मुंबई । मशहूर फिल्म-टेलिविजन-थिएटर-कलाकार, पद्मश्री टॉम ऑल्टर कैंसर केरऽ बीमारी स॑ लड़ी रहलऽ छै। मुंबई केरऽ सैफी हॉस्पिटल म॑ हॉस्पिटलाइज़ होला के एक सप्ताह बाद ऑल्टर केरऽ फैमिली तरफ स॑ मीडिया क॑ ई जानकारी देलऽ गेलऽ छै ।

६७ साल केरऽ ऑल्टर स्क्वॉमस सेल कार्सिनोमा (एक प्रकार केरऽ स्किन कैंसर) के चपेट म॑ वू फिर स॑ आबी गेलऽ छै । फिलहाल हुनकऽ इलाज मुंबई म॑ चली रहलऽ छै आरू सैफी हॉस्पिटल केरऽ एक्सपर्ट केरऽ सुपरविज़न म॑ छै ।

फेमस फिल्म ऐंड टेलिविजन इंस्टिट्यूट ऑफ इंडिया पुणा स॑ साल १९७४ म॑ गोल्ड मेडल डिप्लोमा ग्रैजुएट टॉम अनेक टीवी शोज़ आरू लगभग ३०० स॑ अधिक फिल्मऽ म॑ काम करी चुकलऽ छै । उनकऽ सब्भे किरदारऽ म॑ सबसे जादा याद करलऽ जाय छै । टीवी सीरियल ‘जुनून’ में गैंगस्टर केशव कलसी केरऽ किरदार, जे ९० के दशक म॑ ५ वर्ष तलक खूब चललै ।

ऐक्टिंग के अलावा ऑल्टर डायरेक्शन आरू साल १९८० स॑ ल॑ क॑ १९९० केरऽ दशक म॑ स्पोर्ट्स जर्नलिस्ट भी रही चुकलऽ छै । ऑल्टर न॑ तीन किताब भी लिखन॑ छै, जेकरा म॑ स॑ एक नॉन-फिक्शन आरू दू फिक्शन छै ।

कला आरू फिल्म जगत मट उनकऽ अभूतपूर्व योगदान लेली साल २००८ म॑ हुनका भारत सरकार तरफ स॑ पद्मश्री सम्मान भी देलऽ गेलऽ छै ।

 

Comments are closed.

error: Content is protected !!