देवघर/भागलपुर /कहलगांव : गोड्डा के सांसद निशिकांत दुबे के कहना छै कि हुनी अंग के धरती पर पललऽ बढ़लऽ छै । बचपन ऐतिहासिक विक्रमशिला के मट्टी म॑ खेलतं॑ कूदत॑ बीतलऽ छै । बचपन स॑ ही प्रभु राम केरऽ गुरु वशिष्ट मुनि द्वारा स्थापित बाबा बटेश्वर स॑ हुनकऽ लगाव रहलऽ छै ।  आज जे भी छियै अंग के तपस्वी रिसि मुनियऽ के कृपा स॑ छियै ।  पीरपैंती-बटेश्वर-नवगछिया रेल मार्ग क॑ ल॑ क॑ गडकरी जी केरऽ घोसना के बाद आज लगी रहलऽ छै कि  हम्मं॑ अपनऽ कर्ज चुकाय देलिऐ ।  रेसमी नगर भागलपुर के हम्मं॑ कर्जदार छियै ।

केंद्रीय सड़क परिवहन, राजमार्ग व जहाजरानी मंत्री नितिन गडकरी न॑ बुधवार क॑ पीरपैंती-जसीडीह रेल लाइन पर बटेश्वर स्थान के पास रेल ओवर ब्रिज (आरओबी) के निर्मान करवाबै के घोसना करलकै. गोड्डा सांसद निशिकांत दूबे के मांग पर घोसना करतं॑  हुनी एकरा लेली डीपीआर तैयार करै के निर्देस देन॑ छै ।

Comments are closed.