2 weeks ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika
2 weeks ago
अंगिका महोत्सव -२०२० के आयोजक समिति के भेलै गठन । Angika Mahotsav-2020 Organizing Committee Constituted| News in Angika
2 weeks ago
सुलतानगंज केरौ श्रावणी मेला मँ जमा होलौ सिक्का के गिनती सँ परेशानी के माहौल
3 weeks ago
फरवरी केरौ पहलौ सप्ताह मँ ही आयोजित होतै अंगिका महोत्सव -२०२० । Angika Mahotsav to be organised in first week of February-2020 | News in Angika
4 weeks ago
अंगिका क भारतीय संविधान केरौ आठमौ अनुसूची मँ शामिल करवावै लेली 5 दिसम्बर क जन्‍तर-मन्‍तर प धरना आरू 6 दिसम्बर क राज घाट पर आमरण-अनसन सह सत्‍याग्रह । Dharna at  Jantar Mantar on 5 December and fasting on 6 March at Raj Ghat planned to include Angika in the Eighth Schedule of the Indian Constitution  | News in Angika

राँची । रेलवे केरऽ हालत बदलै खातिर देश केरऽ रेलमंत्री क॑ बदली देलऽ गेलै, लेकिन फिर भी रेल हादसा थमै के नाम नै ल॑ रहलऽ छै । बृहस्पतिवार क॑ दू अलग-अलग दुर्घटना म॑ शक्तिपुंज एक्सप्रेस आरू रांची राजधानी एक्सप्रेस ट्रेन पटरी स॑ नीचं॑ उतरी गेलै ।

दिल्ली केरऽ शिवाजी ब्रिज के पास राँची राजधानी एक्सप्रेस पटरी स॑ उतरी गेलै । राँची राजधानी एक्सप्रेस केरऽ इंजन आरू पावर कार भी पटरी स॑ उतरी गेलै । राँची राजधानी एक्सप्रेस राँची स॑ दिल्ली आबी रहलऽ छेलै । फिलहाल केकरो हताहत होय के खबर नै छै ।

एकरऽ पहल॑ बृहस्पतिवार सुबह साढ़े छह बजे उत्तर प्रदेश आरू मध्यप्रदेश के बॉर्डर प॑ उत्तर प्रदेश केरऽ सोनभद्र में शक्तिपुंज एक्सप्रेस केरऽ सात डिब्बा पटरी स॑ उतरी गेलै । शक्तिपुंज एक्सप्रेस ट्रेन हावड़ा स॑ जबलपुर जाय घड़ी हादसा के शिकार होलै । एकरा में भी केकरो हताहत होय के खबर नै छै ।

पीयूष गोयल केरऽ रेलमंत्री के पद संभालला के बाद ई पहलऽ दू रेल हादसा छेकै । पिछला कुछ दिना म॑ होय रहलऽ लगातार रेल दुर्घटना के जिम्मेदारी लेतें सुरेश प्रभु न॑ रेल मंत्री केरऽ पद स॑ इस्तीफा द॑ देल॑ छेलै । कैबिनेट फेरबदल में पीयूष गोयल क॑ रेल मंत्रालय के जिम्मा देलऽ गेलऽ छै ।

Comments are closed.

error: Content is protected !!