भागलपुर : अखिल भारतीय अंगिका साहित्य सम्मेलन केरऽ वर्तमान कार्यकारिणी ६ जुलाई २०१५ सं॑ तत्काल प्रभाव सं॑ विघटित होय गेलऽ छै. सोमवार क॑ इ सूचना अखिल भारतीय अंगिका साहित्य सम्मेलन केरऽ राष्ट्रीय अध्यक्ष श्री लखनलाल सिंह आरोही न॑ देलकै ।

अंगिका.कॉम क॑ फोन सं॑ देलऽ गेलऽ इ वकत्व्य मं॑ हुनी कहलकै कि एगो सात सदस्यीय कोर कमिटी केरऽ गठन करलऽ गेलऽ छै, जे नया कार्यकारिणी के गठन तलक अखिल भारतीय अंगिका साहित्य सम्मेलन केरऽ संचालन मं॑ सहयोग देतें रहतै ।

सात सदस्यीय कोर कमिटी मं॑ शामिल अंगिका केरऽ साहित्यकारऽ सीनी के नाम छै: अनिरूद्ध प्रसाद विमल, रंजन कुमार, कुंदन अमिताभ, डी.पी.सिंह, सकलदेव शर्मा, प्रेम प्रभाकर, रामकिशोर ।

Comments are closed.

error: Content is protected !!