मोतिहारी । बिहार म॑ बड़ी संख्या में साइबेरियन पक्षी सिनी केरऽ मौत के मामला सामने ऐलऽ छै । पूर्वी चंपारण जिला केरऽ डुमरियाघाट थाना क्षेत्र केरऽ सरोतर झील में एक साथ करीब ५० साइबेरियन पक्षि सब के मौत सें सवाल उठ॑ लगलऽ छै । उधर, पुलिस न॑ मामला केरऽ गंभीरता क॑ देखतें हुअ॑ मामला दर्ज करी क॑ पड़ताल शुरू करी देल॑ छै ।

पुलिस केरऽ अनुसार केसरिया प्रखंड केरऽ सरोतर गांव में सैंकड़ों एकड़ में फैललऽ सरोतर झील में संदेहास्पद स्थिति में करीब ५० प्रवासी पक्षी सब को मौत होय गेलै । आशंका छै कि झील में कोय जहरीला पदार्थ डाली देलकै, जेकरऽ कारण एतना संख्या में साइबेरियन पक्षी सिनी के मौत एक्के दिन में होय गेलै ।

angika_ang_angika_language

एगो लिखित बयान पर ई मामला केरऽ एगो प्राथमिकी डुमरियाघाट थाना में दर्ज करी लेलऽ गेलऽ छै । एकरा में तीन लोगों क॑ नामजद आरोपी बनैलऽ गेलऽ छै । प्राथमिकी में आरोप लगैलऽ गेलऽ छै कि ई लोगें झील में कोनो जहरीला पदार्थ डाली देलकै। जेकरा सें प्रवासी पक्षी सिनी के मौत होय गेलै ।

मृत पक्षी सब के शवऽ क॑ जांच लेली पटना भेजी देलऽ गेलऽ छै । एकरा सें मौत के सही कारण के पता चल॑ सकतै । गौरतलब छै कि हर वर्ष ई मौसम में सरोतर झील में बड़ी संख्या में साइबेरिया आरू हिमालयन रेंज सें पक्षी यहां आबै छै ।

(Source : https://navbharattimes.indiatimes.com/state/bihar/other-cities/siberian-birds-found-dead-in-bihar-lake-case-registered/articleshow/61768356.cms प॑ आधारित खबर)

Comments are closed.

error: Content is protected !!