3 months ago
उधाडीह गाँव मँ मनैलौ गेलै शौर्य चक्रधारी अंग गौरव शहीद निलेश कुमार नयन केरौ शहादत दिवस | New in Angika
4 months ago
गिनीज बुक ऑफ वर्ल्ड रिकॉर्ड मँ जग्घौ बनाबै लेली आय 122 भाषा के गाना कार्यक्रम मँ अंगिका मँ भी गैतै पुणे केरौ मंजुश्री ओक | News in Angika
4 months ago
अंगिका भाषा क आठमौ अनुसूची मँ दर्ज कराबै लेली दिसम्बर मँ दिल्ली मँ होय वाला आन्‍दोलन क सफल बनाबै के करलौ गेलै आह्वान | News in Angika
4 months ago
अंगिका आरू हिन्दी केरौ वरिष्ठ कवि व गीतकार, कविरत्न महेन्द्र प्र.”निशाकर” “दिनकर सम्मान” सँ सम्मानित  | News in Angika Angika
5 months ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika

नई दिल्ली: देश केरॊ 15वाँ प्रधानमंत्री के रूप मॆं नरेंद्र मोदी नॆ आज शपथ लेलकै. राष्ट्रपति भवन मॆं आयोजित इ कार्यक्रम मॆं राष्ट्रपति प्रणब मुखर्जी नॆ हुनका पद आरू गोपनीयता के शपथ देलैलकै. प्रधानमंत्री नरेंद्र मोदी के साथ-साथ कैबिनेट केरॊ मंत्री सीनी नॆ भी सोमवार कॆ शपथ लेलकै. कुल 45 मंत्री में सॆं 23 केंद्रीय मंत्री, 11 राज्‍यमंत्री आरू 10 स्‍वतंत्र प्रभार के राज्‍यमंत्री बनैलॊ गेलॊ छै. मोदी कैबिनेट मॆं ज्‍यादातर मंत्री 70 साल सॆं कम उम्र के छै. पहले भी कई बार ऐसनॊ कहलॊ गेलॊ रहै कि इ उम्र सॆं ज्‍यादा वाला कॆ मंत्री नै बनैलॊ जैतै. बतैलै जाय रहलॊ छै कि इहॆ वजह सॆं 80 साल के मुरली मनोहर जोशी कॆ मंत्री नै बनैलॊ गेलै हालांकि, 74 साल केरॊ नजमा हेपतुल्‍ला कॆ मंत्री बनैलॊ गेलॊ छै.

Narendra Modi
नरेंद्र मोदी बनलै देश के 15वाँ प्रधानमंत्री

शपथ लय वाला मंत्रियॊ मॆं राजनाथ सिंह, सुषमा स्वराज, अरुण जेटली, वैंकैया नायडू, नितिन गडकरी, सदानंद गौड़ा, उमा भारती, नजमा हेपतुल्ला, गोपीनाथ मुंडे, राम विलास पासवान, कलराज मिश्र, मेनका गांधी, अनंत कुमार, रवि शंकर प्रसाद, अशोक गजपति राजू, अनंत गीते, हरसिमरत कौर, नरेंद्र सिंह तोमर, जुएल ओराम, राधा मोहन सिंह, थावर चंद गहलोत, स्मृति ईरानी, डॉ हर्षवर्धन, जनरल (सेवानिवृत्त) वीके सिंह, इंद्रजीत सिंह, संतोष गंगवार, श्रीपद नाइक, अशोक प्रधान, सर्वनंदा सोनोवाल, प्रकाश जावडेकर, पीयूष गोयल, जितेंद्र सिंह, निर्मला सीतारमन, जीएम सिद्धेश्वरा, मनोज सिन्हा, निहालचंद मेघवाल, उपेंद्र कुशवाहा, पी राधाकृष्णन, किरेन रिजिजू, कृष्णपाल गूजर, डॉ संजीव बालयान, मनसुख भाई वसावा, राव साहब दन्वे, विष्णुदेव साई, सदर्शन भगत आदि प्रमुख छेलात.

मंत्रियॊ के मंत्रालय आरू विभाग

बीजेपी के वरिष्ठ नेता अरुण जेटली कॆ वित्त मंत्रालय के साथ रक्षा मंत्रालय केरॊ अतिरिक्त प्रभार भी देलॊ गेलॊ छै. वहीं पार्टी अध्यक्ष राजनाथ सिंह कॆ गृहमंत्री बनैलॊ गेलॊ छै आरू सुषमा स्वराज कॆ विदेश मंत्रालय देलॊ गेलॊ छै.

