3 weeks ago
अंगिका भाषा क संविधान केरौ ८मो अनुसूची आरू बिहार केरौ दोसरौ राज्यभाषा के श्रेणी मँ शामिल करबाबै ल मुख्यमंत्री, विधि मंत्री सँ माँग
4 weeks ago
जनगणना मँ अपनौ नामौ सथें मातृभाषा के कॉलम मँ अंगिका जरूर दर्ज करैइयै : अंगिका निवेदन पत्र, नेपाली गीत गोष्ठी
4 weeks ago
अंगिका क संविधान केरौ ८मो अनुसूची मँ डलबाबै आरू बिहार केरौ दोसरौ राजभाषा के रूपौ मँ मान्यता दिलाबै तलक जारी रहतै संघर्ष – प्रीतम विश्वकर्मा कवियाठ
4 weeks ago
अंगिका क संविधान केरौ ८ मो अनुसूची मँ आरू बिहार केरौ दोसरौ राज्यभाषा के श्रेणी मँ सूचीबद्ध करबाबै लेली नेपाली गीत-गोष्ठी आयोजित करतै कार्यक्रम
1 month ago
अपनो माय भाषा अंगिका क संविधान केरौ ८ मो अनुसूची मँ डलबाय क संवैधानिक दर्जा दिलाबै लेली हजारों के भीड़ नँ बनैलकै मानव श्रृंखला

मुंबई : आग सिनेमा केरऽ निर्माण स्थल मुंबई केरऽ मशहूर आर.के. स्टूडियो आग स॑ जली क॑ खाक होय गेलऽ छै । आर.के. स्टूडियो मुंबई केरऽ चेंबूर इलाका म॑ छै । भीषण आग लगला स॑, स्टूडियो जली क॑ पुरा तरह स॑ छारऽ म॑ बदली गेलऽ छै । घटना म॑ केकरो घायल या हताहत होय के खबर नै छै । पर स्टूडियो खंडहर म॑ तब्दील होय गेलऽ छै ।

आर.के. स्टूडियो केरऽ स्थापना देश केरऽ आजादी के बाद १९४८ ई. म॑ सिनेमा जगत केरऽ मशहूर अभिनेता राज कपूर साहब न॑ करन॑ छेलै । १९४८ ई. म॑ ही आर.के. स्टूडियो केरऽ बैनर तल॑  ‘आग’ सिनेमा बनलऽ छै । ई फिल्म म॑  राज कपूर आरू नरगिस प्रमुख भूमिका म॑ छेलै ।

आवारा, बरसात, बूट पॉलिस, श्री ४२०, जागते रहो, मेरा नाम जोकर, बॉबी, राम तेरी गंगा मैली, जैसनऽ नामी सिनेमा आर.के. स्टूडियो केरऽ बैनर तल॑ बनै वाला कुछ फिल्म म॑ स॑ छै । आर.के. स्टूडियो केरऽ वर्तमान मालिक ऋषि कपूर छै ।

करीब सवा दू बजे दोपहर क॑ आग लगै के शुरुआत होलै। आग लगला के तुरंत बाद फायर ब्रिगेड केरऽ ६ गाड़ी मौका प॑ पहुंची गेलऽ छेलै लेकिन स्टूडियो क॑ जलै स॑ नै बचाब॑ पारलकै । आग लगै केरऽ असल वजह के अभी तलक पता नै चल॑ पारल॑ छै । कहलऽ जाय रहलऽ छै कि शार्ट-सर्किट केरऽ वजह स॑ स्टूडियो म॑ आग लगलै । ऋषि कपूर आरू दोसरऽ लोग खंडहर होय चुकलऽ स्टूडियो क॑ देखै ल॑ पहुँचलऽ छेलै । लगभग ५ बजे जब॑ ई न्यूज लेखक स्टूडियो लगाँ पहुँचलै तभियो पुलिस आरू मीडिया केरऽ भारी भीड़ परिसर के बाहर लगलऽ रहै ।

आर.के. स्टूडियो के साथ-साथ एकरऽ अंदर तैयार होय रहलऽ रियलिटी शो ‘सुपर डांसर शो’ केरऽ सेट भी जली क॑ राख होय गेलै । दुर्घटना के वक्त स्टूडियो म॑ कोय भी शूटिंग नै चली रहलऽ छेलै । वहां कोय कलाकार मौजूद नै छेलै ।

Comments are closed.

error: Content is protected !!