित होय गेलऽ छै ।

angika-paper-cutting-prabhat-khabar

जम्मू-कश्मीर केरऽ बांदीपोरा म॑ आतंकी सिनी के साथ मुठभेड़ के क्रम म॑ शहीद होलऽ निलेश नयन के परिवार स॑ मिलै ल॑ २१ अक्टूबर क॑ मुख्यमंत्री नीतीश कुमार  उधाडीह गांव आबै वाला छेलै ।

corporal_Nilesh-kumar-nayan
शहीद निलेश कुमार नयन

सुरक्षा केरऽ इंतजाम के सहत एसडीएम, डीएसपी, डीओ सहित जिला केरऽ वरीय आधिकारी सिनी न॑ सभा स्थल केरऽ निरीक्षण भी करी लेल॑ छेलै । लेकिन मुख्यमंत्री केरऽ कार्यक्रम स्थगित होला स॑ उधाडीह गाँव आरू सौसे इलाका के लोगऽ के बीच निराशा व्याप्त होय गेलऽ छै । शहीद केरऽ शव यात्रा के दिन ग्रामीणऽ सिनी के कहना छेलै कि शहीद केरऽ परिवार क॑ सांत्वना दै लेली सीएम क॑ आना चाहियऽ छेलै ।

प्रखंड विकास पदाधिकारी प्रभात रंजन सरकार केरऽ अनुसार सदर एसडीओ न॑  मौखिक रूप स॑ सीएम केरऽ प्रोग्राम के स्थगित होय केरऽ सूचना देल॑ छै ।

सीएम आगमन लेली जिला के सब विभाग के अधिकारी लगातार तैयारी म॑ जुटलऽ रहै । मुख्यमंत्री के आगमन लेली हेलीपैड के निरमान भी करलऽ जाय रहलऽ छेलै । अब॑ सब काम बंद करी देलऽ गेलऽ छै ।

Comments are closed.

error: Content is protected !!