ऐकरॊ अलावा पार्टी के पूर्व अध्यक्ष नितिन गडकरी कॆ परिवहन मंत्रालय आरू कर्नाटक के पूर्व मुख्यमंत्री सदानंद गौड़ा कॆ रेल मंत्रालय के प्रभार देलॊ गेलॊ छै.

वहीं रविशंकर प्रसाद कॆ कानून मंत्री केरॊ प्रभार देलॊ गेलॊ छै. प्रकाश जावड़ेकर कॆ सूचना एवं प्रसारण मंत्रालय आरू पर्यावरण मंत्रालय के प्रभार मिललॊ छै. मेनका गांधी कॆ महिला एवं बाल कल्याण मंत्री बनैलॊ गेलॊ छै. दिल्ली सॆ सांसद डॉ. हर्षवर्द्धन कॆ स्वास्थ्य मंत्री बनैलॊ गेलॊ छै.

महाराष्ट्र बीजेपी केरॊ वरिष्ठ नेता गोपीनाथ मुंडे कॆ ग्रामीण विकास मंत्री बनैलॊ गेलॊ छै. नजमा हेपतुल्ला कॆ अल्पसंख्यक मामला के मंत्रालय मिललॊ छै. वहीं राज्यसभा सांसद पीयूष गोयल कॆ ऊर्जा एवं कोयला मंत्रालय देलॊ गेलॊ छै.

ऐकरॊ अलावा बिहार सॆं एलजेपी प्रमुख रामविलास पासवान कॆ खाद्य एवं नागरिक आपूर्ति मंत्री बनैलॊ गेलॊ छै. उमा भारती कॆ जल-संसाधन आरू गंगा सफाई मंत्रालय देलॊ गेलॊ छै. वेंकैया नायडु कॆ संसदीय कार्यमंत्री बनैलॊ गेलॊ छै.

बीजेपी प्रवक्ता निर्मला सीतारमन कॆ वाणिज्य राज्यमंत्री के स्वतंत्र प्रभार, धर्मेंद्र प्रधान कॆ पेट्रोलियम राज्यमंत्री के स्वतंत्र प्रभार, राव इंद्रजीत कॆ रक्षा राज्यमंत्री बनैलॊ गेलॊ छै. वहीं राजस्थान के श्रीगंगानगर सॆं सांसद निहाल चंद मेघवाल कॆ भी राज्यमंत्री कॆ दर्जा देलॊ गेलॊ छै. ऐकरॊ अलावा बिहार मॆं एनडीए सहयोगी राष्ट्रीय लोक समता दल केरॊ प्रमुख उपेंद्र कुशवाहा कॆ भी राज्यमंत्री के दर्जा देलॊ गेलॊ छै.

भारतीय जनता पार्टी नीत एनडीए केरॊ सरकार मॆं नरेंद्र मोदी केरॊ शपथग्रहण समारोह मॆं पूर्व राष्ट्रपति प्रतिभा पाटिल, एपीजे अब्दुल कलाम, उपराष्ट्रपति हामिद अंसारी, पूर्व लोकसभा अध्यक्षा मीरा कुमार, पूर्व प्रधानमंत्री मनमोहन सिंह, एचडी देवेगौड़ा, पूर्व उपप्रधानमंत्री लालकृष्ण आडवाणी, कांग्रेस अध्यक्ष सोनिया गांधी केरॊ अलावा तमाम अन्य नेता मौजूद रहै.

विदेशॊ सॆ ऐलॊ मेहमानॊ मॆं पाकिस्तानी प्रधानमंत्री नवाज शरीफ, अफगानिस्तान केरॊ राष्ट्रपति हामिद करजई, श्रीलंकाई राष्ट्रपति महिंदा राजपक्षे, मारीशस केरॊ प्रधानमंत्री नवीन रामगुलाम, भूटान केरॊ प्रधानमंत्री ल्यूनछेन त्शेरिंग तोब्गे, बांग्लादेश केरॊ स्पीकर शिरीन चौधरी, नेपाल केरॊ प्रधानमंत्री सुशील कोइराला, मालदीव केरॊ राष्ट्रपति अब्दुल्ला यामीन अब्दुल गयूम आदि शामिल भेलै.

Comments are closed.

error: Content is protected !!