2 months ago
उधाडीह गाँव मँ मनैलौ गेलै शौर्य चक्रधारी अंग गौरव शहीद निलेश कुमार नयन केरौ शहादत दिवस | New in Angika
2 months ago
गिनीज बुक ऑफ वर्ल्ड रिकॉर्ड मँ जग्घौ बनाबै लेली आय 122 भाषा के गाना कार्यक्रम मँ अंगिका मँ भी गैतै पुणे केरौ मंजुश्री ओक | News in Angika
3 months ago
अंगिका भाषा क आठमौ अनुसूची मँ दर्ज कराबै लेली दिसम्बर मँ दिल्ली मँ होय वाला आन्‍दोलन क सफल बनाबै के करलौ गेलै आह्वान | News in Angika
3 months ago
अंगिका आरू हिन्दी केरौ वरिष्ठ कवि व गीतकार, कविरत्न महेन्द्र प्र.”निशाकर” “दिनकर सम्मान” सँ सम्मानित  | News in Angika Angika
3 months ago
चाँद पर विक्रम लैंडर के ठेकानौ के लगलै पता, पर अखनी नै हुअय सकलौ छै संपर्क | ISRO found Vikram on surface of moon, yet to communicate | Chandrayaan 2 | News in Angika
पटना : बिहार केरऽ पथ निर्माण मंत्री नंदकिशोर यादव न॑ कहल॑ छै कि प्रदेश केरऽ विकास लेली आधारभूत संरचना सब के विकास अति आवश्यक छै । ई  चीजऽ क॑ ध्यान म॑ रखतें हुअ॑  ही राज्य म॑ सड़क व पुल केरऽ निर्माण क॑ ल॑ क॑ सरकार विशेष ध्यान द॑ रहलऽ छै । हुनी कहलकै कि अगला पाँच साल म॑ गंगा नदी प॑ दस नया पुलऽ के निर्माण होतै । गंगा नदी प॑ नया पुल के निर्माण होला स॑ नै खाली दूरी घटतै,बल्कि सुविधा भी बढ़तै । ई पुलऽ के निर्माण प्रधानमंत्री नरेंद्र मोदी द्वारा घोषित विशेष पैकेज के अलावा राज्य सरकार अपनऽ संसाधन स॑ करी रहलऽ छै । हुनी कहलकै कि राज्य केरऽ कोनो सुदूर क्षेत्र स॑ पाँच घंटा म॑ पटना पहुंचै के लक्ष्य क॑ पूरा करै पर गंभीरता स॑ काम करलऽ जाय रहलऽ छै ।
गंगा नदी म॑  बक्सर म॑ अगला माह म॑ पुल केरऽ निर्माण शुरू होतै । मोकामा म॑ चार माह म॑ छो लेन के पुल निर्माण के प्रक्रिया शुरू होतै । पटना म॑ गांधी सेतु केरऽ समानांतर फोर लेन पुल निर्माण क॑ स्वीकृति मिली गेलऽ छै । जे कि प्रधानमंत्री केरऽ विशेष पैकेज केरऽ हिस्सा छेकै । हुनी कहलकै कि दीघा-सोनपुर पुल के समानांतर पुल केरऽ निर्माण होना छै । जबकि  ताजपुर-बख्तियारपुर, कच्ची दरगाह-बिदुपुर छह लेन पुल, सुल्तानगंज-अगुवानी घाट पुल केरऽ निर्माण कार्य प्रगति प॑ छै । भागलपुर म॑ विक्रमशिला पुल के समानांतर एगो नया पुल के निर्माण राज्य सरकार करैतै ।  मुंगेर रेल सह सड़क पुल केरऽ एप्रोच रोड तैयार करी क॑ ओकरा चालू करलऽ जाना छै । बिहार व झारखंड के बीच मनिहारी स॑ साहेबगंज पुल के निर्माण भी होना छै ।

मंत्री न॑ बतैलकै कि पुलऽ सब के निर्माण होला स॑ समय के बचत होला के साथ-२ लोगऽ क॑ अधिक सुविधा मिल॑ लागतै ।

Comments are closed.

error: Content is protected !!