भागलपुर : बाँका होय कॆ भागलपुर सॆं देवघर लेली ट्रेन केरॊ परिचालन इ साल सॆं संभव होय जैतै. बाँका-सुल्तानगंज नया रेल लाइन लेली प्राक्कलन रेलवे बोर्ड कॆ भेजी देलॊ गेलॊ छै. अभी तलक स्टीमेट स्वीकृत नै होलॊ छै. मालदा रेल मंडल के डीआरएम राजेश अर्गल नॆ आशा जतैलॆं छै कि देर-सबेर इ साल सॆं बाँका होय कॆ भागलपुर सॆं देवघर लेली ट्रेन केरॊ परिचालन शुरू होय जैतै. train

चानन-कटोरिया के बीच 15.6 किलोमीटर मॆं पटरी बिछाबै के काम लगभग पूरा करी लेलॊ गेलॊ छै. 13 सौ मीटर पटरी बिछाबै के काम बचलॊ छै, जेकरा सितंबर तक पूरा करी लेलॊ जैतै. देवघर सॆं चानन के बीच 12 किलोमीटर पटरी बिछाबै के काम 2012 में ही पूरा होय गेलॊ छै आरू पैसेंजर ट्रेन के परिचालन होय रहलॊ छै. कटोरिया सॆं करझौंसा 10.8 किलोमीटर व बांका सॆं करझौंसा 14.2 किलोमीटर पटरी बिछाबै के काम भी पूरा करी लेलॊ गेलॊ छै.

मालदा रेल मंडल केरॊ डीआरएम राजेश अर्गल नॆ गुरुवार कॆ पत्रकारॊ कॆ बतैलकै कि सितंबर तक रेलवे लाइन बिछाबै के काम पूरा होय जैतै. जमीन संबंधी विवाद लगभग सुलझाय लेलॊ गेलॊ छै. साथ ही ओवर ब्रिज केरॊ काम 90 प्रतिशत तक पूरा होय गेलॊ छै. हुनी बतैलकै कि बांका-सुल्तानगंज नया रेल लाइन लेली प्राक्कलन रेलवे बोर्ड कॆ भेजी देलॊ गेलॊ छै. अभी तलक स्टीमेट स्वीकृत नै होलॊ छै. पीरपैंती सॆं गोड्डा के बीच बनै वाला नया रेल लाइन लेली सर्वे केरॊ काम पूरा होय गेलॊ छै. जमीन अधिग्रहण लेली रेलवे बोर्ड कॆ भेजलॊ गेलॊ छै, लेकिन अभी तलक वहां सॆं स्वीकृति नै ऐलॊ छै. हुनी बतैलकै कि जेतना भी योजना पूर्व मॆं स्वीकृत होलॊ छै, वू सब देर सवेर पूरा होय जैतै.

हालाँकि बाँका-सुल्तानगंज नया रेल लाइन लेली प्राक्कलन रेलवे बोर्ड कॆ भेजी देलॊ गेलॊ छै आरू स्टीमेट स्वीकृति के प्रक्रिया सॆं गुजरी रहलॊ छै. पर बांका-सुल्तानगंज नया रेल लाइन केरॊ रूट मॆं परै वाला इलाका के लोगॊ कॆ इ रेलवे लाइन के पूरा होय के इंतजार बरसॊं सॆं छै. बाँका-सुल्तानगंज नया रेल लाइन केरॊ रूट मॆं परै वाला नारायणपुर, कटहरा, कुमारपुर, खानपुर, रसीदपुर, आबा, देवधा, करहरिया आदि गाँवॊ के लोग-बाग नया रेल लाइन लेली बड़ा उत्साहित नजर आबै छै.

Comments are closed.