4 months ago
उधाडीह गाँव मँ मनैलौ गेलै शौर्य चक्रधारी अंग गौरव शहीद निलेश कुमार नयन केरौ शहादत दिवस | New in Angika
4 months ago
गिनीज बुक ऑफ वर्ल्ड रिकॉर्ड मँ जग्घौ बनाबै लेली आय 122 भाषा के गाना कार्यक्रम मँ अंगिका मँ भी गैतै पुणे केरौ मंजुश्री ओक | News in Angika
4 months ago
अंगिका भाषा क आठमौ अनुसूची मँ दर्ज कराबै लेली दिसम्बर मँ दिल्ली मँ होय वाला आन्‍दोलन क सफल बनाबै के करलौ गेलै आह्वान | News in Angika
4 months ago
अंगिका आरू हिन्दी केरौ वरिष्ठ कवि व गीतकार, कविरत्न महेन्द्र प्र.”निशाकर” “दिनकर सम्मान” सँ सम्मानित  | News in Angika Angika
5 months ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika

सुल्तानगंज । उधाडीह, सुलतानगंज केरऽ निलेश नयन केरऽ आतंकी मुठभेड़ म॑ शहीद होला प॑ अंग देश म॑ सगरे शोक के लहर व्याप्त होय गेलऽ छै । जम्मू-कश्मीर केरऽ बांदीपोरा म॑ बुधवार भोरे पाँच बजे आतंकी सिनी के साथ होलऽ मुठभेड़ म॑ वायुसेना केरऽ दू गरुड़ कमांडो कॉर्पोरल निलेश नयन आरू सर्जेंट मिलिंद किशोर शहीद होय गेलै । निलेश नयन भागलपुर के सुल्तानगंज प्रखंड के उधाडीह गाँव केरऽ निवासी पिता तरुण कुमार सिंह, माय बुलबुल देवी केरऽ सुपुत्र छेलै । मुठभेड़ म॑ दू लश्कर आतंकी भी मारलऽ गेलऽ छै ।

airforce_Nilesh

कश्मीर म॑ आतंकवाद फैलला के २७ साल म॑ पहलऽ बार आतंकवादी सब के खिलाफ कार्रवाई म॑ वायुसेना के कोय जवान शहीद होलऽ छै। निलेश नयन श्रीनगर केरऽ आर्मी कैंप म॑ ट्रेनिंग ल॑ रहलऽ छेलै ।

रक्षा मंत्रालय केरऽ प्रवक्ता अनुसार राख पारिबल क्षेत्र म॑ आतंकी सब के छिपै के सूचना छेलै । भोरे पौने पाँच बजे संयुक्त अभियान शुरू होलै । वायुसेना के कमांडो भी अनुभव आरू ट्रेनिंग लेली एकरा म॑ शामिल होलऽ रहै ।

angika-ang-prabhatKhabar-Patna-12-10-2017

निलेश तीन महीना के विभागीय प्रशिक्षण लेली श्रीनगर केरऽ आर्मी कैंप म॑ गेलऽ छेलै । निलेश केरऽ शहादत के सूचना एयरफोर्स चंडीगढ़ कैंप स॑ हुनकऽ बाबूजी क॑ भोरे १० बजे मिललै । हुनका बतैलऽ गेलै कि पार्थिव शरीर क॑ दानापुर कैंट भेजलऽ जैतै । हुनकऽ पिता न॑ शहीद बेटा केरऽ पार्थिव शरीर घर तलक पहुंचाबै के बात कहल॑ छै ।

गुरुवार क॑ हवाई जहाज स॑ शहीद निलेश केरऽ शव पूर्णिया केरऽ चूनापुर हवाई अड्‌डा पहुंचतै । वहां स॑ शव क॑ सुल्तानगंज लानलऽ जैतै ।

निलेश न॑ २००४ ई. म॑ एयरफोर्स ज्वाइन करन॑ छेलै । निलेश केरऽ शहीद होय के सूचना सबस॑ पहल॑ मुंबई म॑ रही रहलऽ हुनकऽ बहनोई मुकेश मेहता क॑ मिललै । हुनी ई घटना के जानकारी अपनऽ ससुर आरू निलेश केरऽ पिता तरुण सिंह क॑ देलकै ।

बेटा केरऽ शहीद होय के सूचना मिलथैं पिता के तबीयत बिगड़ी गेलै । माय बुलबुल देवी पहलै स॑ ही बीमार चली रहलऽ छेलै।
निलेश न॑ २०१५ म॑ बिना दहेज रायपुर केरऽ मिनीषा नयन स॑ अंतरजातीय शादी करन॑ छेलै ।

अपनऽ देश म॑ अमन-चैन बनैल॑ रखै लेली शहीद होय वाला अंगदेश केरऽ ई वीर योद्धा निलेश नयन क॑ अश्रुपूर्ण भावभीनी श्रद्धांजलि । निलेश नयन सदा अमर रह॑, भगवान हुनकऽ आत्मा क॑ चिर शांति दिअ॑, प्रभु स॑ ऐन्हे कामना छै ।

Comments are closed.

error: Content is protected !!