नई दिल्ली । आईसीसी न॑ शुक्रवार क॑ ९ टीमऽ के टेस्ट लीग चैंपियनशिप आरू १३ टीमऽ के वनडे लीग क॑ सैद्धांतिक मंज़ूरी द॑ देल॑ छै । टेस्ट वर्ल्ड चैंपियनशिप के शुरुआत ‘२०१९ विश्व कप’ के बाद होतै जेकरा म॑ २ साल के अंतराल प॑ हर टीम ६ सीरीज़ खेलतै आरू एकरऽ आखिर म॑ फाइनल खेललऽ जैतै । वहीं, यह॑ तरह वनडे लीग के शुरुआत वर्ष २०२० स॑ होतै ।

angika-cricket

इंटरनेशनल क्रिकेट काउंसिल (आईसीसी) न॑ अंतरराष्ट्रीय क्रिकेट क॑ रोमांचक बनाबै लेली नया फैसला लेन॑ छै । शुक्रवार क॑ आईसीसी केरऽ बैठक म॑ टेस्ट आरू वनडे इंटरनेशनल लीग क॑ मंजूरी द॑ देलऽ गेलै ।

आईसीसी के अनुसार ई ६ टेस्ट सिरीज म॑ स॑ टीम ३ सिरीज अपनऽ घर म॑ आरू ३ सिरीज घर स॑ बाहर खेलतै । यह॑ तरह वनडे लीग म॑ भी खेली क॑ टीम क्रिकेट वर्ल्ड कप लेली लीग मैच स॑ क्वॉलीफाइ करतै । ई तरह वर्ल्ड कप म॑ आईसीसी केरऽ १२ फुल मेंबर टीम आरू आईसीसी वर्ल्ड क्रिकेट लीग चैंपियनशिप के विजेता टीम हिस्सा लेतै । सब्भे टीमऽ क॑ हर २ साल म॑ ओसनऽ ६ सिरीज खेलै ल॑ होतै ।

Comments are closed.

error: Content is protected !!