2 weeks ago
उधाडीह गाँव मँ मनैलौ गेलै शौर्य चक्रधारी अंग गौरव शहीद निलेश कुमार नयन केरौ शहादत दिवस | New in Angika
2 weeks ago
गिनीज बुक ऑफ वर्ल्ड रिकॉर्ड मँ जग्घौ बनाबै लेली आय 122 भाषा के गाना कार्यक्रम मँ अंगिका मँ भी गैतै पुणे केरौ मंजुश्री ओक | News in Angika
3 weeks ago
अंगिका भाषा क आठमौ अनुसूची मँ दर्ज कराबै लेली दिसम्बर मँ दिल्ली मँ होय वाला आन्‍दोलन क सफल बनाबै के करलौ गेलै आह्वान | News in Angika
4 weeks ago
अंगिका आरू हिन्दी केरौ वरिष्ठ कवि व गीतकार, कविरत्न महेन्द्र प्र.”निशाकर” “दिनकर सम्मान” सँ सम्मानित  | News in Angika Angika
2 months ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika

चन्द्रयान-२ केरौ लॉंचिंग मँ भागलपुर इंजीनियरिंग कॉलेज के डिग्रीधारी आफताब के भी छै योगदान | Aftab, a graduate of Bhagalpur Engineering College, too contributed in to the launching of Chandrayaan-2 | News in Angika.

बेंगलुरू, २८ जुलाई, २०१९ । अनगिनत सपना आरू उम्मीद ल क भारत केरौ मिशन चन्द्रयान-२ सोमवार क चाँद दन्नें रवाना भ गेलै । चन्द्रयान-२ केरौ लॉंचिंग मँ भागलपुर इंजीनियरिंग कॉलेज के डिग्रीधारी मो. आफताब अहमद के भी योगदान छै। आफताब भागलपुर के लगीच स्थित सबौर के रहै वाला छै ।

जीएसएलवी-मार्क-III  प्रक्षेपण यान केरौ कईएक प्रणाली के निर्माण मँ मो. आफताब के अहम योगदान छै ।

लाँच करलौ गेलौ चन्द्रयान क सही दिशा मँ लै जाय लेली ईलेक्ट्रो-मैकेनिकल नियंत्रण प्रणाली निर्माण आरू ओकरौ जाँच करै मँ आफताब के योगदान छै ।

साथ ही चन्द्रयान क विभिन्न चरण क पृथक करै मँ आरू अन्य प्रणाली क शुरू या बंद करै लेली इस्तेमाल होय वाला पाइरो डिवाईस के निर्माण कार्य मँ भी आफताब शामिल रहलौ छै ।

एकरौ अलावे चन्द्रयान मँ लगलौ यंत्र सिनी क उर्जा प्रदान करै लेली लियोन बैटरी के निर्माण मँ भी हुनी शामिल रहलौ छै । चंद्रयान उपग्रह आरू लैंडर मँ ऐसनौ बहुत्ते बैटरी लगलौ छै ।

मो. आफताब अहमद नँ भागलपुर इंजीनियरिंग कॉलेज सँ २०१० ई. मँ मैकेनिकल इंजीनियरिंग ब्राँच सँ इंजीनियरिंग पास करलै रहै । पास करला के तुरंत बाद २०१० ई. मँ ही आफताब नँ विक्रम साराभाई स्पेस सेंटर ज्वाइन करनै रहै । ९ बरस सँ स्पेस सेंटर मँ कार्यरत रहै वाला आफताब सबौर केरौ पानी टंकी मोहल्ला के रहैवाला छेकै ।

 

Comments are closed.

error: Content is protected !!