पटना : नेशनल बुक ट्रस्ट लोक भाषा सीनी कॆ प्राथमिकता दॆ रहलॊ छै.  नेशनल बुक ट्रस्ट केरॊ अध्यक्ष बलदेव भाई शर्मा नॆ कहलकै कि बिहार मॆं बोललॊ जाय वाला  भाषा  अंगिका, भोजपुरी  आरू  मैथिली  आदि पर शोध कार्य करी कॆ नेशनल बुक ट्रस्ट (एनबीटी)  द्वारा पुस्तक प्रकाशित करलॊ जैतै.

नेशनल बुक ट्रस्ट (एनबीटी) नॆ साहित्य, विज्ञान, कला आरू भाषा आदि विषयॊ पर प्रकाशित किताबॊ कॆ गांवॊ तलक पहुंचाबै लेली अभियान शुरू करनॆ छै.  एकरा लेली ट्रस्ट के तरफ सॆं पुस्तक परिक्रमा योजना शुरू करलॊ गेलॊ छै. योजना के तहत पुस्तक के प्रचार-प्रसार आरू बिक्री लेली विशेष वाहन तैयार करलॊ गेलॊ छै, जे गांव-गांव जाय करी कॆ पुस्तकॊ के बारे मॆं लोगोॊ कॆ जागरूक करतै. इ बात मंगलवार कॆ राजधानी केरॊ एगॊ होटल मॆं आयोजित संवाददाता सम्मेलन मॆं नेशनल बुक ट्रस्ट केरॊ अध्यक्ष बलदेव भाई शर्मा नॆ कहलकै.

National Book Trust

National Book Trust

अध्यक्ष नॆ पुस्तक-परिक्रमा लेली मोबाइल बस कॆ हरा झंडा दिखाय कॆ रवाना करलकै. पुस्तकॊ से भरलॊ इ विशेष बस गया, नवादा, औरंगाबाद आरू कैमूर जिला के सुदूर इलाका के दौरा करतै. किताबॊ पर दस फीसद के छूट देलॊ जैतै.

अध्यक्ष नॆ कहलकै कि नेशनल बुक ट्रस्ट इ वर्ष पटना केरॊ गांधी मैदान मॆं पुस्तक मेला के आयोजन करतै. एकरा लेली तैयारी शुरू करी देलॊ गेलॊ छै. तारीख के घोषणा
बाद मॆं करलॊ जैतै. पुस्तक मेले मॆं अधिकांश भाषा केरॊ साहित्य के पुस्तक पाठकॊ सीनी कॆ उपलब्ध करैलॊ जैतै. नेशनल बुक ट्रस्ट केरॊ तरफ सॆ युवा लेखकॊ सीनी कॆ प्रोत्साहित करै लेली ऑथर कॉर्नर शुरू करलॊ गेलॊ छै. पुस्तक मेला के साथ विभिन्न शहरोॊ में मौजूद एनबीटी केंद्रों पर भी इ सुविधा छै. एकरॊ तहत नया लेखकोॊ के रचना सब कॆ प्रकाशित करै के कोशिश करलॊ जाय रहलॊ छै. हुनका पहचान दै लेली एनबीटी हर संभव प्रयास करी रहलॊ छै.

नेशनल बुक ट्रस्ट लोक भाषा सीनी कॆ प्राथमिकता दॆ रहलॊ छै. हुनी बतलैलकै कि बिहार मॆं बोललॊ जाय वाला विभिन्न लोक भाषा भोजपुरी, मैथिली आरू अंगिका आदि पर
शोध कार्य करी कॆ पुस्तक प्रकाशित करलॊ जैतै.

राजधानी में स्थापित पुस्तक प्रोत्साहन केन्द्र नै खाली पुस्तक बिक्री के काम करतै बल्कि यहां साहित्य सॆं जुङलॊ गतिविधि भी संचालित करलॊ जैतै. हुनी कहलकै कि केन्द्र सॆं साहित्यकारॊ, पत्रकारॊ, स्कूल-कालेजॊ मॆं पढ़ै वाला छात्र-छात्रा सीनी कॆ जोड़ै के प्रयास करलॊ जैतै. प्रेस वार्ता में ट्रस्ट केरॊ निदेशक एमए सिकंदर, राज्य केरॊ नोडल प्रभारी कुमार विक्रम आरू पटना शाखा केरॊ प्रभारी डॉ. कमाल अहमद मौजूद रहै.

Comments are closed.